شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة فرنسا (https://www.arabtrvl.com/vb/f147.html)
-   -   استفسار عن مترو باريس ، واسعار التاكسي (https://www.arabtrvl.com/vb/t1969.html)

be nice 03-02-2015 01:54 PM

استفسار عن مترو باريس ، واسعار التاكسي
 
السلام عليكم جميعا
لو تكرمتوا عندي مشكلة صراحة مع مترو باريس قريت مواضيع كثير جداً جداً وفهمت تقريباً 60% ، بس اللي مافهمته مثلا انا بروح من محطة الى محطة ثانية ، كيف اعرف ان المحطة اللي بروح لها فيها تبديل ، واذا نزلت من المترو عشان ابدل وين اروح يعني بنفس المكان ولا اطلع ،
والشئ الثاني الرير وين مكانه بنفس محطة المترو برضه ؟

وش افضل تذكرة تناسبني لمدة اسبوع ، وكيف اشتريها ماعرف لغتهم الفرنسية عشان اشتري من الماشين حدي انقلش ^_^

ابي تذكرة شاملة يعني ، مثلا ابي اروح قصر فرساي ، وابي ارد ، واروح وكذا يعني مو محصور على زون معين :200: وكم اسهارهم



السؤال الأخير عن التاكسي ، من المطار للشانز او حول الشانز كم اسعارهم ، وهل يتم الاتفاق على سعر او على حسب العداد

وجهات أوروبية 03-02-2015 03:10 PM

رد: استفسار عن مترو باريس ، واسعار التاكسي
 
اقتباس:

المشاركة الأصلية كتبت بواسطة be nice (المشاركة 35395)
السلام عليكم جميعا

عليكم السلام ورحمه الله وبركاته


لو تكرمتوا عندي مشكلة صراحة مع مترو باريس قريت مواضيع كثير جداً جداً وفهمت تقريباً 60% ، بس اللي مافهمته مثلا انا بروح من محطة الى محطة ثانية ، كيف اعرف ان المحطة اللي بروح لها فيها تبديل ، واذا نزلت من المترو عشان ابدل وين اروح يعني بنفس المكان ولا اطلع ،

شوف اخوي ركز معاي بالخارطه والشرح تحتها
ويفضل تكون عندك الخارطه بيدك وانت بالمترو
والخارطه موجود بالمترو معلقه وايضا داخل المترو فوق كل الابواب موجود المسار

الخارطه

http://up.arabseyes.com/uploads2013/...6368627411.png العاب

من الخارطه انت مثلا في محطه Charles de Gaulle - Étoile
وتبغي تروح محطه Alma - Marceau

وفي تبديل عشان توصل للمحطه الي تبغيها
والتبديل يكون في محطه Franklin D. Roosevelt

انت لما تركب من محطتك يكون فيها خطين الاحمر والاصفر
انت تشوف من الخارطه انك ممكن توصل للمحطه الي تبغيها بس يكون باللون الاصفر
اما الخط الاحمر ماتقدر تروح له

الحين انت ركبت الاصفر شوف الخارطه الي عندك او من الخارطه الي فوق الباب داخل المترو انك اذا وصلت المحطه Franklin D. Roosevelt انزل منها
وبعدها بنفس المحطه تمشي في علامات تدلك على الخط الي لونه زيتوني او الاخضر الغامق روح له واركب القطار الي رايح الى محطه Alma - Marceau
لما توصل لها انزل وجذي تكون وصلت

ملاحظه بكل خط يوجد مسارين بنفس اللون
يعني رحت للون الزيتوني بتحصل اثنين بنفس المكان واحد رايح للمحطه الي تبغيها
والثاني رايح بالطريق المعاكس

هنا شلون تعرف !!

اول ماتدخل المكان الي فيها المسارات بتحصل عند الدرج لوحه ارشاديه انك اذا نزلت من هذا الدرج يكون المحطات الفلانيه
انت شوف المحطات اذا مش موجوده معاهم
انزل من الدرج الثاني ويكون ايضا بنفس اللون

اتمنى اوضحت اشوي :yolks00780:




والشئ الثاني الرير وين مكانه بنفس محطة المترو برضه ؟

شوف اخوي بقولك

كل محطه فيها رير يكون فيها مترو
والعكس كل محطه فيها مترو مب شرط يكون فيها رير

يعني اخوي كل المحطات هي للمترو
بعض المحطات فيها مترو + رير



وش افضل تذكرة تناسبني لمدة اسبوع ، وكيف اشتريها ماعرف لغتهم الفرنسية عشان اشتري من الماشين حدي انقلش ^_^

اخوي اشتر تذكره لمده خمس ايام
ولما تنتهي اخذ لك تذكره ثانيه لمده يومين
وانت اكثر شي محتاجه هو وسط باريس ( زون رقم 1 )

وتاخذها من النت افضل من الحوسه هناك

Paris Visite Pass - Transport ticket - Paris Tourist Office


في الرابط الي فوق الاختيار المناسب اذا وسط باريس وبدون فرساي ودزني لاند

Paris Visit (Pass Transport) 5 days (zone 1 to 3) / Adult

بقيمه 39.30 يورو




ابي تذكرة شاملة يعني ، مثلا ابي اروح قصر فرساي ، وابي ارد ، واروح وكذا يعني مو محصور على زون معين :200: وكم اسهارهم

وسط وباريس + فرساي + دزني لاند
انت محتاج بطاقه لمده خمس ايام زون 1<5

Paris Visit (Pass Transport) (zones 1 to 5) - 5 Days / Adult

بسعر 67.40 يورو




السؤال الأخير عن التاكسي ، من المطار للشانز او حول الشانز كم اسعارهم ، وهل يتم الاتفاق على سعر او على حسب العداد

اخوي التاكسي في المطار ماتعطي راعي التاكس شي
اول ماتطلع من المطار يكون في اشخاي يجونك شوف نوع السياره الي عنده تناسبك او لا
ياخذك على المكتب وتدفع لهم هناك وتاخذ الفاتوره وتركب
ولاتحاسب السايق

السعر مايقارب 100 يورو
واذا ويكند احتمال يوصل 130 يورو



اما حول الشانز
باريس عاده مافيها تكاسي كثيره لان في مكان مخصص لهم منطقه للتاكسي
ولاكن موجود منهم عدد قليل
وشغلهم كله بالعداد مافي شي من نفسهم

بس في محطه القطارات في باريس كير دي نورد تاكسي عدد كبير جدااااا
ومرات طابور كبير ينتظر التاكسي لازم تصف بالدور

في هالوقت يجيك سايق عرب يحاول يقنعك تروح معاه بدل الوقفه بالطابور
وياخذ عليك مبلغ تقريبا 3 اضعاف

يعني التاكسي يوصلك بين 30 الى 35 يورو لين الشانز
هو يقول لك 120 يورو وبعدها ينزلك لين 80 يورو

ترا الطابور مهما كان طويل ماراح تنتظر 10 دقايق لان التاكسي موجوده بكثره والطابور يمشي سريع
يعني الافضل خلك مع المترو والمشي

وان شاء الله اذا قررت وحددت المده وتاريخ سفر

راح نرتب لك جدول وبأي محطه تنزل ومن اي محطه تطلع
يعني الامور كلها بأذن الله



الاجابه فوق باللون الاحمر

وبالتوفيق

romh 03-02-2015 06:00 PM

رد: استفسار عن مترو باريس ، واسعار التاكسي
 
..

مكان الموضوع الاستفسارات .
وما قصر معك اخوي في الاجابات
بس فيه برامج للاجهزه الذكيه تسهل لك سالفة التبديلات
PARIS METRO < برنامج لاجهزه الآبل لميترو باريس
تحط اسم المحطه اللي انت فيها واسم المحطه اللي تبي توصل لهاا
وهو يعطيك الطريق والمحطات اللي تبدل فيها اذا كان فيه تبديل

be nice 03-02-2015 06:11 PM

رد: استفسار عن مترو باريس ، واسعار التاكسي
 
اقتباس:

المشاركة الأصلية كتبت بواسطة qa6ar911 (المشاركة 35449)
[COLOR="red"][B]

الاجابه فوق باللون الاحمر

وبالتوفيق



اسال الله ان يوفقك ويرزقك رزق فوق ماتمنيت

والله ماقصرت جداً جداً افدتني الله يعطيك العافية


بس سؤال اذا اخذت البطاقة مال المترو من النت شلون اخذها من وين اقصها يعني عشان ادخل واطلع من المترو فيها ^_^

be nice 03-02-2015 07:54 PM

رد: استفسار عن مترو باريس ، واسعار التاكسي
 
اقتباس:

المشاركة الأصلية كتبت بواسطة romh (المشاركة 35527)
..

مكان الموضوع الاستفسارات .
وما قصر معك اخوي في الاجابات
بس فيه برامج للاجهزه الذكيه تسهل لك سالفة التبديلات
PARIS METRO < برنامج لاجهزه الآبل لميترو باريس
تحط اسم المحطه اللي انت فيها واسم المحطه اللي تبي توصل لهاا
وهو يعطيك الطريق والمحطات اللي تبدل فيها اذا كان فيه تبديل


thnx
حصلت برامج كثير
بس وش افضل برنامج للايفون برأيك ؟

fanda 04-02-2015 08:30 AM

رد: استفسار عن مترو باريس ، واسعار التاكسي
 
ما قصروا المشرفين في الردود

بخصوص بطاقة المترو المناسبة لاسبوع اذا كان وصولك الاثنين والمغادرة الاحد ممكن تاخذ بطاقة نافيجو الاسبوعيه
او باريس فيزت مثل ما وضح مشرفنا اذا وصولك وسط الاسبوع

اذا ناوي تشتري التذاكر من الموقع الي ذكره مشرفنا فممكن تستلم التذاكر اول ما توصل باريس من موقعهم في الاوبرا او ممكن يوصلونها لكم للبيت عن طريق DHL او للفندق الي بتسكنون فيه طبعا مقابل رسوم اضافيه حوالي 12 يورو

بس شخصيا ما افضل هالطريقه ترى التجربة والاستكشاف جزء من متعة السفر وشراء التذاكر جدا سهل عن طريق الاجهزة الموجوده في المحطات

شوف هالموضوع راح يساعدك
http://www.arabtrvl.com/vb/t1435.html

فيصل 04-02-2015 11:12 AM

رد: استفسار عن مترو باريس ، واسعار التاكسي
 
ما قصروا

اشترها من المكائن أفضل
شف موضوع ام ريم حق التذاكر

سعود بن محمد 05-02-2015 12:04 PM

رد: استفسار عن مترو باريس ، واسعار التاكسي
 
كيف اعرف ان المحطة اللي بروح لها فيها تبديل ، واذا نزلت من المترو عشان ابدل وين اروح يعني بنفس المكان ولا اطلع
أنصحك باستخدام هذا التطبيق للهواتف الذكية، وسيعطيك التفاصيل بوضوح.





الرير وين مكانه بنفس محطة المترو برضه ؟

في بعض المحطات فقط، وستعرف إذا رأيت علامته على اللوحات.




وش افضل تذكرة تناسبني لمدة اسبوع
إذا كانت تنقلات لا تزيد عن رحلتين باليوم، فالأوفر أن تشتري تذاكر كل رحلة لوحدها.


ابي تذكرة شاملة يعني ، مثلا ابي اروح قصر فرساي ، وابي ارد

لم تدفع قيمة تذكرة شاملة وانت لن تستخدم المتاح فيها؟ الأوفر أن تشتري حسب حاجتك فقط.


السؤال الأخير عن التاكسي ، من المطار للشانز او حول الشانز كم اسعارهم ، وهل يتم الاتفاق على سعر او على حسب العداد

حسب الاتفاق أو العداد، ومتوسط التكلفة هو 50 يورو لشارع الشانزليزيه.

كراميلا 11-02-2015 08:36 PM

رد: استفسار عن مترو باريس ، واسعار التاكسي
 
شوف اخوي مافيه أسهل من مترو باريس*
شوف تجربتي
*
/// الخطوة الاولى \\\
(١)
حدد أسامي الاماكن اللي تبيها وكل مكان حدد محطته واعرف لون ورقم المحطة زي كذا*الحي اللاتيني
(( اسم المحطه ... Saint michel )) على مترو 4 وخزنها عندك بجهاز بيروح معاك باريس*

(٢)
اعرف اسم ولون ورقم محطه فندقك*

(٣)
اطلب خريطه المترو من الفندق*

(٤)
وانت بالفندق حدد المكان اللي تبيه وشوف اسم المحطة التابعة له واشر بالقلم على الخريطة*
من محطة فندقك الي محطه المكان المطلوب وشوف المحطات اللي تمر عليها*

/// الخطوة الثانية \\\
قص التذاكر*

(١)
روح لشباك التذاكر يتحدثون اللغه الانجليزية علمهم باسم المحطة اللي تبي تروح لها او اشر بيدك على الخريطة على المحطة*
ع طول المؤظف بيقص لك *ثواني والتذكرة بجيبك

(٢)
اذا مافيه شباك روح للماكينه مره سهله*
حدد اللغه الانجليزية وعلى طول بتجيك الخيارات اختار
اذا ما تعرف انقلش اختار كل شي اول خيار
بعدين يطلع لك المبلغ حطه بالماكينه وتطلع لك التذكرة*

///الخطوة الثالثة *\\\\
(١)
دخلت داخل المحطة اتبع رقم المترو اللي فيه محطه المكان المطلوب (كل الخطوط بالمترو لها ارقام وملونه زي الخط الأصفر رقمه ٦ وهكذا واضحه الأرقام والألوان في الخريطة عندك )

(٢)
انت الحين تمشي بالمسار المطلوب بيجي لك اتجاهين*
واحد يمين والثاني يسار*
انت افتح الخريطة وشوف المسار اللي حددته بالقلم وانت بالفندق*
شوف المحطات اللي بين محطه فندق ومحطة المكان المطلوب على لوحه اما اللي باليمين او اليسار*
واتبعه*
خلاص امش مع العالم وانتظر المترو*

(٣)
طريق الرجعة للفندق*
اهم شي تعرف اسم ولون ورقم محطه الفندق*
اي محطه مترو ادخلها واتبع اللون والرقم اللي يتبع محطه فندقك*
وحاول وانت بالمترو تشوف المحطات المكتوبة داخل المترو علشان تنزل بمحطتتك
.
.
.
نصيحه*
لا تستعجل او ترتبك والعالم من حولك مسرعه*
خذ وقتك*

.
.
.
على ان المترو جميل وسهل الا اننا اغلب الوقت مانركبه لاننا نقضيها مشي والأماكن قريبه*
مره طلعنا من فندقنا اللي قريب من قوس النصر حتى وصلنا الكونكورد ومشي قطعنا**حديقة تريلي
وصلنا اللوفر ومشي حتى جسر العشاق وبعدها الحي اللاتيني*
ذهاب وعوده رجليه وكان من افضل الايام عندي*
.
.
هذه تجربتي بالمترو*

بالنسبة للتاكسي كلها بالعداد والأسعار معقوله ما تتعدى ٥٠ يورو
موفق اخوي وسفره سعيده للجميع

ابو عبدالله1 17-02-2015 09:32 PM

رد: استفسار عن مترو باريس ، واسعار التاكسي
 
اهم شي حملوا تطبيق المترو ، موجود كذا تطبيق حمل اللي يعجبك،، في باريس استخدمنا المترو وكان جداً سهل واهم شي تكونون عارفين المحطات اللي بتوصلون اليها واهم شي ايضاً حفظ محطة الفندق ..


الساعة الآن 03:29 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO