|
قصر فرساي او برج ايفيل السلام عليكم بس عندي سؤال بسيط انه الجدول مالي تبع هاليوم الخميس 10 ديسمبر قصر فرساي برج ايفيل رحلة بحرية بنهر السين ساحة تراكاديرو فرضا لو ذهب من الصباح الى قصر فرساي هل يكفي الوقت ارجع واكمل على برج ايفيل ؟ انه التذاكر حجزت حق برج ايفل على الساعه 4 العصر هل راح يكفيني اروح القصر واخذ راحتي هناك وارجع والحق على برج ايفيل اركب البرج ؟ اشتريت التذاكر من موقع getyourguide |
وعليكم السلام الوقت يدوبة يكفيكم فرساي خارج حدود باريس مشوار المترو يبيله حوالي ٤٥ دقيقة غير المدة الي بتستغرقونها وانتوا تتجولون في القصر وأقسامه وإذا الجو ساعدكم لازم تمرون حدائق القصر بعد اذا كان هذا اليوم الوحيد الي يناسب مخططكم فراقبوا الوقت وانتوا هناك |
مرحبا اخوي نفس ماقالت لك مشرفتنا الافضل ماتجمعهم مع بعض دام وقت الصعود للبرج الساعه 4 هو يمديك بس ماراح تاخذ راحتك بالقصر يعني بتكون جوله سريعه وماشوفها تسوى بما انك حجزت الساعه 4 عصرا راح نغير جدولك في هذا اليوم ونخلي قصر فرساي بيوم اخر ويوم الصعود لبرج ايفل راح نضيف اماكن قريبه منه تحياتي |
انزين لو خليت القصر الاربعاء تاريخ 16 ديسمبر يعني يوم واحد للقصر حتى ناخذ راحتنا ... يعني ابتدي يومي اول شي اروح رحلة بحرية بنهر السين بعدين ساحة تراكاديرو وبعدين اختتم يومي بالنهايه الركوب الى برج ايفيل هل راح يكفي لهذا اليوم اسوي كل هذي الاشياء ؟ وزيارة قصر فرساي اخليها تاريخ 16 ديسمبر |
ايه يكفي يوم واحد تروح جولة النهر والساحة وبرج ايفل بس اهم شي تستغل اليوم من الصباح |
مرحبا اخوي نفس ماقالت مشرفتنا يمدي وبالراحه ان شاء الله الرحله النهريه قريبه من برج ايفل والجوله كلها مع الصعود تقريبا بين 45 دقيقه الى ساعه يعني ممكن تاخذ الجوله الساعه 1 ونص وتخلص منها وتروح تراكاديرو تتمشي وتراكاديرو لها منظر فيو جميل جدا على برج ايفل ومنطقه خضراء صغيره والاكواريوم ويفصل برج ايفل عن تراكاديرو جسر فقط على النهر مسافته تقريبا 300 متر فقط يعني قريب كثير واذا انت من النوع الي تصحى بدري تقدر تتجول في اي مكان في باريس لغايه الساعه 1 وتروح لمكان المراكب للجوله وبعد ماتخلص برج ايفل اول المسا ممكن تروح تتعشى وتتمشى في الشانز تحياتي |
بالنسبه لقصر فرساي يفتح من 9 الصبح الى 5:30 قصور ملكه فرنسا ماري انطوانيت 12 الى 5:30 الحديقه والبارك من 8:00 الى 6:00 مساء قصور ماري انطوانيت يكونون خلف قصر فرساي يعني من خلف القصر تروح للحديقه الى نهايتها مع الاتجاه يمين قليلا للقصور والبارك جنب قصور ماري انطوانيت با الاضافه لتأجير السياكل خارطه توضح القصر وكامل المنطقه http://www.arabtrvl.com/up/uploads/a...7062743221.png |
ملاحظه اخر وقت لشراء التذاكر قبل اغلاق كل مكان بنص ساعه لان شباك التذاكر يغلقون على الساعه 5 مساء |
اقتباس:
الأنشطة الي ذكرتها يبي لها نص نهار يا تمشي على راي مشرفنا بوسعد انك تبدى بالرحلة النهريه او انك تبدى بتروكاديرو وشامب دي مارس الين وقت الصعود للبرج والرحلة النهرية تخليها اخر شي |
بما ان القصر يفتح 9 تنصحوني اطلع من محطة passy الى وين gare de lyon او غيرها حتى اقدر اروح للقصر ؟ يعني فرضا اكون الساعه 8 عند محطة القطار حتى اطلع منها او اوصل على 9 القصر واخذ راحتي فيه اخلي ليه يوم كامل |
مرحبا اخوي لا ماتروح بالقطار gare de lyon من محطتك passy تاخذ الخط الاخضر رقم 6 وتنزل في محطه Bir Hakeim وجنبها محطه مترو champ de mars tour Eiffel تروح لها وتاخذ RER-C الاصفر ينزلك في محطه فرساي Chateau Versailles المسافه كلها بالمترو نص ساعه |
واذا ماتبغي تروح من محطه الى محطه من محطه passy في قدامها جسر فوق النهر عشان تروح الجهه الثانيه تعدي الجسر مشي ناحيه ايفل اول ماتخلص الجسر بتحصل محطه champ de mars tour Eiffel على يسارك تاخذ منها RER-C الاصفر ومباشره الى قصر فرساي |
ممتاز اقدر اروح لها مشي ماعتقد بياخذ مني وقت كبير حق اوصل ل champs de mars tour eiffel انزين تنصحني اشتري التذاكر من اهناك وقت الوصول الى القصر ولا اشتريهم اون لاين ؟ احنا عددنا 4 كلنا كبار |
ممتاز اقدر اروح لها مشي ماعتقد بياخذ مني وقت كبير حق اوصل ل champs de mars tour eiffel انزين تنصحني اشتري التذاكر من اهناك وقت الوصول الى القصر ولا اشتريهم اون لاين ؟ احنا عددنا 4 كلنا كبار |
اذا زيارتك وسط الأسبوع ما أتوقع تلقى زحمة شديدة عالتذاكر بس اذا تبي تكسب وقت اشترها اونلاين ما راح تخسر |
اشوف اون لاين تشتريهم افضل وموقعهم بالعربي |
اقتباس:
لا اخوي قريبه هو مشي افضل من تروح بمحطه وتنزل من محطه يعني من محطه passy الى الرير champs de mars tour eiffel ماتجي 700 متر 100 متر من المحطه لين الجسر فوق النهر من 400 الى 500 متر طول الجسر 100 متر الى محطه الرير يادوب 10 دقايق مشي وانا مع الرأي شراء التذاكر اون لاين للقصر احتياط ممكن تكون زحمه وممكن لا لكن انا اشوف الافضل |
جماعه الخير تنصحوني بأي تكت اشتريها لانه فيه انواع مختلفه .. انه حاط في بالي اخلي يوم بروحه للقصر Tickets and Rates - Palace of Versailles اي نوع تنصحوني اشتري من التذاكر ؟ |
شوف الي يعجبك القصر او القصر ومبيت ماري أنطوانيت شخصيا اشوف القصر كافي وبعده جوله في الحدائق اذا كان الجو يساعد |
| الساعة الآن 02:43 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO