|
جميل جدا ماشاء الله |
ياهلا ومرحبا اخوي بوصلوح ماشاء الله تقرير جبار وجميل عن مزرعه بلدنا اول مره اشوف احد منزل تقرير عنه وهو من الاماكن الجديده والجميله ومنطقه المزرعه في ام الحوايا تقاطع 26 طبعا حافظ الطريق لاني دوووم اكون بالزرع الي جنبه يعني يفصلني عنه الشبك فقط مره ثانيه حياك عندنا تقهوه :3: المكان روعه ماتوقعته بهذي النظافه و الخدمات والمنتجات صحيح كلامك كلها طازجه من المزرعه سلمت يمناك على هذا التقرير الابداعي الف شكر لك :e304: |
بلدنا .. مزرعة جميلة في قطر شكرا على هالتقرير الجميل وماقصرت |
تسلم الايادي بوصلوووحماشاءالله بديت الاحظ الاهتمام في دول الخليج على المزارع والله شي وايد حلووو وكسر روتين عن المجمعات عندنا في الكويت ماشاءالله صاير تنافس بين المزارع والله يزيدهم .. لازم المزراع والمناطق اللي شوي برا الديره تكون اسعارها مرتفعه بحكم البعد .. واااي اسامي الحيوانات عزكم الله العلمية وايد صعبه خلونا على اسامينا اسهل .. جوله واهتمام وايد حلو فيها قواك الله |
تقرير راىع يعطيك العافية |
اقتباس:
شكراً لكم على التعليق =) اقتباس:
مشكور على الكلام الطيب المشجع و اضافتك أثرت الموضوع يعطيك العافية و فعلاً المكان جميل و يستاهل الزيارة فيه مطعم كركي المشهور في اللؤلؤة حلو حق ريوق .. شي فخم ومرتب .. الله يبارك لكم في حلالكم و اي والله ودنا نتقهوى عندكم ان شاء الله الجايات مشكور اسعدني تعليقك اقتباس:
اي انا من زمان اسمع عنها و خاطري ازورها ويوم طق المطر و تعدل الجو قلت لازم اروح .. لا ماشاءالله المكان حلو و يستاهل العنوة حتى لو بعيد اي والله استغلوا الجو الحلو حلاتها قطر في هالوقت عندنا وايد اماكن حلوة و مفتوحة اذا مارحناها هالوقت خلاص الصيف يحرمنا منها الحدايق و المزارع و الفعاليات المفتوحة سواء داخل الدوحة مثل كتارا و اسباير او الخارجية مثل سيلين و سوق الوكرة ولو ان الوكرة ماتعتبر خارجية خلاص صارت لاصقة في الدوحة حياج الله مشكورة على التعليق |
اقتباس:
اي والله هبينا في المجمعات و الأماكن الحديثة ونسينا هالأشياء الحلوة و الحمد لله ان صار في اهتمام فيها , و فترة الشتا لازم نستغل فيها هالاماكن ماشاءالله عمار يا بلد النهار .. عطونا نبذة عن اهم المزارع الي ممكن نزورها في الكويت نحطها ضمن المخططات المستقبلية امم صح بسبب البعد تكون الاسعار غالية شوي .. لكن انت تحصل دعم لامحدود من الدولة خاصة بعد الأزمة الخليجية هالمزرعة بالذات جاها دعم كبير .. فالمفروض مايكون في جشع يعني .. خاصة للي معاه عايلة كبيرة بيدفع مبلغ كبير يعني مثلا 6 أطفال و 4 كبار و التذكرة للطفل 55 و للكبار 35 غير انه بيدفع على ركوب الخيل مثلا و بعض الالعاب داخل .. غير أسعار المطعم صحن البرياني ب100 شدعوة .. ماتسوى على مزرعة يعني بس يلا يمكن مانزورها الا مرة في العمر اصلا هههه الشي الوحيد الزين في ارتفاع الاسعار ان مايصير زحمة وايد من الجاليات هههه اقتباس:
|
السلام عليكم بوصلووح انا كتبت عن المزرعة وزرتها ولكن ماشفت البحيرة يمكن جديدة او داخل المنتزه مادخلنا المنتزه كان برد وزحمة الظاهر كان فيه مناسبة او حملة ترويجيه للمكان المكان جدا مميز ونظيف و المنتجات رخصية بمتناول الجميع ولكن المرافق في المزرعة غالية فعلا شكلك ماكملت موضوعي عن قطر موجود مثبت في المواضيع الثابته في اعلى الصفحة |
ماشاءالله خوووش مزرعه كتب عنها بو عبدالله وانت زدت لنا معرفه فيها اجواءها حلوه للاطفال والكبار وخاصه بهالايام الاسعار اللي ذكرتها صج غاليه وعندنا وعندكم خير دام المكان او المطعم ماسكه واحد من اهل البلد بيكون غالي يقول لك مشاريع وطنيه ويسلخون المواطن المزارع عندنا كتبت عن ثنتين ابرار بالبوابه الكويتيه شكراا للتقرير والله يحفظ الصغار لكم |
| الساعة الآن 10:37 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO