عدنا ...
الرحلة كانت من 2/11 الى 2016/2/16
كانت الفكرة اننا نروح باريس نهاية 2015 بسبب اجازة المدارس عندنا ومافيه فرصه مناسبة لباريس قبل الوقت هذا ... وكنت ناوي نطلع منها

على امستردام بالقطار .. ومجهز حجوزات الطيران والفنادق بباريس وليون وامستردام .. وتصير سالفة باريس اللي انتم عارفين وقالوا لي بعض البريطانيين كنسل السفره ماودنا تروح بعد الاحداث ... والناس هنا يقولون الوضع عادي وابو سعد الله يسلمه مسوي موضوع يقول خلوا حجوزاتكم ...

وكنت بين وبين مثل مايقولون بالنهاية الغينا السفر ... وراح علينا حجز الطيران بس الفنادق اشوى مسترجع كان ... هو انا كنت معلم واحد اني بروح باريس:12: ... وبعدين عرفت انه ينظل ( عينه حاره ) فشكل خوينا زي الجسمي وتجمعوا على باريس :24:..
رتبنا الامور على اجازة المدارس الثانية ومدتها اسبوع وكانت النيه بس باريس + ديزني واحنا نحب بالسفر اننا نزور اغلب المكان اللي نسافر له ونستمتع به قدر المستطاع بدون كثرة تنقلات ورحلات ...ومنها معد نرجع للمكان هذا مستقبلا ...
في بريطانيا عندهم نظام حلو ليتهم يسوون مثله بالسعودية وهو انه فيه قريب من المطارات مواقف تجاريه تحجز فيها بعدد الايام اللي تبي وعندهم نقل ترددي للمطار يمر على كل الصالات بواسطة باص ، والرحلة كل نص ساعة تقريبا ..وكانت المسافة من بيتنا لمطار جاتويك تقريبا ساعة ونصف بدون زحمه والرحلة الساعة 4.30 فطلعنا من البيت الساعه 11.30 عشان حساب زحمة لندن لان بنمرها وسط النهار وصار اكثر من اللي كنت خايف منه .. مع الزحمه اللي اخذت مننا وقت اكثر من المتوقع طلع الطريق مقفل !! وطفى علي برنامج ( سايجك ) الله لايرده ثاني مره يسويها فيني مع اني مشتريه .. وبسرعه حولت على خرائط قوقل ومشى الحال وزاد في الطريق نصف ساعه بدون الزحمه اللي احنا فيها.. ومن جد خفنا تفوتنا الرحله ..وتصير المشكلة بباريس موب فينا ولا بخويي اللي ينظل ولا بالجسمي:14:.. الحمد لله فكت الزحمه بعد التحويله ووصلنا المواقف ووقفنا سيارتنا عندهم واخذونا بالباص مع مجموعة مسافرين الى مطار جاتويك بلندن وكانت رحلتنا مع طيران ايزي جت ..
Book direct for our guaranteed cheapest prices - easyJet
.. والطيران هذا اقتصادي مثل طيران ناس او فلاي دبي ويوفر خيار حجز طيران+ فنادق بأسعار حلوه مره ( احيان كثيره ) بس توني مابعد جربت الخيار هذا وهو في البال ... وهم يوصلون الى مطار الغردقة .. فانصح اللي بيجي اوربا وله اماكن كثيرة بيروح لها انه يجرب يضبط حجوزات الطيران منهم بدري وبيطلع له اسعار حلوه ... وصنا للمطار وهو مطار وسط واول شي سويناه رحنا لغرفة الصلاة ( موجوده بالدور الاول ) -اذا جا وقت الصلاة اسألوا عن غرفة الصلاة واذا مافهموا قولوا لهم multi-faith room -وصلينا الظهر والعصر وختمنا جوازاتنا ودخلنا وكان باقي تقريبا ساعه على الرحلة ولسى ماحددوا البوابة فحولنا بعض الفلوس الى يورو

http://www.arabtrvl.com/vb/picture.p...ictureid=47455

ورحنا لمنطقة المطاعم نترزق الله ومع الروعه ان الرحله تفوت جعنا زود ...

ادري كثيرين ودهم يصفقوني بسبب التفاصيل غير المفيده بس وش اسوي موضوعي قصير وابي امططه شوي :32:...

http://www.arabtrvl.com/vb/picture.p...ictureid=47456

هذي دايم مع المقبلات وهنا حاطينها طبق رئيسي واخذته لاني مااكل لحومهم
http://www.arabtrvl.com/vb/picture.p...ictureid=47457

http://www.arabtrvl.com/vb/picture.p...ictureid=47458

واحلى شي انك تصير بليد احيانا .... توصل متأخر وتروح للمطاعم بعد ... يوم انتبهنا والاه خلاص الوقت بح ... وخفت تروح الرحله هالمره بسبب شفاحتي ع الاكل .. ونروح للوحه نشوف رقم البوابة وننطلق لها ووصلنا على اخر الداخلين ( الحين عرفت متعة اللي يجون متأخرين والا يجلسون يدورونهم ) ...

http://www.arabtrvl.com/vb/picture.p...ictureid=47459

http://www.arabtrvl.com/vb/picture.p...ictureid=47460

واقلعت الرحلة بموعدها وكانت الرحلة مليانه .. وتحركت البسطة حقتهم واخذنا شاهي وما امدانا نخلصه لان اعلنوا عن الوصول ... الرحلة من

الاقلاع للهبوط 50 دقيقه لدرجة ان الصف الاول اعتقد وصلتهم العربية واعلنوا لاندنق والوصول الى مطار شارل ديغول..وصلنا وركبوا درج على الباب الخلفي للطياره وفتحوا الباب الامامي بعد وانطلقنا ..
كثير من المطارات احس انها بتكون هيبه وضخامه واذا وصلت تكون اقل من المتوقع ... مابعد شفت مثل مطار دبي.. مثل مطار جنيف ومطار جنيف وطلع مطار جنيف كبر الملحق:13: ... الرحله اقصر من رحلة الرياض دبي بكثير ..خلصت الاجراءات بسرعه وكان موظف الجوازات الفرنسي ( طاق الضحكه لنا ) وقلت بداية خير ...
بعد ماطلعنا من الصالة كنت محتاج الى (نت ) عشان الخرايط وعشان اقدر اوصل لشقتي اللي مااادري وينهي فيه .. رحنا لمحل وكان فيه فرنسية انجليزيتها موب مره وجاء زميلها المغربي وتكلمنا عربي واخذنا شريحتين من شركة sfr .... فيها 1 جيجا نت و 60 دقيقه مكالمات و 500 رسالة واخذتها من المطار ب 30 يورو (للوحده ) وما قصر فعلها لنا ..وتغطيتها حلوه مره .... وكملت معنا للنهاية ... رجعنا والنت ماخلص ..مرينا مكتب السياحه واخذنا خريطة المترو وحدد لنا مكان شقتنا ووين نبدل ... وتوجهنا لمحطة القطار بالمطار ...

http://www.arabtrvl.com/vb/picture.p...ictureid=47461

http://www.arabtrvl.com/vb/picture.p...ictureid=47462

http://www.arabtrvl.com/vb/picture.p...ictureid=47463
وبعد مانزلن الدرج وتوا روعة الغربة موجوده ونلقى رجل امن ونروح له بنتاكد منه من وجهتنا ونكلمه انجليزي ويكلمنا فرنسي ... لا عرف لنا ولا عرفنا له ... قلنا نحول على نظام الاشارات ... واجلس ااشر على الخريطه ويؤشر لي على الدرج !!! وبالاخير اشر لنا الحقوني ونلحقه وقالت لي زوجتي يمكن يقصد التذاكر
... قام رد بالعربي ايه اقصد التذاكر ... طيب ياخي تكلم ... مبين على وجهي اني اوربي مثلا !!! قال انا

مغربي بس اتكلم فصحى فقط ... وماقصر والله مشى معنا لمكينة التذاكر ثم يوم شافنا عند البوابة واقفين لان كنت ادخل الصغار ورى بعض وحس ان عندي مشكلة جانا يركض والله ... فجزاه الله خيرا والله ييسر له امره ... عموما التذاكر كانت طريقتها سهله يعني لااحد يزمل او يحس بصعوبه ...
واخذنا بطاقة نافيجوا اتجاه واحد لان خلاص الوقت ليل وماراح نروح لشي اللي والبطاقة اليومية تنتهي الساعه 12 بالليل ...(( بباريس كلها بتلقون بكل محل وبدون مبالغة احد يتكلم عربي ))
وبالمناسبة :
القطارات ( الرير ) تشتغل الى الساعه 12.30 ليلا .
المترو يشتغل الى الساعه 1.30 ليلا
وترجع تشتغل الساعه 5 صباحا .
المتروا يغطي من زون 1 الى زون 3 فقط وخارج الزونات هذي تستخدم القطار ( رير )

صورة للرير :

http://www.arabtrvl.com/vb/picture.p...ictureid=47469

وهذا موضوع جدا رائع عن المترو في باريس :
http://www.arabtrvl.com/vb/t1435.html

وهذا موضوع لي عن شرح استخدام تطبيق للجوال راح يساعدكم كثير وماراح تحتاجون تسألون احد او تضيعون ان شاء الله

http://www.arabtrvl.com/vb/t14921.html
بس مهم تعرفون الكلمه هذي ( Sortie ) وتعني مخرج بعد ماتنزلون من القطار او المترو وتبون تطلعون للشارع


كان الطريق فيه تبدلين الى شقتنا اللي كانت بزون 2 ووصلنا لها خلال ساعه وحده .. وكنا خلال الفترة هذي كل نتناقش الخريطه ونقوم نشوف خريطة المسار اللي فوق الباب ( في كل قطار فيه خريطه بالمسار فوق الباب ) وكان فيه واحد بعيد عننا بمقعدين يمكن بس كان متبع معنا شوي .. شوي ماقدر يصبر وجا لي وسلم وقال انا محمد مغربي عايش هنا وين بتروحون انتم ؟ علمته وكنا عارفين طريقنا بس ما حبيت اقول له اننا عارفين وبالعكس من شرحه انتبهت لنقطة اتجاه الطريق ( عارفها بلندن بس نسيتها هنا ) وركز على الاتجاهات ووين نروح واعطاني كرته وقال اي شي تحتاجونه بباريس اتصلوا ...جدا كان محترم وخدوم ... وهذي رابع نقطه ايجابيه ... الاولى موظف الجوازات والثانيه المغربي بمحل الجوالات ثم المغربي حارس الامن ثم المغربي بالقطار ... وصل محمد لمحطته وقبل ماينزل اكد علينا بالمحطات وراح بحال سبيله ...
من اول تجربة للقطار والمترو اقول ان قطارات ومترو باريس اسهل بكثير من قطارات ومترو لندن واقل زحمة... واكثر توافر يعني بالكثير تنتظر 3 دقائق وماتأخرنا الا مره وحده بقطار الرير تاخر يمكن حوالي 15 دقيقه بمحطه اعتقد كانوا متعودين تتأخر فيها القطارات اللي هي محطة هاوسمان ..
وصلنا لمححطتنا ونزلنا وشغلت خرائط قوقل عشان اروح اخذ مفتاح الشقه وكانوا حاطينه بمكان لانهم مقفلين ومعطينا باسوورد الباب وصندوق الامانات ... وصلنا واخذنا المفتاح ولقينا معه خريطة ان الشقه بمبنى اخر ...ورحنا ندور عليها وكانت قريبه بس ماعرفنا نوصلها ...وكانت على طريق رئيسي ... فجاة وقف سيارة بنص الاشارة ويؤشر لنا فهمت منه انه يقول تحتاجون مساعده .. ورحت له وكان ايضا مغربي او جزائري واعطيته الخريطه قال انا موب من هنا بس شوي اشوف الجوال ... وكان فيه شباب فرنسيين يوم شافوا الوضع سألوه وكلمهم وقال خلاص روح لهم ... وجاء واحد منهم بسرعه وشاف الورقه معنا وطلعنا جنب العماره وعلمنا كيف ندخل ( بالاشارة طبعا ) وراح ... وهذا موقف جيد ايضا ومن الفرنسيين انفسهم ...ودخلنا شقتنا اللي كنت ماخذها 6 ايام بـ 340 يورو ... (( حقين السفر الاقتصادي يجون :3: )) اسبوع في باريس ب 1400 ريال:(94): ..
ماعندي لها صور لانها فقط كانت للنوم وميب كشخه ... تبعد عن الشانز 15 دقيقه بالمترو ... والمترو عنها 5 دقايق مشي ... كانت صغيره بس نظيفه وفيه مطبخ صغير وغساله ... الحين فلوس القاهره توديك باريس:56:
- للمقتصدين ومعهم اطفال انصح بأخذ شقه بدل الفندق لانك بتستفيد من المطبخ ومن الغساله .. علبة صابون ب واحد يورو تكفيك السفره كلها .
نمنا والصغار اعينهم على صباح الجمعه وموعدهم مع ديزني لاند ...
ديزني لاند :
التذاكر تختلف حسب المواسم وحسب ايام الاسبوع ... يعني الويكند غير ايام الاسبوع الباقية ... وطبعا اكيد بنفضل ايام الاسبوع على الويكند

اللي ممكن يكون مزدحم ...
اخذنا التذاكر من هذا الموقع :
https://m.travelrepublic.co.uk/
وكان افضل سعر من موقع ديزني لاند ..ونظامهم تشتري منهم التذاكر ويرسلونها بالبريد وبما انه يوم نحجز كان باقي على سفرنا 3ايام وهي تاخذ 3 ايام بالبريد ويمكن تتأخر ... كلمناهم وقالوا خلاص نرسلها ايميل واطبعوها ملون ... وروعونا قالوا اطبعوها ملون نسختين عشان لو صار شي للنسخه يصير معكم نسخه ثانية .... وفعلا سوينا مثل ماقالوا لنا ...
في الصباح توجهنا لمحطة الميترو واخذنا تذكرة الى ديزني ذهاب وعوده لـ 2 كبار و2 صغار ...
وكنا طالعين يمكن الساعه 8 وشوي
http://www.arabtrvl.com/vb/picture.p...ictureid=47465

ولازم نبدل الميترو بقطار ...
http://www.arabtrvl.com/vb/picture.p...ictureid=47467

كان اليوم غيم ومطر ...

http://www.arabtrvl.com/vb/picture.p...ictureid=47466

على ماوصلنا محطة ديزني الا والعربة اللي احنا فيها فاضيه ومافيه اي احد .... قلت شكل ما معنا احد ...
وبس وقف الا نزلوا الناس من باقي العربات ... رقينا الدرج وطلعنا والا هذي والله ( عين حميده ) هذي ديزني اللي يقولون ... ورحنا نمشي الخطوة بخطوتين ... وقدمنا تذاكرنا المطبوعه واحنا (نترقب ) بس اشوف ناس كثير طابعين تذاكرهم اسود وابيض ويدخلون عادي ... ودخلونا

http://www.arabtrvl.com/vb/picture.p...ictureid=47484

هنا اوقف معكم ... كني طولة الكلام عليكم ... الجزء القادم بيكون عن ديزني لاند ان شاء الله ...اتمنى مااكون ازعجتكم بسواليفي