|
وين اروح في قطر ؟ السلام عليكم يا اجمل منتدى عربي … الله لا يهينكم بغيت منكم جدول سياحي لمدة يومين في قطر انا و زوجتي و ولدي الصغير .. يهمنا التسوق و التمشيه و الترفيه وبرضوا بالنسبه للأكل حريصين على ان المطاعم اللي نزورها تكون لحومها و دواجنها حلال و شغل مضمون ف ياليت اللي عنده خلفيه بالموضوع يفيدنا و اكون له شاكر و ممنون 🌹🌹 |
حياك الله اخي بوشى ورحلة موفقة ان شاء الله دول قطر مافيها لحم حرام :21: الاماكن سوق واقف وفية جميع المطاعم الشعبية والعربية والدولية وفيه فنادق ممتازة جدا كتارا فية احسن المطاعم والمقاهي والفعاليات الشعبية يصلح في اخر النهار والليل الؤلؤ منطقة سكنية وفيها مقاهي ومطاعم وتاجير يخوت ومحلات المجمعات مجمع فلاجيو ممتاز وفية ملاهي وسينما وصالة تزلج وجميع المطاعم والمقاهي مجمع الحزم مجمع مفتوح فية مطاعم ومقاهي ومحلات عالمية جلساتة حلوة جدا وايقة لكن الحر مشكلة مدينة الوكرة فيها سوق زي سوق واقف اتمنا لك رحلة سعيدة وقتها في عز الحر والرطوبة |
الف الف شكر بن قوت على المشاركه الطيبه وننتظر الحبايب يفيدونا بالمزيد. |
ما قصر أبو نواف أعطاك الزبدة 1 كتارا فترة العصر جربوا كشك جباتي وكرك جزيرة اللؤلؤة جربوا فيها كافيه 11:11 مول فلاجيو العشاء في مطعم الفلمنكي 2 سوق واقف وتجربة كرك وقت الشاي ممكن الغداء في المطعم الهندي المطبخ ولو تحبوا الأكل المغربي فيه طاجن وفيه الحلاب أكل لبناني بعدها مول الحزم وتناول القهوة والحلا توجد كافيهات كثيرة ممكن تجربوا NK coffee وسط السوق بالنسبة للسكن لا أرجح السكن قرب سوق واقف لكثرة الاصلاحات حوله ممكن تجربوا منطقة السد هادئة جداً هذا الفندق نظيف رخيص وهادئ 4 نجوم :66::66: https://www.booking.com/hotel/qa/swi...s=1&#hotelTmpl |
حياك الله و بياك ماقصروا الاخوان في الافادة وبما ان يهمكم التسوق اليك اكبر مول في قطر مول بلاس فانديوم حتى الاماكن المفتوحه فيها مكيف مثل النافوره الراقصه في نفس المول واكبر مجمع تجاري وبعده مول قطر ومدينة الالعاب المكيفه دوحة كويست تصلح لجميع الاعمار كلها مكيفه اما الاكل الحلال :34: هذا ممكن تساله في اوربا مش في الخليج :1: |
اتمنى مايكون ردي متأخر اولا بتنور الدوحة أخوي أخوي رحلتك يومين فلازم ترجح بعض الكفوف على حساب كفوف أخرى في حال حبيت ترجح كفة التسوق بأنصحك بفستيفال أو قطر مول الاثنين محلاتهم كثيرة ومتنوعة وفي نفس الوقت فيها مطاعم متنوعة وأماكن ترفيهية للاطفال. لو حاب تشوف اماكن التسوق فيها شيه محدود لكن المطاعم والقهاوي فيها افضل عندك الفاندوم والحزم ولاتخاف من الحر لان الاثنين مكيفه. تقدر تاخذ مركب لجزيرة البنانا وتستمتع بالهدوء وتاكل في النهام لكن بيضيع عليك يوم كامل . بخصوص مطعم الفلمنكي اللي ذكره احد الاخوة انا مش عارفه اذا هو جربه او مجرد ذكر اولا مدخل المطعم تعيس لانك تدخله من الباب الخلف اللي بيدخلك مباشرة على قسم الشيشة والارجيلة ومنه تطلع لقسم غير المدخنين بحكم ان معاكم طفل. 2 الاكل فيه دون المستوى من رايي الشخصي الناس تروح عشان الارجيله والمغني. |
اقتباس:
هلا فيك نعم جربته شخصياً و راح أنزل تقرير عن رحلة قطر قريب اتفق معك كثير يجي عشان الشيشة لكن كنا 3 شباب وما ندخن جلسنا بقسم غير المدخنين الأكل أعجبنا وحقيقةً مستواه ممتاز له مدخلين أمامي وخلفي والجلسات الخارجية رائعة بالشتاء أعطيه 4 من 5 |
اقتباس:
السؤال صار دارج يابو عبدالله مرتبط بالسفر خارج البلد :32: |
الله يسعدكم و يجزاكم خير كل من شارك و افادنا بمعلومات |
| الساعة الآن 03:37 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO