|
ليلتان في باريس مرحبا للجميع انا مسافرة فرنسا يومين فقط وهاذي اول زيارة لي فيها راح اوصل باريس 7 سبتمبر الساعة 1 الضهر / والعودة 9 سبتمبر الساعة 6 المغرب فضلآ لا أمراً ترتيب جدول لزيارة اهم معالم باريس ( برج ايفل ومتحف اللوفر وقصر فرساي ) وأقدر أخذ الباص السياحي او الجولة النهرية او مايسمح الوقت ؟؟؟ وهل احتاج احجز لهالمواقع تذاكر اون لاين من الآن ؟؟ لتوفير الوقت والانتظار او لا ؟؟؟ واكووووووون شاكرة للجميع |
ايفل فقط يحتاج فرساي ايفل من النت تحجزي ايش تحبي مهم تزورينه ممكن باص سياحي يوم اهم شيء احجزي ايفل البقيه يقدر يضبط مواعيده |
اقتباس:
شكرآ لمديرنا العام فيصل اهم شي ابي ازوره برج إيفل وقصرفرساي والباص السياحي اشلون اقدر اختار وقت وموعد محدد لدخولهم والسكن راح اسكن فندق لي ميريديان قريب من قوس النصر ممكن يامديرنا تنسق لي التوقيت علشان احجز تذاكر من النت وأكون شاكرة لك |
احجزي من النت ايفل يوم الوصول الرحله النهريه بنفس اليوم مع اللوفر أهم شي والباقي سهل بإذن الله فرساي تخليها يوم 8 مع مونمارت وش يبقى الباص ما راح تحتاجينه أهم شي احجزي ايفل وبعدين يهون كل شي |
اقتباس:
شكرآ اخوي فيصل وبارك الله فيك على هالمعلومات |
ما قصر المدير حجز ايفيل هو الي راح يحدد ترتيب الجدول لانه الحصول على حجز مو بالسهولة واغلب الأوقات ما تلقون لحجز حتى لشهر قدام |
مرحبا اختي من الواضح عندي مافي حجز اون لاين لبرج ايفل بتواريخج اقرب تاريخ به حجز هو تاريخ 21 سبتمبر يعني الله يعينكم راح يكون هناك طابورين طابور التذاكر وطابور الصعود الترتيب كالتالي يوم 7 وقت الوصول تشييك ان بالفندق والخروج مباشره الى الشانز والتمشي والتجول فيها الساعه 5 مساء الذهاب الى برج ايفل وشراء التذاكر والصعود وبعد ماتنزلون من البرج من جنب البرج اخذ جوله نهريه في نهر السين مدتها تقريبا 45 دقيقه وبعدها الى ساحه تراكاديرو اما البرج اليوم الثاني يوم 8 سبتمبر الذهاب الى برج ايفل وتروحين لمحطه الرير ( شامبس دي مارس )وتاخذين الرير الخط الاصفر C الى محطه قصر فرساي (Versailles - Château - Rive-Gauche) والعوده الى باريس مره اخرى فحسب الوقت الي يمديكم ترجعون فيه اذا كان بدري مباشره الذهاب الى هضبه مونمارت اذا الوقت متأخر اي قبل المغرب بقليل الذهاب الى ساحه الكونكورد وحديقه تويليري يوم 9 سبتمبر الذهاب الى الاوبرا ومجمع جاليري لافاييت والتجول بالمنطقه واذا باليم الي قبل مارحتو الى هضبه مونمارت ممكن تطلعون من الاورا الى الهضبه بالتوفيق |
اقتباس:
بخصوص فندق لي ميرديان انا سكنته من فتره طويله بعطيج رايي عنه شكله من الموقع ان اثاث الغرف تغير والله اعلم لكن ملاحظتي بخصوص الحمام مكرم السامع ترا هم حمامين مفصولين مكان لل wc لحاله ومكان للمغسله لحاله ومش قريب كثير من قوس النصر فيها شارع نوعا ما طويل اشوي يعني تقريبا مشي ربع ساعه للوصول الى قوس النصر او الذهاب له بالمترو من محطه Porte Maillot بالخط الاصفر m1 والنزول اما محطه قوس النصر شارل ديغول اتوال او بنص الشانز georgeV |
| الساعة الآن 03:48 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO