|
باريس تبغى عريس وكومه أسئلة تحية طيبه وسعادة دائمه للجميع أنا ان شاء الله طالعه باريس بعد ثلاث ايام* وضعي ملخبط شوي بعد الاحداث الاخيرة في باريس* خاصة اني مسلمه ومنقبة* سافرت لأغلب المدن الأوربية بأستثناء باريس لوضع منع الحجاب* أنا احترم الأنظمة *واحترم القانون ماابي أحط نفسي وزوجي بموقف محرج واشيل نقابي بس كل اللي راحوا باريس قالوا الوضع عادي ولا شلنا النقاب الا عند المطابقة في المطار* ولا عند دخولنا للمتاحف* علشان كذا جزمنا أنا وزوجي نطلع باريس دام التشدد خف شوي وبوقت شتاء لان الجميع لابس ما يحسون اني محتشمة* تذاكر والفيزا والفنادق كلها غير مسترجعة* وضعي بعد الاحداث ... انحاست حساباتي خايفه اشيل لثامي او الكمامة* خايفه من التشدد والتعصب ضد المسلمين* أنا ما ألومهم خاصه انه امن بلد وشعب !! مقدر انكنسل مع ان زوجي مره متحمس للإلغاء وسبحان الله جت بوقتها لانه رافض البلد من الاول* علشان الحجاب بس أنا حلمي باريس أزورها الشاهد بالموضوع ......* كيف أتصرف اذا وجهنا التشدد علشان زوجي مايتنرفز ؟؟* كم مخالفه نظام لبس الحجاب ؟؟ وأروح مخفر ولا بالشارع نخلص ؟؟ أنا حاجزه عند برج ايفل بنجلس فيه ثلاث ليالي* ديربي الما باريس Hotel Paris - Derby Alma Booking.com: ظپظ†ط§ط¯ظ‚ ط¯ظٹط±ط¨ظٹ ط£ظ„ظ…ط§ - ط¨ط§ط±ظٹط³, ظپط±ظ†ط³ط§ حريصة على* 1- صعود البرج 2-رحلة السين 3-جسر العشاق 4- الحدائق المحيطة بالبرج* س/جسر العشاق قريب منهم مشي ولا لازم مترو !! س/قصر فرساي يستاهل اروح له بوقت الشتاء !! واذا يستاهل صح اروح* الرير c الموجود بمحطة بير حكيم القريب من ايفل *؟؟ الفندق الثاني* في ديزني لاند جنب الاوت لت بنجلس فيه ليلتين نروح الجمعة ونرجع الاحد أنا فوبيا من الالعاب بس احب زحمه الناس* ومجنونه سوق* س/ كيف اغتنم الوقت واشبر البارك والاستديو والسوق والأوت لت شبر شبر بيومين ؟؟؟ س/حريصة جداً على العروض !! متى وقت عرض الليزر الليلي في الشتاء ! س/ وصحيح العرض بالشتاء عرض واحد بدل اثنين زي الصيف ؟ ! وفيه مكان بعيد عن الناس بالديزني للصلاة !! س/اقدر اروح لديزني بالمترو انا وشناطي ( عفشي خفيف ) ولا اخذ تاكسي ؟ س/ اذا بروح بالمترو لديزني صح اطلع من محطه بير حكيم لمحطه شارل علشان اركب ريرa !! الفندق الثالث بالشانز بنجلس فيه ست ليالي* فندق بست وسترن لوكوليزية الشانزليزية Booking.com: ظپظ†ط§ط¯ظ‚ ط¨ط³طھ ظˆط³طھط±ظ† ظ„ظˆ ظƒظˆظ„ظٹط²ظٹظ‡ - ط¨ط§ط±ظٹط³, ظپط±ظ†ط³ط§ س/الشانز من بدايته لنهايته بناخذه مشي ولا متعب بسبب احوال الطقس صعبه ؟؟ س/ بطلع هالاماكن .. الحي اللاتيني *هضبة مونمارت ساحة فاندوم الغاليري لافييت ( منطقة الاوبرا ) منطقة الباستل اللاديفانس س/نقدر نروح لها مشي ولا مترو ؟؟ س/طيب الحين صار فيها مترو .. شو التذاكر اللي تخدم هالاماكن ؟ وأقصها من الاثنين* الي السبت يوم العوده للوطن* ## رحلتنا استجمام واستكنان خاصه اننا بالعيد الفطر اللي راح هجولنا في سويسرا والغابات* السود .. علشان كذا السفره هذه تكيه كافيهات واستمتاع بالطقس المفقود عندنا بالخليج واللي ساعدنا اننا*نحب المشي الكثير* والرحله لشخصين يعني خفيفه* س/ فيه مكان قدام بلديه باريس ساحه تزلج وينها فيه بالضبط ؟؟ ابي محطه مترو توصلني لها !! او اي مكان فيه تزلج ؟؟ س/محل بريماك *فتح جديد بباريس وين بالضبط مكانه ؟؟* س/ تتوقعون المطاعم راح تكرشني اذا شافت اني لابسه لثام ؟ خاصه بالوضع الراهن !!* واجهنا هالموقف في مطعم في فنيسيا !!* اشرطوا دخولي للمطعم اشيل النقاب !!* عارفه أثقلت عليكم* مقدره تعبكم .. منتدى العرب المسافرون شهادتي فيكم مجروحه متابعه لكم اكثر من 11 سنه* جعل كل حرف خطيتوه هنا شاهد لكم لا عليكم وثقل في ميزان حسناتكم* وجنه عرضها السموات والأرض لكم ولاحبتكم* |
رد: باريس تبغى عريس وكومه أسئلة ياهلا ومرحبا اختي الكريمه ماشاء الله عليج ربي يثبتج ان شاء الله تطمني وأبشري بأذن الله مشرفين البوابه والخبراء وانا ماراح نقصر معاج بأي شي بالنسبه لي انا راح افيدج بكل استفساراتج الي طرحتيها اليوم بالليل ان شاء الله لكن بخصوص الامور الامنيه مخالفه النقاب او التخليص بالشارع ماعندي علم بها وبسأل لج عن هالموضوع لاني ماقد جربته بالتوفيق ان شاء الله بس الي اقدر اقولج تطمني ان شاء الله اليوم راح تتضح لج الرؤيه :(125): |
رد: باريس تبغى عريس وكومه أسئلة اخوي قطر روح ي شيخ جعل كل خطوه لك سلامه وراحة وسعاده بالدنيا والآخرة |
رد: باريس تبغى عريس وكومه أسئلة ذكرتيني بتقرير اللي اسمه باريس يبيلها عريس |
رد: باريس تبغى عريس وكومه أسئلة مبين القلق فيك لكن اقول استخيري قبل كل شيء نجي لأسئلتك حريصة على* 1- صعود البرج 2-رحلة السين 3-جسر العشاق 4- الحدائق المحيطة بالبرج* حلو اختيارك زين ومعك وقت س/جسر العشاق قريب منهم مشي ولا لازم مترو !! قريب من مين اللي ذكرتي طبعا لا يبيله مشي وعل حسب لياقتكم جسر العشاق خلف اللوفر وقبل الحي اللاتيني يمر علي نهر السين بس انت شكلك قصدك مع رحللت القارب https://www.google.com.sa/maps/dir/P...d48.860611!3e2 س/قصر فرساي يستاهل اروح له بوقت الشتاء !! واذا يستاهل صح اروح* الرير c الموجود بمحطة بير حكيم القريب من ايفل *؟؟ صح ما اعتقد يصلح بالشتاء الا اذا تحبين المتاحف من داخل اشوف ان جزء القصر الخارجي حلو مره الفندق الثاني* في ديزني لاند جنب الاوت لت بنجلس فيه ليلتين نروح الجمعة ونرجع الاحد أنا فوبيا من الالعاب بس احب زحمه الناس* ومجنونه سوق* س/ كيف اغتنم الوقت واشبر البارك والاستديو والسوق والأوت لت شبر شبر بيومين ؟؟؟ مجنونه سوق يعني هو الاولويه طبعا لا يخفاك ان استخدامك للباس في ديزني منهم لتنظيم وقتك وانتي مشكلتك رايحه بوكيند زحمه مره الاستديو حلو بعد بس بالويكند اشوف تركز علي شيء منهم الا اذا قلتي تروحين الاوت لوت اول يوم تحللينه وبعدين الاستديو ويوم ثاني للبارك بس س/حريصة جداً على العروض !! متى وقت عرض الليزر الليلي في الشتاء ! س/ وصحيح العرض بالشتاء عرض واحد بدل اثنين زي الصيف ؟ صح ! وفيه مكان بعيد عن الناس بالديزني للصلاة !! ما اعتقد بس اذكر اني صليت عند المطعم حق علاء الدين وذيك المنطقه س/اقدر اروح لديزني بالمترو انا وشناطي ( عفشي خفيف ) ولا اخذ تاكسي ؟ عفشك خفيف روحي وتوكلي علي الله جدا مريح س/ اذا بروح بالمترو لديزني صح اطلع من محطه بير حكيم لمحطه شارل علشان اركب ريرa !! الرير الاحمر صح الفندق الثالث بالشانز بنجلس فيه ست ليالي* فندق بست وسترن لوكوليزية الشانزليزية Booking.com: ظپظ†ط§ط¯ظ‚ ط¨ط³طھ ظˆط³طھط±ظ† ظ„ظˆ ظƒظˆظ„ظٹط²ظٹظ‡ - ط¨ط§ط±ظٹط³, ظپط±ظ†ط³ط§ س/الشانز من بدايته لنهايته بناخذه مشي ولا متعب بسبب احوال الطقس صعبه ؟؟ حسب لياقتكم وتتمشون وتتفرجون وناسه يا شيخه ومره كوفي ومن ثم تمشيه وكريب وجلسه س/ بطلع هالاماكن .. الحي اللاتيني *هضبة مونمارت ساحة فاندوم الغاليري لافييت ( منطقة الاوبرا ) منطقة الباستل اللاديفانس س/نقدر نروح لها مشي ولا مترو ؟؟ تمشين سيده مع الشانز وتبواجهين الفاندوم ثم يسارك بتكونين بالاوبرا اذا تخطيتي رحت اللوفر بيكون بعده جسر العشاق والحي اللاتيني المشي مممتع جداااااااااااااا لكن ما ادري عن ظروف الجو س/طيب الحين صار فيها مترو .. شو التذاكر اللي تخدم هالاماكن ؟ وأقصها من الاثنين* الي السبت يوم العوده للوطن* تذاكر الافضل لك اعتقد هي الاورنج ## رحلتنا استجمام واستكنان خاصه اننا بالعيد الفطر اللي راح هجولنا في سويسرا والغابات* السود .. علشان كذا السفره هذه تكيه كافيهات واستمتاع بالطقس المفقود عندنا بالخليج واللي ساعدنا اننا*نحب المشي الكثير* والرحله لشخصين يعني خفيفه* س/ فيه مكان قدام بلديه باريس ساحه تزلج وينها فيه بالضبط ؟؟ ابي محطه مترو توصلني لها !! عطينا شيء قريب علشان ننبحث يا اختي او اي مكان فيه تزلج ؟؟ س/محل بريماك *فتح جديد بباريس وين بالضبط مكانه ؟؟* من النت والبحث هذا مكانه https://www.google.com.sa/maps/dir/B...d48.925548!3e3 واعتقد ام حسين كتبت عنه بتقريرها لو هي موجوده بتقولك بس مسافره حاليا الله يردها سالمه س/ تتوقعون المطاعم راح تكرشني اذا شافت اني لابسه لثام ؟ خاصه بالوضع الراهن !!* ابدا واجهنا هالموقف في مطعم في فنيسيا !!* اشرطوا دخولي للمطعم اشيل النقاب !!* عارفه أثقلت عليكم* مقدره تعبكم .. |
رد: باريس تبغى عريس وكومه أسئلة سفرة سعيــده يارب:(39): ياليت بعد ماتجين بالسلامه من باريس تعطينا علومك لأن سفرتي لأوروبا بيونيو وزوجي جداً قلق وبيلغي كل شي بس قلتله استنى الشهر هذا ونشوف كيف الأوضاع:surrender: خايفين انهم يكونون حاقدين ع العرب والمسلمين :(111): والله يسعدك يارب ويباركلك .. استودعتك الله الذي لاتضيع ودائعه:(39): |
رد: باريس تبغى عريس وكومه أسئلة ونتمني بعد انتي ان رحتي نشوف علومك بعد |
رد: باريس تبغى عريس وكومه أسئلة اهلين بيك النقاب وليس الحجاب ممنوع في القانون الفرنسي بس حسب تجارب الاخوات الي زارو باريس ما صادفتهم اي اشكاليه كبيره . في المطار الكشف اجباري للمطابقة بس فيه كباين تكون الموضفه الموجوده امراه الافضل تصفون عندها . بعض الاخوات ذكروا انه تم لفت نظرهم من قبل الشرطة انه النقاب ممنوع وهذا كان قرب ايفل بس محد ذكر عن غرامه . واللثام ابدا ما راح يكون مشكله خصوصا مع الجو البارد ... انه مع اني مب متنقبه بس كنت اغلب الوقت بلثام من البرد بالنسبة للاحداث الاخيره ان شاء الله ما في الا كل خير ...بس للحين الاقوال متضاربه وصراحه لحد الان ما سمعنا عن تجربة شخصيه في هالوقت .. لازم راح يكون تشديد شوي خصوصا في المطار بس ما راح يكون مخصوص للعرب او المسلمين ... فرنسا بلد سياحي وتهتم بالسياح فندق باريس الاول جيد جدا وموقعه قريب ايفل وحدايق شامب دي مارس اقل من 10 دقايق و 5 دقايق الى محطة pont de l'alma الي موجود فيها خط RER C بالنسبه لصعود البرج فالله يعينك على البرد اخي احتياطكم زين في اللبس ودام تبين تزلج عالثلج ترى الطابق الاول من البرج فاتحين حلبه تزلج في الشتا جسر العشاق قريب من اللوفر اكثر منه قريب لايفل يعني حوالي 30-40 دقيقه مشي اذا الجو كان اوكي ما راح تحسون بيها ابد قصر فرساي يعتمد على اهتاماتكم ... اذا تحبون القصور ووقتكم كافي ممكن تزورونه بس الي احلى من القصر هي الحدايق الخارجيه للقصر والي للاسف في الشتا ما راح تشوفون شي من خضرتها . ومثل ما ذكرتي ممكن توصلونه عن طريق RER C من محطة Pont de l"Alma الى محطة Versailles - Rive Gauche القريبه من القصر ايام ديزني للاسف مختارين نهاية الاسبوع الله يعينكم عالزحمه وترى الالعاب متنوعه يعني في المخيف والرعب وفي العادي الممتع راح تستمتعون اكيد كيف تشبرينها ... الافضل تشوفين خريطة البارك او الاستوديو قبل لا تروحين وتاخذين فكره عن الالعاب تحددين الي تبون تجربونهم عشان لما تروحون تكونون عارفين هدفكم بالضبط شي ثاني استخدموا الفاست باس قد ما تقدرون هالخدمه موجوه للالعاب الي يكون عليها ضغط كل الي عليكم تمررون بطاقة دخول الحيدقه وراح تطل لكم تذكره ثانيه فيها الوقت ال ممكن تركبون اللعبه بدون ما تصفون يعني تروحون تلعبون لعبيتن ثلاث او اربع ولما يجي الوقت الي على البطاقه تردون لها وراح يدخلونكم على طول البارك هي الاكبر ويبي لها يوم كامل يوم ثاني يكون للاوت لت والاستوديو التسوق من الفيلج خليه بعد ما تغلق البارك لانه يتم فاتح لوت متاخر وعشان ما تحتاسين بالاكياس وانتو تلعبون عرض الليزر يكون وقت الي تغلق البراك يعني بين 8-9 في الشتا في عروض ثانيه للشخصيات في البارك و الاستوديو تختلف اوقاتها افضل شي انه اول ما تدخلون الحديقه تاخدون برشور العروض فه الاوقات والاماكن الي فيها العروض وتنسقون حركتكم على اساسها اذا عفشكم و عددكم قليل ممكن تروحون بالرير عادي ومثل ما قلتي من بيير حكيم الى شارل ديغول تاخدين RER A الى ديزني الي راح تكون اخر محطة الفتره الثانيه في باريسوحسب الاماكن الي ذكرتيها راح تحتاجون مترو اكيد دام وصولكم راح يكون الاثنين الى السبت الافضل بطاقة المترو الاسبوعيه نافيجو واسمها لغير المقيمين في فرنسا Pass Navigo Decouverte بس يطلبون صورة شخصيه يلصقونها على البطاقة دام سفرتكم استجمام وتمشي فراح تعجبكم باريس ... الكوفي شوبات مكثرها راح تستمتعون بالنسبة للمطاعم تطمني ابدا محد حصل له هالموقف |
رد: باريس تبغى عريس وكومه أسئلة اقتباس:
اشكرك اخوي على سرعه تجاوبك بالنسبة لساحة التزلج اللي قدام البلدية شفتها صوره بالانستقرام الله يسعدك دنيا وآخرة |
رد: باريس تبغى عريس وكومه أسئلة اقتباس:
ان ربي كتب ورحت ابشري من عيوني ي جمالك انتي ودعواتك اللهم امين وياك ولكل من قرأ بصراحه الجو مغبش مدري عن الأوضاع اكلم صديقتي جزائرية مقيمه في باريس تقول تعالي شوفي الشانزليزية الحين زحمة سواح خليجين وتقول ان افضل السياح لباريس هو الشعب الخليجي !! والجيش الفرنسي بين الناس !! انا خايفه من التعصب ضد المسلمين |
رد: باريس تبغى عريس وكومه أسئلة اقتباس:
الله يصلح لك النية والذرية يارب ماقصرتي ومشكورة ي عسل |
رد: باريس تبغى عريس وكومه أسئلة اختي اجبت على بعض الاجابات الي حاوبلت انها تكون تفصيليه وبعدها اكمل الباقي لاني طالع بشغله واعتبري ها الاجابات تفصيليه وبعدها بتكون اجابه عمليه وبالصور والمحطات اشكر مديرنا فيصل ومشرفتنا ام ريم ماقصرو جزاهم الله خير ان شاء الله ماعليكم خوف بالنقاب نفس ماقالت مشرفتنا ام ريم واذا تحتطون اكثر مكن تحطين اللثمه على اساس تقيج من البرد بالنسبه للأستفسارات الثانيه ذكرت لج ان الفنادق المختاره من حيث المكان جيده الفندقين قريبين من كل شي وقربهم لشوارع عامه وليست في ازقه وشوارع ضيقه الاول قريب من الشانز بالضبط من محل فيرجن والثاني قريب من برج ايفل وخلف المتحف الطبيعي والزراعي الفرنسي س/الشانز من بدايته لنهايته بناخذه مشي ولا متعب بسبب احوال الطقس صعبه ؟؟ لا اختي مشي الشارع مب طويل كثير يعني تقريبا بطول 600 الى 700 متر بالنسبه طبعا للمحلات التجاريه وايضا يمتد اكثر من بعد المحلات ويصل نهايته الى ساحه الكونكور والمسله المصريه س/ بطلع هالاماكن .. الحي اللاتيني الحي اللاتيني تروحين بوقت سكنج في ايفل افضل لانه قريب منج وتروحين له بالمترو راح اعطيج محطات المترو وخارطه توضيحيه للأمكان الي راح تزورينها بمحطات المرتو المطلوبه *هضبة مونمارت الهضبه افضل تروحين لها بنفس يوم ذهابج الى الاوبرا وجاليري لافاييت لان اقرب وبنفس المنطقه تقريبا ساحة فاندوم بالنسبه لساحه فاندوم تروحين لها بنفس اليوم مع ساحه الكونكورد والحديقه المقابله لها حديقه Jardin des Tuileries لانها قريبه منهم غاليري لافاييت الغاليري لافييت ( منطقة الاوبرا ) غاليري لافاييت اما قاعه الاوبرا والغاليري خلف دار الاوبرا بالضبط المكان حلو والغاليري حلو بس عندي تحذير + افاده التحذير : اما دار الاوبرا في الساحه يتواجدون مجموعات من البنات يتكون بعدد بين 3 الى 5 بنات اعمارهم اقل من 18 سنه ( مراهقات ) يتصيدون للسواح الوصف : ملابسهم ريفيه قديمه - اشكالهم نفس اشكال الشعب اللاتيني والشرق الاسيوي طريقه السرقه : اذا كانو اربع بنات يتجمعون منهم 3 بنات خلفج ملاصقين لج ويضربون على الكتف او اليد ضربات بسيطه لعمل ربكه وعدم احساس بالحركه والبنت الرابعه تيسرق اغراض شنطه اليد وحركه البنات الثلالث تشتت تفكيرج عن الرابعه وماتحسين بحركتها وهي تفتح الشنطه بلمح البصر السموحه مابي ارهبج بس ابي انبهج لاني صادفت هالموقف بنفسي وناس ثانيين ايضا الوقت الي بتروحين في الاوبرا للحيطه خلي معظم بطاقاتج البنكيه والمبالغ الكاش عن زوجج وربي يحفظكم الافاده : في مجمع جاليري لافاييت بعد شراء الاغراض تاخذون من عندهم ورقه التاكسي فري tax free في مكتب داخل المجمع تعطينهم ورقه tax free ويعطونج المبلغ كاش عشان تستفيدين من المبلغ بالسفره ( فقط الاغراض المشتراه من غاليري لافاييت وليس كل التاكس فري ) اذا بغيتي تسترجعين في حاله استخدام بطاقه البنك ATM العاديه ( لا يقبل التاكس فري الا بالمطار ) فقط اذا كان الشراء عن طريق بطاقات الفيزا او ماستر كارد او امريكان اكسبرس ( تستلمين المبلغ بالمجمع كاش ) منطقة الباستل منطقه و اوبرا وساحه الباستيل تروحين لها بنفس اليوم مع منطقه بيرسي لو حابه تروحين بيرسي جنب محطه قطارات كير دي ليون اللاديفانس س/نقدر نروح لها مشي ولا مترو ؟؟ س/طيب الحين صار فيها مترو .. شو التذاكر اللي تخدم هالاماكن ؟ وأقصها من الاثنين* الي السبت يوم العوده للوطن* اللاديفانس لا تروحين لها مشي بعيده اشوي عن طريق المترو ان شاء الله راح اشرحها لج بالصور ومحطه النزول وشنو تسوين بالضبط في مشاركه قادمه والاغلب بتكون اليوم بالليل ان شاء الله اختي وايد ينفعج المترو في تنقلاتج 90% بتكون مترو وتخدم تقريبا معظم الاماكن الي بتروحين لها وراح اسهل لج موضوع المترو تطمني وايضا انتظري موضوع الجديد راح ينفعج ان شاء الله بس اهم شي يكون عندج ايفون او جلكسي نوت واخلصه وانزله احتمالي اليوم بالليل ان شاء الله رحلتنا استجمام واستكنان خاصه اننا بالعيد الفطر اللي راح هجولنا في سويسرا والغابات* السود .. علشان كذا السفره هذه تكيه كافيهات واستمتاع بالطقس المفقود عندنا بالخليج واللي ساعدنا اننا*نحب المشي الكثير* والرحله لشخصين يعني خفيفه* ماشاء الله حلوووو راح اعطيج خطين سير للمشي بين الشانز وبرج ايفل استمتع فيهم مع قعدتي المفضله جدا جدا في الكوفي المقابل لنهر السين وبرج ايفل والكوفي هذا قريبا جدا جدا من مكان ركوب المركب لجوله في نهر السين وطريق المركب من هذا الكوفي الانطلاق في النهر وتمرون من تحت جسر العشاق ويصل حتى كنيسه روتردام وبعدها يرجع الى ان يصل الى برج ايفل قبل التوقف في محطته للنزول منها س/ فيه مكان قدام بلديه باريس ساحه تزلج وينها فيه بالضبط ؟؟ ابي محطه مترو توصلني لها !! اختي هالمكان ملاصق للبلديه بالضبط وللأسف هو مؤقت وليس دائم يعني بس ايام اراس السنه والكريسمس يفتح وبعدها يغلق والدخول للتزلج مجاني ودفع 6 يورو عشان تستأجرون حذاء التزلج هذا مكانه بالضبط مطل على نهر السين مابين متحف اللوفر ومنطقه الباستيل اسم المحطه الي توصلج هي Hôtel de Ville هي اسمها جذي تطمني مش فندق ههههههههه وهذا مكان التزلج المؤقت http://up.arabseyes.com/uploads2013/...1974358951.png العاب |
رد: باريس تبغى عريس وكومه أسئلة وانا اكتب استفساراتي الكثيرة والمتشعبة كنت عارفة ان الباريسي القطري قدها وقدود ماشاء الله ما قصرت اخوي قطر كفيت ووفيت ومداخلتك زادت موضوعي جمال مع مداخلات الفيصل وأم الريم يعطيكم العافيه جميعاً اخوي قطر انتظر كل ما تجود به يمينك حرمها ربي عن النار الف شكر |
رد: باريس تبغى عريس وكومه أسئلة رحله موفقه .. وماشاء الله ماقصصروا الجميع .. طمنينآ اذا رجعتوا بالسسلامه ..عن الاوضاع لاننا بنسسافر في مايوا وزوجي متخوف من اللي صار ويقول نكنسلهآ وانا اقول نتوكل على الله مآراح يصير الا كل خير ,, الله يسسعدكم وييسسر اموركم .. وترجعون بالسسلامه |
رد: باريس تبغى عريس وكومه أسئلة اهلا أختي حلم وش بلانا حنا ي الحريم متحمسين لباريس عكس رجالنا اللي ودهم بالكنسله اللهم امين وياك وكل مسلم ان شالله ان رحت وجيت ابشري بالعلوم :yolks00720: |
رد: باريس تبغى عريس وكومه أسئلة تكمله باقي الاستفسارات س/محل بريماك *فتح جديد بباريس وين بالضبط مكانه ؟؟* لهم 3 افرع وكلهم في ضواحي باريس يعني ما في ولا فرع وسط باريس راح ابينهم لج في المشاركه الاخيره وطريقه الوصول لهم س/ تتوقعون المطاعم راح تكرشني اذا شافت اني لابسه لثام ؟ خاصه بالوضع الراهن !!* واجهنا هالموقف في مطعم في فنيسيا !!* اشرطوا دخولي للمطعم اشيل النقاب !!* عارفه أثقلت عليكم* لا لا ماعتقد بس خبرج لكل قاعده شواذ يعني يمكن بأي مكان يجي واحد يكون عنصري ويطلب هالطلب لكن في مطاعم كثيره محترمه في باريس وركزي على مطعم نوره فرعهم قريب من شارع جورج سانغ والثاني جنب الاوبرا وغاليري لافاييت ايضا راح اشرح لج عن المطاعم تنبيه اخير : في شارع الشانز مرات تصادفج من شخص ان يقول لج ان هذا الخاتم طايح منج لاتردين عليه ولا تعطينه بال وامشي بطريقج هذا الخاتم يكون معاه لما تمرين قريب منه يقطه قدامج يقول هذا الخاتم طاح منج عشان تعطينه المقسوم هههههههههههههه بالنسبه لقصر فرساي اذا انتي من محبين المتاحف وشي اساسي بالنسبه ممكن تروحين له نفس شرح مشرفتنا ام ريم وبنس الطريق من باريس الى قصر فرساي يوجد هناك فرنسا المصغره France Miniature وهي المنطقه كل معالم فرنسا فيها بس مصغره يعني بتكون بطريقكم و انتو رايحين فرساي بس اذا الجو مايناسب والوقت ضيق مافي داعي تروحون فرساي ممكن تروحون اللوفر و تتفرجون على لوحه الموناليزا حاولت اجاوب على استفساراتج بالشرح وبعدها ان شاء الله نبدأ التطبيق العملي بالصور ومحطات المترو وبالتوفيق |
رد: باريس تبغى عريس وكومه أسئلة اقتباس:
العزيز قطر خلاص كنسلت على كل المتاحف وقصر فرساي ومعهم محل بريماك دامه بالضواحي :yolks00590: وأخذت بكل تحذيراتك وربك الحامي اخوي تعبتك معاي جعل هالتعب دفعه بلا انتظرك بفارغ الصبر باقي على اقلاعي ان شاء الله 28 ساعه الف شكر |
رد: باريس تبغى عريس وكومه أسئلة الله يحفظكم أختى .. وتوكلوا على الله بعد الاستخارة والله هو الحافظ .. وطمننوا بعد عودتكم بإذن الله .. وان شاء الله الامور بتكون طيبة .. سفرا ميمونا باذن الله .. |
رد: باريس تبغى عريس وكومه أسئلة مرحبا اختي كيف الحال نبدأ بالعملي بخصوص محلات بريمارك لهم 3 افرع وكلهم في ضواحي باريس ولا يوجد فرع في وسط باريس انا حددت لج فرع واحد منهم وهو الانسب لج بوجهه نظري للأسباب ان يوجد داخل مجمع تجاري كبير وفي محلات ثانيه وكارفور السبب الاخر ان محطه المترو تنزلج جنب المجمع التجاري بالضبط اما الفروع الاخرى في مسافه مب بسيطه بين محطه المترو الى محل بريمارك هذا الفرع في منطقه Créteil صوره للمحل http://up.arabseyes.com/uploads2013/...9984694991.png العاب العنوان : 101 Avenue du Général de Gaulle 94000 Créteil France اوقات الدوام Sunday CLOSED Monday 10:00 - 20:00 Tuesday 10:00 - 21:00 Wednesday 10:00 - 21:00 Thursday 10:00 - 21:00 Friday 10:00 - 21:00 Saturday 10:00 - 20:00 طريقه الوصول له اخترت لج اقرب محطه حق فندقكم الي في الشانز قريبه جدا اسمها Franklin D. Roosevelt وهي محطه الانطلاق في هالمحطه تاخذين الخط رقم (1) باللون الاصفر ولما توصلين المحطه Reuilly - Diderot تغيرين الخط وتاخذين رقم ( 8) باللون البنفسجي وتنزلين في محطه Créteil - Préfecture والمجمع التجاري الي فيه محل بريمارك يكون جنب هالمحطه بالنسبه للأستفسارات الاخرى : 1- صعود البرج المصاعد مفتوحه من الساعه 9 ونص صباحا الى الساعه 11 مساء اخر مصعد بالنسبه لو بغيتو تروحون الطابق الاخير قمه البرج اخر مصعد 10 ونص مساء اسعار التذاكر : الصعود الى الطابق الثاني للكبار (9 يورو)- الشباب من 12 الى 24 (7 يورو)- الاطفال من 4 - الى 11 (4 ونص يورو) الصعود الى الطابق العلوي على نفس الترتيب للكبار 15ونص يورو - الشباب 13 ونص يورو - الاطفال 11 يورو 2-رحلة السين اقرب محطه مترو لمكان المراكب في نهر السين Alma - Marceau هالمحطه تطلعج على تقاطع اشارات تروحين جهه النهر بتحصلين نزله الى النهر تنزلين منها تكون مكان وقوف المراكب قدامج وصف ثاني لو بغيتو تروحون للمراكب من الشانز مشي في شارع الشانز تدخلون بالشارع مابين لويس فوتون وكوفي فوكيتس اسم الشارع جورج سانغ وتمشون في هالشارع الى نهايته يكون امامكم التقاطع الي فيه نفس محطه المترو على يسارج مقابل التقاطع يكون يسارج كوفي شوب فيه مظلات حمره انصحكمفي الجلسه الخارجيه ممتعه وخاصه ليلا يعطيكم منظر للنهر وبرج ايفل ومن هذا الكوفي تعدون التقاطع بأتجاه النهر بتشوفون يساركم منزل على تحت للنهر تنزلون منه هنا المراكب امامكم رحله نهر السين يطلع بالنهر الى ان يصل الى كنيسه نوتردام مرورا من تحت جسر العشاق ويرجع مره ثانيه الى ان يصل االى برج ايفل قبل العوده الى مكان الصعود 3-جسر العشاق اقرب محطتين مترو هم : 1- Pont Neuf 2- Louvre - Rivoli اذا قررتو تروحون بيوم متحف اللوفر ممكن تروحون جسر العشاق بنفس اليوم وفي طريقه ثانيه للوصول بدل المترو عن طريق السيكل ( الدراجه الهوائيه ) السياحيه وفيها عربه تكفي 3 اشخاص حلو تغيير انا مجربها ورايح جسر العشاق بها هههههه 'طريقه جسر العشاق شراء قفل مع مفتاح وكتابه الاسماء عليه او الحروف وقفله بالشبك الموجود على اطراف الجسر ومن بعدها رمي المفتاح في النهر :204: 4- الحدائق المحيطة بالبرج بالنسبه للحدايق حديقه برج ايفل وهي بنفس مكان البرج وحديقه لوكسمبورغ توصلين لها عن طريق محطه الرير الازرق B الى محطه port-royal ومحطه برج ايفل اسمها Bir-hakeim وخلف حديقه لوكسمبورغ توجد الحي اللاتيني ممكن تروحين له مشي خلف القصر الي داخل الحديقه اما اذا بغيتي تروحين الحي اللاتيني في يوم اخر اسم محطه الوصول له هي Saint-Michel بخصوص قصر فرساي ماتروحين له من محطه بير حكيم اطلعي من المحطه جنب برج ايفل champ de mars tour eiffel على الرير الاصفر حرف C http://up.arabseyes.com/uploads2013/...0518163982.png العاب http://up.arabseyes.com/uploads2013/...0518151781.png العاب بالنسبه للذهاب الى اللاديفانس الافضل الذهاب لها من الشانز بمحطه مترو George V وتنزلين بمحطه La Defense يعني اخر محطه بالخط الاصفر من توصلون الى هالمحطه هي كبيره كثير في مدخل يدخلكم للمجمع التجاري Temps ( الفصول الاربعه ) بالنسبه لحديقه دزني ماقصرتي مشرفتنا الكبيره ام ريم في الاجابات عليها بس ممكن تروحين محل دزني لاند في الشانز تستفسرين وشراء التذاكر من هناك وان شاء الله الامور الحين صارت واضحه |
رد: باريس تبغى عريس وكومه أسئلة اقتباس:
اللهم امين ولك مثل ذلك بحفظ الله |
رد: باريس تبغى عريس وكومه أسئلة اقتباس:
كفيت وفيت واضحة وساطعه كسطوع الشمس بارك الله فيك يسر لك كل معسر وسهل عليك كل صعب مشكور اخوي استودعكم الله الذي لا تضيع ودائعه |
رد: باريس تبغى عريس وكومه أسئلة اقتباس:
اللهم اميييييييييين الف شكر على دعواتج الطيبه ولج بالمثل ان شاء الله العفوووو بحفظ الرحمن في حلكم وترحالكم رحله سعيده بأذن الله |
رد: باريس تبغى عريس وكومه أسئلة ما شاء الله مشرفنا ما قصر شرح واضح يعطيه العافية اخت كاراميلا تروحين وترجعين بالسلامه و ياليت بعد ما تردون تخبرينا عن تجربتك في هالوقت عشان يستفيد منها الأعضاء |
رد: باريس تبغى عريس وكومه أسئلة انا افيدك بموضوع النقاب من واقع تجربة ماواجهنا لله الحمد اي اشكالية فقط قوس النصر كنا بنطلعه وقالوا ممنوع الطلوع بالنقاب وقلنا غناة الله ابرك وتجولنا تحته وصورنا ولا احد قال شي بالتوفيق لكم ورحلة سعيدة |
رد: باريس تبغى عريس وكومه أسئلة شكرا لك القرار الاخير متي كانت تجربتك يا غالي |
رد: باريس تبغى عريس وكومه أسئلة هلا وغلا ب فيصل التجربة سلمك الله اغسطس ٢٠١٤ م المعذرة ع التاخير تو انتبهت لسوالك |
رد: باريس تبغى عريس وكومه أسئلة شكرا لك علي التوضيح ما قصرت |
رد: باريس تبغى عريس وكومه أسئلة ياريت اخوانى من عند تجربة للسفر (بعد الاحداث) سواء من الاخوة المسافريين او المقيمين لباريس خصوصا واروبا عموما عن الوضع الامنى هناك خاصة للمنقبات والملتحين .معلومات تفصيلية ونصائح سواء بالايجاب او السلب . يضيفها لاخذ الحذر او الاطمئنان وادعو المشرفيين الااهتمام بهذا الموضوع فهو من الاهمية بمكان فى هذا التوقيت.........بحيث لدينا معلومات شبة موكدة بالوضع خاصة لان هذة الفترة هى فترة الحجوزات للرحلة السياحية لموسم السيا حى القادم من الخليج .......ارجو الاهتمام |
رد: باريس تبغى عريس وكومه أسئلة مرحبا اخوي في وقت احداث شارلي ابيدو بعدها بأسبوع جاني اتصال من السفاره القطريه في باريس وقالو الوضع مافي شي بس حذر يفضل الانتظار لين تتضح الرؤيه وقال الامن منتشرين بكل مكان وفي اوروبا عامه الوضع ممتاز ولا في شي بس باريس علينا الانتظار واليوم ان شاء الله بكلم الصديق العزيز سفيرنا في باريس واشوف الاخبار عندهم كيف واخبرك |
رد: باريس تبغى عريس وكومه أسئلة مراحب بالناس الجميله نزلت موضوع عن باريس فصفصتها لعيونكم |
رد: باريس تبغى عريس وكومه أسئلة جزاك الله خيرا .......مشكور ...كراميلا.......ممكن تشير اللينك ........ولو تسطتيع تفيدنا بالوضع الامنى الحالى ايضا تكون مشكور ........لكى نحقق مبدا لا ضرر ولا ضرار |
رد: باريس تبغى عريس وكومه أسئلة اقتباس:
تراي عليميه بشغل المنتديات زمان عنها مره والصراحة ما اعرف وشلون اشيل اللينك ليت احد من المشرفين يحل هالمشكله :surrender::surrender: الوضع الامني العسكر بكل مكان الفرنسيين يعيشون حاله هلع من بعد الاحداث النقاب محارب لابعد درجه من كل الاماكن مطار مزارات ( ايفل -النصر -المتاحف ) مطاعم بعض البوتيكات |
رد: باريس تبغى عريس وكومه أسئلة حياك الله اختى مشكوره كدة الافضل نسافر من غير الاهل لكن اللحية فيها ايضا مشكلة ممكن تعطينا اسم الموضوع بالظبط ونعمل بحث:(88): وهل هذا الوضع فى اوربا كلها ام فرنسا فقط |
رد: باريس تبغى عريس وكومه أسئلة اللحية مدري اخوي زوجي دقن خليجي خفيف كل اوربا لا ولله الحمد بعيد الفطر رحت المانيا وسويسرا جميليييييييييين بالتعامل والاحترام بعض الفنادق علمونك اتجاه القبله يحاولون يوفرون قناه عربيه على قنوات البث وانت ماشي بالسنتر تلقى اغلب المطاعم كاتبه المنيو على سبوره باللغه العربيه اغلب الاوت لت في اوربا يوفرون مصليات للمسلمين واصلا الأرياف الأوربيه تعودت علينا ما فيه خوف اهم شي ضبط امورك وعبي بوكك دراهم وسفره السعاده يارب |
رد: باريس تبغى عريس وكومه أسئلة تقرير الاخت بالقسم العام جزاها الله خير ما قصرت وكتبته |
رد: باريس تبغى عريس وكومه أسئلة |
| الساعة الآن 05:04 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO