|
مسافره لحالي .. كونوا معايا بالتنسيق .. اولا اسعد الله يومكم جميعا ثانيا مشكورين على المنتدى حاولت واجتهدت لوضع بلان للسفره بس احتاج ملاحظاتكم علما باني مسافره لحالي ولا اجيد اللغه الفرنسيه (( يعني حابه اكون من الان فاهمه طريقي ومساري باذن الله )) وصولي لباريس راح يكون صباح الخميس والمغادره راح تكون صباح الاحد السكن حجزت في فندق عجبني مره اسمه اجنحه فريزر لو كلاريدج شانزليزية .. للتوضيح هوا بجانب الماريوت وعلى الشانزلزيه راح اذكر البلان بس طبعا ينقصها طريقه المواصلات وكثير اشياء فافيدوني اليوم الاول اي افضل طريقه للوصول للفندق تاكسي او مترو او شركه اوبير (( وكم مدته الطريق )) من المطار للفندق بعد ما اعمل شيك اون اروح للباص الاحمر عرفت انه عند قوس النصر اول الشارع (( الله يخلي قوقل ماب )) اخذ تذكره حقت يومين وادور على المناطق واخر شي ارجع للشانزلزيه بعد ه ناويه اروح للاوت لت (( عرفت كمان ان نفس المكان فيه محطه اسمها شارل دي قول اتوال اخذ تذكره واروح للاوت لت )) التذكره اخذها روحه ورجعه ولا كيف اليوم الثاني اروح بنفس تذكره الباص الاحمر برج ايفل حابه اروحله قبل وقت الغروب .. ونهر السين في جوله مدتها ساعه كيف انسق بينهم وايش اعمل من بدايه اليوم (( انا احب اطلع من الصباح اصلي وافطر وانطلق :(37): )) التذاكر اخذها من هنا ولا لما اوصل عرفت ان الفرق لو اخذها الان ما اوقف في اللاين طيب عندي سؤال التذكره تكون موقته بساعه معينه ولا مفتوحه اي وقت وتذكره جوله نهر السين موقته بساعه ولا اي وقت جي اقدر اخل ثالث يوم راح اروح دزني من الصباح من نفس المحطه الي ذكرتها حاخذ التذكره (( حابه اروح متحف الشمع بس مو عارفه متى )) وفين مكانه او كيف اروحله تاكسي او مترو او شركه اوبير لان الباص الاحمر ماروح عليه الاحد مايمدي اعمل شي غير اني اطلع افطر في الشانز وبعدها على المطار كيف الترتيب ساعدوني فيه اذا ملخبط او ناقص من بعد المغرب اكون في الشانزلزيه عرفت انها افضل مكان للامان وحددي الساعه 9 الى 10 الاهم عندي استغل وقت النهار كله من الصباح طولت وسالت كثير هذا وانا على بالي اني اجتهدت ورتبت ولو شوي :(148): انتظر رايكم .. سفرتي الاسبوع الجاي باذن الله |
ياهلا ومرحبا اختي لولوة ان شاء الله ابشري راجع لج ومشرفتنا ام ريم ماراح تقصر وبوخالد بعد مبدع تحياتي |
مرحبا اختي قبل كلشي اذا ناويه تصعدين برج ايفل الافضل تاخذين التذاكر الان بأسرع مايمكن ليوم الجمعه الاوقات المتوفره : تاريخ 20/11/2015 12:30 - 1:00 - 2:00 - 8:00 مساء - 9:00 مساء ليوم السبت الاوقات المتوفره :تاريخ 21/11/2015 12:30 - 1:00 - 1:30 رابط الحجز : حطي التاريخ الي تختارينه اعلى الصفحه يسار وبعدها مكان adult حطي 1 بيطلع لج تحت صوره برج ايفل كلمه confirm اضغطي عليه واختاري الوقت المناسب http://ticket.toureiffel.fr/index-css5-sete-pg1.html الشراء اون لاين يوفر لج طابور طويل جدا هناك |
الحين نرجع للأجابه على استفساراتج # فندق كلاريدج ممتاز جدا جدا في شهر 4 كنت في باريس وسكنت هناك واخذت سويت ديلوكس مطل على الشانز كان روعه وهذي ثاني مره اسكن فيه احسن ما اخترتي # بالنسبه للمواصلات من المطار الى الفندق الافضل اختي تاكسي اذا تبغين حجز مسبق من هنا Paris airport shuttleطŒ ظ†ط¤ظ…ظ† ظ„ظƒ ط®ط¯ظ…ط§طھ ظ†ظ‚ظ„ ظ…ظ† ظˆط§ظ„ظ‰ ط§ظ„ظ…ط·ط§ط± ط¨ط§ظ„ط§ط¶ط§ظپط© ط§ظ„ظ‰ ط±ط*ظ„ط§طھ ط®ط§طµط© ط¨ظٹظ† ط¨ط§ط±ظٹط³ ظˆظ…ط·ط§ط±ط§طھظ‡ط§. بس للأمانه انا كثير رحت باريس ولا عمري حجزت اون لاين لا باريس ولا غيرها بالمطار جميع انواع واحجام التكاسي متوفره وخاصه باريس يجون لج داخل المطار عقب ماتاخذين الشنط وقبل الخروج من البوابه بتحصلينهم يعرضون عليج وتنزلين تحت معاهم بالمصعد للمواقف # مده الطريق من المطار للفندق بين 40 الى 45 دقيقه # بالنسبه للباص السياحي احجزيه نفس ماقلتي ليومين عشان اي مكان يوصل له الباص واعجبج تنزلين فيه وبعدها تصعدين مره ثانيه لين تخلصين جميع الاماكن الخط الاحمر هو الافضل موقعهم للحجز : سعر التذكره ليومين 32.40 يورو Paris Tourist Map | Paris Tourist Attractions | Big Bus Tours خاطره الاماكن الي يروح لها : http://eng.bigbustours.com/UploadedF...1509300829.pdf # بالنسبه للأوت لت la Vallée Shopping Village تاخذين تذكره لزون 1-5 ذهاب وعوده من محطه قوس النصر Charles de Gaulle - Etoile تنزلين للمحطه من جنب سور السفاره القطريه مقابل دوار قوس النصر تروحين للمكينه وتشترين التذاكر تأكدي انج مختاره زون 1-5 و full ticket) لشخص واحد وبعدها تاخذين الخط http://store1.up-00.com/2015-11/1447439826851.png وتنزلين بالمحطه قبل الاخيره Val d'Europe وهي محطه الاوت لت ومجمع فال دي يوروب اما المحطه الي بعدها الاخيره Marne-la-Vallée - Chessy فهي محطه دزني لاند اذا تبغين تمرين على دزني لاند جنب الاوت لت # بالنسبه لليوم الثاني اختيار وقت جوله النهر متوقف على حجزج لتذكره برج ايفل وجوله نهر السين قريبه من برج ايفل قبل الصعود للبرج بساعتين ابدي الجوله وبعدها على طول روحي للبرج # بالنسبه للتذاكر خذيها من هنا وخاصه ايفل من اليوم اخذيها لاتتأخرين عشان ماتخلص تذكره ايفل اخذيها اون لاين تذكره الباصالاحمر اخذيها اون لاين تذكره جوله نهر السين اخذيها من هناك ( راح اوصف لج عقب لما ارتب لج الجدول ) # بالنسبه لثالث يوم ليش تروحين دزني مره ثانيه !! بنفس الوقت الي بتروحين للأوت لت خلي معاها دزني بنفس الوقت لانهم جنب بعض راح يضيع عليج وقت كثير كذا ردي هذا تقدرين تقولين فقط لتوضيح بعض الامور وراح انزل لج جدول يناسبج ليومين ان شاء الله لاتحاتين اهم شي اني عرفت الاماكن الي تبغينها انتظري الجدول :(41): |
ابو سعد كفيت ووفيت وبكل امانة مالك شبيه في المنتدى خبير سياحي من الدرجة الاولى تستاهل عضوية فخرية في منتديات العرب المسافرون الله يعطيك العافية |
حبيب والله يا مشرفنا الغالي كلامك وسام كبير على صدري واعتز فيه جدا ماعليك زود والكل والله هنا فيهم الخير ومايقصرون ومبدعين الف شكر لك يا عسل :(125): |
اختي لولوة اتمنى تأجيل السفر الى باريس لوقت اخر بسبب الاحداث الجاريه الان هناك الوضع مايطمن انتظري لين تتضح الصوره اكثر ربي يحفظ الجميع من كل شر |
اقتباس:
يستاهل أكثر ... بس الأوضاع الامنيه الآن مش ولابد في باريس الوقت الحالي |
اقتباس:
اللهم آمين كنت مسؤي اقتباس قبل مااشوف تعليقك ع وضعك الأمني. .. نسئل الله أن يرحمنا برحمته |
قطر 911 ربي يسعدك سعاده الدارين على الشرح المفيد والمفصل باذن الله اذا ربي كتبها ليا راح نكمل مع بعض الجدول .. جميعا مشكوورين |
| الساعة الآن 08:31 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO