|
الى باريس الشهر القادم احتاج مساعدتكم قبل التخطيط السلام عليكم أعضاء المنتدى الطيب بمشيئة الله وجهتنا باريس لشهر مارس و التخطيط متأخر و كل شي متأخر فجأة كذا طلعنا بهالقرار - الله يجعلنا فيه خير عندي كم سؤال الله يجزاكم خير اول سؤال لي عن الجو .. ادري انه بارد بس ما مدى هذه البرودة مع العلم عندي أطفال يعني البرد اللي ودك ما جيت ؟ ولا المقبول سبق لنا زيارة باريس ولكن كان بالصيف هل تنفع زيارة ديزني لاند في هذه الأجواء ؟ ترا السفرة كلها عشانها السفره تقريبا 10 أيام و اشوفها واجد على باريس لذلك ابي مشورتكم كيف نقدر نستفيد من هالايام احد عنده علم عن أي ريف قريب من باريس او أي اقتراح السؤال الأهم هل يشترط احضار صورة من التذاكر عند التقديم للشنغن فيزا ؟ أي برنامج خفيف أكون لكم من الشاكرين و تراني عضوه قديمة جدا في هذا المنتدى :38: لكن نسيت حسابي و عملت حساب جديد |
وعليكم السلام ورحمة الله وبركاته ... الجو متقلب الفترة هذي ومحد يقدر يجزم لك بشي ... انا توني راجع وكان الجو كل يوم شكل .. بس اجمالا مقبول وما يخرب اذا استعديتوا له بلبس + جاكيتات مطر . ماادري متى بتجون بس ترى نهاية مارس بتبدا اجازة الايستر في بريطانيا يعني ممكن تكون زحمه ديزني .. - الشنقن بقسم التأشيرات والفرنسية لازم حجز طيران ويمكن فنادق . وبما انه سبق لكم زيارة باريس فاعتقد مافيه شي جديد ممكن تشوفونه ولو تشوفون لكم مكان ثاني او حتى دولة ثانية بعد ديزني .. - طيران ايزي جت عندهم دايم عروض حلوه للعطلات ( طيران+سكن ) ممكن تشوفينها وتقدرين تحددين الفترة والميزانية ياخذونكم من باريس ويرجعونكم لها واسعارهم جدا حلوه Book your package holidays, weekend getaways direct cheapest prices | easyJet holidays |
وعليكم السلام مثل ما تفضل ابو عبد الله الجو بارد ولازم احتياطكم في اللبس احتمال الأمطار كثير وهذا الي ممكن يزعج اكثر من البرد بخصوص الارياف فالافضل زيارتها من مايو وطالع ليش ما تضيفون برشلونه للمخطط حلوه وشرحه وجوها افضل البرنامج ان شاء الله بعد تحديد عدد الأيام ينقل للاستفسارات |
ياهلا ومرحبا فيج اختي ماقصرو الاخوان اعطوج المفيد ونفس ماذكرو الجو نوعا بارد لكن يحتمل مع الاحتياطات من الملابس الثقيله وخاصه للأطفال واذا من ضمن الاطفال رضع يعني محتاجين عربه اطفال الافضل تاخذون معاه واقي الهوى البلاستيك الشفاف والجدول والفنادق بعد مانتأكد من مخططج النهائي ان شاء الله |
اذا بخاطركم تروحون ستراسبورغ تجلسون فيها يومين قريب من الحدود الالمانيه وتزورون اوروبا بارك وكولمار والغابات السوداء وبادن بادن وفرايبورغ ممكن بعد وبعدها ترجعون مره اخرى باريس المسافه بالقطار من باريس الى ستراسبورغ 2:19 والرحله دايركت السكن تفضلون فندق ام شقق !! |
وعليكم السلام ما فيه ريف عليه الكلام الجين يفضل تشبكي دوله معها وتخلين العوده منها الشنغين حسب أخر تجربه قرأتها ما يحتاج تذاكر لكن لتجنب تغير نفسية الموظفين احجزي من أي مكتب سياحي وخذي الحجز بدون ما تدفعي أي شيء وقدميه |
| الساعة الآن 07:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO