|
استفسار اول رحله لباريس وانترلاكن وانسي السلام عليكم ورحمة الله وبركاته ارجو من الاعضاء مساعدتي في تخطيط رحلتي انا وزوجتي وطفله عمرها سنه باريس و انترلاكن وانسي حيث ان القدوم والعوده من باريس وراح تكون 12 او 10 ايام من غير اليوم الاول والاخير سفر باريس حاب ازور دزني لاند وبرج ايفيل فقط وانسي وانترلاكن ابغا اجلس فيها اكثر وقت ممكن طبعا ما ابغا استأجر سياره القطارات و المترو تناسبني وياريت تعطوني الاسعار التقريبيه للقطارات و المترو وافضل وقت للسفر بعيد عن زحمة السياح و رحلات انسي و انترلاكن و اسف على الاطاله واتمنى يكون هذا القسم المناسب |
وعليكم السلام ورحمه الله بركاته متي ناوي علشان نشوف القطارات اذا علي كلامك يبيلك ال ما تصل الي انسي 3 ايام ثم انترلاكن 5 ايام ثم 3 ايام في باريس بالعوده |
وعليكم السلام برايي تعيد التفكير في نقطة السياره قبل لا تنهي الحجوزات متعة التنقل خصوصا في الجزء السويسري بوجود السياره و الاستمتاع بالطبيعة خصوصا انه حسب الاماكن الي ناوي تزورها راح يصادفك نقاط توقف واحتمال تغيير القطارات اكثر من مرة عموما 3 ايام باريس بما فيها ديزني وماله داعي الإقامة دام بنتك صغيره الله يخليها 3 انسي وما جاورها 5 انترلاكن افضل الأوقات اوروبا عموما حلو الجو في مايو - يونيو او سبتمبر - أكتوبر الأهم تتاكد من أنشطة انترلاكن لمتى فاتحه |
انا مع مديرنا ومشرفتنا بخصوص تقسيم الايام ومع مشرفتنا بأفضل الاوقات للسفر المترو فقط راح تحتاجه في باريس وتاخذ لك تذكره مترو لمده 3 ايام (زون1-3) سعرها للشخصين انت وزوجتك 54.60 يورو والطفله مجانا وهالتذكره تخولك بأستخدام المترو عدد غير محدود من المرات ول 3 ايام كامله وبالنسبه لتذكره القطار صعبه احددهها لان متغيره حسب تاريخ سفرك والشهر غالبا سعرها مابين 25 الى 55 يورو للشخص الواحد من باريس الى انسي بمعظم الرحلات وبعض الرحلات اعلى من هالسعر بكثير بس قليله والقطار راح يكون مجهد لك وخاصه ان عندك طفله وعفش وخاصه الرحله من انسي الى انترلاكن لانك راح تحتاج تغير 3 قطارات اقل شي نصيحه ثم نصيحه لاتطلع بقطار من انسي الى انترلاكن واستأجر سياره في اخر يوم بباريس افضل وروح فيها الى انسي وانتر لاكن واسترجعها بباريس |
يا ابو سعد بالسيارة مشوار والايام قليلة انا افترح طيارة او قطار لجنيف ومن جنيف سيارة يلف فيها انترلاكن وانسي ويرجع من جنيف الى باريس |
السلام عليكم أولاً أتمنى لكم رحله سعيده لاتعتمدون على بطاقة صراف وحده لازم يكون معاك بطاقة أئتمان ابتعد عن حمل العملات الكبيره زي المية يورو والميتين يورو دائماً يكون معاك عدد كافي من اليورو الفئات الصغيره لأستخدامها في اجهزة الحساب للمواقف والطرق خاصه بين سويسرا وفرنسا بسويسرا لاتتعامل مع الفرنك قيمته البنكيه اعلى من اليورو وقيمته الشرائيه معادله لليورو خارج سويسرا مايتعاملون مع الفرنك السويسري بالاماكن التجاريه كرماً منك باي محطه للوقود انت تنزل وتزود سيارتك بالوقود وتحفظ رقم المكينه وتتجه للسوبر ماركت بالجوار وتحاسب عند الكوشير والسياره بمكانها تزود من السعوديه ببعض الماكولات الممكن نقلها وياليت تشتري من هنا قدر كهربائي صغير قد تحتاجونه يمدحون الحليب المجفف والكورن فلكس من هنا ! حاول تخفف قدر الامكان من حجم الحقائب طالما عددكم قليل ربي يحفظكم السفر قطعه من نار والانسان مايبان على حقيقته الا وقت السفر حاولو استحضار الابتسامه والسعاده في كل الاوقات اذا استخدمت السياره اعرف ان الأفضليه للمشاه دائماً انتبه من علامات طرق المشاه ( في دزني لاند لفت انتباهي وجود عمال افارقه للنظافه يبيعون التذاكر بقيمه اقل من النصف عن بوابات الدخول ولكن كاش تلاقيهم قبل البوابه الرئيسه بمية متر ويدلونك على كيفية الدخول مع بوابات جانبيه ) فرصه ! جدول الطيران اذا ماحجزت ليش تخلي محطة الرجوع من باريس ليش ترجع افضل شي للسائح الطريق الى الامام ليش ماتخلي العوده من جنيف مثلاً او من ميونخ قريبه من زيورخ اتمنى من الله لكم رحله سعيده وتنعمون في كل ماتشاهدون يارب |
اقتباس:
صحيح كلامك خبيرنا ابومهاب بس بعد طياره يكون وقت ضايع ممكن قطار خيار ممتاز الطياره خبرك المشوار لين المطار ووقت قبل الطيران تقريبا بساعتين ونص طيران مدته ساعه وما لايقل عن ساعه ونص للخروج من المطار واستلام السياره لكن القطار خيار ممتاز جدا ومن ثم تأجير السياره بجنيف والتجول بها واسترجاع السياره بجنيف وبعدها قطار للعوده الى باريس |
صباح الخير على اهل الخير بالفعل القطار افضل عن تجربة ومريح وتتفرج على الطبيعة سبق التنقل فيها من جنيف لباريس |
مشكورين اخواني بغيت القطار عشان اقدر اشوف الطبيعه ماعندي مشكله بالتوقفات بس السياره صعبه وانا اول مره ازو اوربا اعجبتني فكرة العوده من ميونيخ بتكون اقرب لانترلاكن ؟ دعواتكم تتيسر .. |
اقتباس:
|
| الساعة الآن 01:23 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO