|
افيدوني جزاكم الله خير .....,,, السلام عليكم انا بإذن الله مسافر انا وزوجتي 2 اطفال لإروبا والوصول مطار باريس الدولي شارل يوم 16 يوليو الصبح والعودة يوم 28 الصبح من مطار جنيف الي ارض الوطن انا اول مره اسافر اروبا اتمني من أهل الخبرة ان يعطوني برنامج لبعض الأماكن السياحية اهم شي من ضمن البرنامج ديزني لاند 3 ايام وزيارة بيت هايدي وشفت ردود بعض الأخوان استئجار السيارة هل هيا افضل ام السويس باس او اليوريل باس علما بأن السيارة يمكن اصرف نظر عنها لأني شف موضوع عن عدم قبول الرخصة السعودية والدولية في النمسا ولمشاكل السيارة اثناء الإستئجار والتسليم ويأخذون مبالغ زائدة انا متوكل على الله ثم عليكم مالي غيركم استشير |
وعليكم السلام وزع ايامك مابين باريس طيران داخلي ع ميونيخ استلام سيارة زيلامسي انسبروك انترلاكن انسي أو ديفون العوده من جنيف موضوع السيارة مادري والله العالم الرخصه الأمريكية ممكن تكون حل وأن شاءالله الخبراء مايقصرون. .. |
بالنسبة للرخصه الموضوع صورته غير واضحه في مرور الأيام تنوضح أكثر هو تنبيه من باب حرص من السفارة وفي النمسا الأمور كويسه نتظر ونشوف ع كذا خلك توزيعك ع التالي باريس طيران داخلي ع جنيف استلام سيارة انسي فرايبورغ كونستانس انترلاكن والعودة من جنيف الرخصه الأمريكية هناك حذر من عمليات نصب ع النت شيل فكرتها من بالك لانصح فيها |
الله يعطيك العافية أخي الجوكر على ردك السريع بالنسبة للإنتقال من باريس الي جنيف ايش رأيك بالقطار اللي هوو سويس باس او اليوريل باس اشتري تذكرة مفتوحة لعدة ايام واتنقل موو افضل من الطائرة والا ايش رايك ؟ |
أنصحك طيارة واستاجر سيارة متعة السفر لأوروبا معك سياره وامرها بسيط خذ لك قارمن ونزل عليه إحداثيات رجل شرقي الله يعطيه العافيه أو استخدم خرائط قوقل واحفظ عنوانين الأماكن السياحيه في نفس برنامج الخرائط أو في القارمن حاول استخدام العناوين أفضل من الإحداثيات هذي وجهت نظري لأن الإحداثيات اللي أعرفه انه يستخدمونها للملاحه وان شاء الله الخبراء مايقصرون |
ياهلا ومرحبا فيك اخوي ماقصر اخونا الجوكر جزاه الله خير بالنسبه لمخططك عدد ايام سفرك هي 12 يوم ومنها 3 ايام لدزني لاند يتبقى لك 9 ايام تسع ايام غير كافيه عشان تروح اماكن كثيره وتتنقل بالنسبه للسياره من ناحيتي انصحك تستأجر سياره وقت خروك من باريس لان في باريس ماراح تحتاجها كثير ومافي داعي للخوف لانك راح تستأجر السياره من شركه عالميه ونظامها معروف مافي تلاعب او مشاكل اهم شي ترجع لهم السياره امورها طيبه صدقني انهم مرتبين ومنظمين وماراح تواجهك معاهم ان شاء الله اي مشكله بالنسبه لموضوع ارجاع السياره واخذ مبلغ زايد عشان رجعت السياره بدوله اخرى انا اقولك ماراح ياخذون عليك اي مبلغ اضافي لما تنزلها في جنيف لان مطار جنيف ينقسم لقسمينجانب سويسري وجانب فرنسي لما تستأجر السياره من بقاريس او دزني لاند تقدر ترجعها في مطار جنيف القسم الفرنسي ماراح ياخذن عليك مبلغ اضافي بالنسبه لقريه هايدي مانصحك تروح لها لانها ماتستاهل العنوه وايد لانها مب قريبه منك بعيده كثير لو تمر عليها بالطريق اقولك ممكن تزورها لكنها مشوار طويل بالنسبه لليسن اولا انت ماراح تروح صوب النمسا وماراح تدخل لها لان قريه هايدي قريبه من الحدود النمساويه لكنها داخل سويسرا وبعدين الرخصه مافيها مشكله سواء النمسا او غيرها وماراح حد يكلمك انا اقترح عليك الجدول كالتالي : الوصول باريس 3 ايام وبعدها دزني لاند 3 ايام وبعدها انترلاكن 4 ايام واخيرا جنيف يومين بالتوفيق |
مع رأي ابوسعد بس لو تقلل جنيف وتخليها يوم وتزيد الي باريس يوم ممكن أفضل لأن أيامك قليله بنظري |
وعليكم السلام ايامك محدوده فالافضل ما تتنقل كثير عشان تعطي كل منطقة حقها باريس ما تحتاج سياره جدول ابو سعد ممتاز بس حط في بالك مشوار السياره الى انترلاكن حوالي ٦ ساعات |
والله اني بليد في الرياضيات هههههههه ع بالي 18 يوم. .. ماقصروا الخبراء بارك الله فيهم |
اقتباس:
اقتباس:
اقتباس:
الله يعطيكم العافية ماقصرتو ويجعلها في ميزان حسناتكم ترتيبك للإماكن جميل وبالنسبة لباريس اشوفها كثيره ايش رايك اشوف فندق بين ديزني لاند وبين باريس في الوسط ديزني ممكن اروحلها يومين ويومين اتجول في باريس وهل بإمكاني اقدر اروح هولندا يوم واحد وبالنسبة للسكن في سويسرا ممكن اسكن في هالسبروغ وسمعت ان مسافة بين بيت هايدي هالوسبروغ ساعة وربع تقريبا وتوجد بها الزلحيقة بيت هايدي اهم من ديزني بنظرهم تبيهم يفقعون وجهي ههههههه |
بشوفون متاهة أليس وقصر بيلا الحسناء بينسون هايدي :24::24: ديزني ممكن تخليها يومين اذا مافي بالكم تسوق و الاوت لت |
اقتباس:
وديزني يومين كفاية يوم العاب ويوم حديقة واستديوو بس اشوفها كفايه |
يصيرون في ديزني اذا نفسهم يشوفون بيت هايدي عشان الكارتون فديزني تكفي راح يحسون انهم وسط فيلم رسوم متحركة اذا يومين ديزني فزيد اليوم الثالث لباريس ٤ ايام حلوين |
اقتباس:
لاكن ما قلتلي وين متاهه أليس وقصر بيلا الحسناء ؟؟ |
في ديزني |
الوصول 16 / باريس ( ممكن تفيدوني بالاماكن ) 17/ ديزني 18/ ديزني 19/ باريس ( ممكن تفيدوني بالاماكن ) 20/ باريس ( ممكن تفيدوني بالاماكن ) 21/ باريس ( ممكن تفيدوني بالاماكن ) 22/ 23/ 24/ 25/ 26/ 27/ 28/ العودة الصبح من جنيف الي ارض الوطن ممكن اسكن في هالسبروغ , 20 دقيقة لأنترلاكن وساعة وربع لـ ملفيد( لبيت هايدي ) |
مرحبا اخوي سنيور يعني ملزم تروح هايدي ههههههه لاخلاص ام ريم لاتحاولين الرجال ناوي :(33): انا كنت بسوي لك مخطط بس شفت ايامك ماتكفي لاني كت مخطط لك تطلع من باريس على ستراسبورغ بالقطار ومنها تستأجر سياره وتطلع على فرايبورغ في المانيا ومنها الى ماينفيلد ( قريه هايدي ) وبعدها انتر لاكن واخيرا جنيف لكن بالنسبه لأيامك حاول بقدر المستطاع تقلل التنقل لانه متعب لكم ومعاكم الاطفال وبعدين اخوي ليش لما توصل باريس وتقعد يوم واحد وبعدها تروح دزني وترجع مره ثانيه باريس متعبه لكم نقله الاغراض للفندق والتشييك ان و الشييك اوت يا انك تقعد في باريس المده كلها وبعدها تروح دزني لاند او من مطار باريس تروح دايركت الى دزني لاند وبعدها باريس اشوف احسن من الروحه والرجعه وتوفير للوقت يعني مثلا ايام 16-17-18-19 في باريس و ايام 20 - 21 في دزني لاند كذا احسن ومن دزني لاند تستأجر سياره وتروح فيها انتر لاكن وتقعد فيها ايام 22-23-24-25-26 ومن انتر لاكن تروح الى قريه ماينفيلد( قريه هايدي )190كيلو تقريبا ساعتين وايام 27-28 في جنيف وتسترجع السياره في مطار جنيف القسم الفرنسي يعني المخطط كالتالي : الوصول باريس دزني لاند انتر لاكن جنيف من رأيي هذا الترتيب مناسب لك الوصول باريس دزني لاند |
حلو ترتيبك ابوسعد كذا مباشره الي ديزني اذا ما تصادف ويكند او الي باريس اذا ايام ديزني بتصادف ويكند وسلم اسلياره بالقسم الفرنسي بمطار جنيف |
مثل ما قال بو سعد لاتقسم ايام باريس اما مباشرة ديزني او باريس كل الأيام و بعدها ديزني فكر مرة ثانيه في هايدي :1: لا تنسى انه يوم بروح في الطريق من باريس الى انترلاكن المسافه مب قصيره انترلاكن احلى و أنشطتها اكثر |
ابغا اعرف يعني ديزني بعيدة عن باريس :2: انا قلت يمكن اسكن بين باريس وديزني ... والا بعيده بالمرة ! اجل خلاص نعتمد ترتيب ابو سعد |
ديزني لاند تعتبر من ضواحي باريس 45 - 50 كم ساعة بالسيارة او 45 دقيقة بالمترو |
المسافه بينهم ما تعتبر بعيده بس دامك مخصص اكثر من يوم لباريس وأكثر من يوم لديزني الأفضل تسكن في كل منطقه خصوصا انه معاك أطفال ممكن يحتاجون يريحون وسط اليوم |
اجل خلاص تم اهم شئ ما تصادف ديزني ويك إند عشان الزحمة |
وينكم ياشباب معليش تحملوني عشان ابغ اخلص الحجوزات من بدري وارتاح |
ياهلا ومرحبا اخوي لاتحتار بس قولنا الحين رسيت على نفس الجدول وتحديد الايام في ردك او في تغيير في بالك بالنسبه للأماكن وترتيب الجدول ماله علاقه بالحجوزات اهم شي تحدد المناطق الي بتروح لها ومده الاقامه والفنادق المختاره وتحجز وتخلص اما الجدول والزيارات في اي وقت ثاني بعد الحجوزات مافي مشكله |
اقتباس:
|
اقتباس:
|
ابو سعد وينك |
اذا عندك استفسار اطرحه و الاعضاء ما راح يقصرون في الردود |
| الساعة الآن 12:10 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO