|
استفسار هام بخصوص جدول الرحلة واستأجار السيارة السلام عليكم لو سمحتوا فيه استفسار وتحملوني شوي لاني ماحب اروح مكان الا وعندي معلومات كامله عنه باشرح سفرتي كلها واذا فيها تعديل علموني ونتقبل النصايح رحلتي يوم 14/5/2017 والعودة 25/5/2017 وتقريبا ترتيبي للموضوع كامل هو كالتالي خمس ايام فباريس وبطلع يوم 19من باريس وابي استاجر سياره واروح جنيف باجلس يومين منها اشوف جنيف واشوف انسي وبعدها بطلع انترلاكن ثلاث ايام وبعدها بارجع باريس لأن الرجعة عن طريق مطار فرنسا والفنادق تقريبا عيني على فندق اتلانتيك بالحي الثامن فباريس وجنيف باسكن فندق بيزنس بارك تواريه وانتر لاكن مابعد دورت فندق الى الآن وش رايكم بالترتيب وفيه شي مهم السيارة هل اخذها من محل تاجير القريب من الفندق واسترجعها بمطار شارل ديغول ولا فيه اشكالية لازم ارجعها من نفس المكتب اللي اخذتها منه واذا احد يعرف مبلغ الوديعة (التأمين) اللي اعطيه مكتب التأجير ياليت يفيدني |
وعليكم السلام الفندق خذ اللي يناسبك سعره تبي رخيص وأنظف شوف لاديفانس بس الناس ما تحبه لأنه منطقه هادئه بعد 10 الأمر الأخر لا تتبع نفسك بالتنقل وأيامك عشر قلل باريس خليها في البدايه أربع أيام وأنترلاكن زدها يوم وشوف رأي الخبراء السياره الأفضل دائما الأيجار تأخذه تأمين شامل من مكتب التأجير نفسه يعني اذا تبي تأخذها من وسيط زي رنتل كار خذها بدون تأمين وخل التأمين من المكتب زي يورب كار فيه بوابه التأجير فيها شرح كامل عن كل شيء حسب علمي |
مشكور على تعقيبك بس دورت بالمنتدى ماحصلت بوابة خاصة للإيجار ياليت تعطيني الرابط |
|
وعليكم السلام ياهلا ومرحبا اخوي ممكن اعرف كم عددكم !! ماراح اتناقش بالفنادق حاليا الاهم عندي ترتيب خط السير و وسيله الموااصلات وموضوع الفنادق بسيطه ان شاء الله نصيحتي لك لاتطلع بسياره من باريس لسببين الاول المسافه راح تكون عليك طويله وثاني شي مبلغ الايجار عالي بفرنسا غالبا نصيحتي لك تطلع من باريس بالقطار المباشر الى بازل مسافته 3:12 ومن محطه القطار تستلم السياره ومباشره الى انتر لاكن ساعه ونص وبعدها الى انسي ومن ثم جنيف ومن محطه قطارات جنيف تسلم السياره وبالقطار المباشر الى باريس مسافته 3:12 انا اشوف هذا انسب لك وانا مع مديرنا بوخالد قلل من باريس وضيف يوم في انتر لاكن |
خبيرنا وحبيبنا أبوسعد فيه قطار مباشر الي انترلاكن من باربس وكذلك من زيوريخ إيش رأيك يروح لهم ومن ثم يستأجر من هناك |
مساكم الله بالخير العدد انا وزوجتي وولد ست سنوات بعدين بصراحة انا حاب فكرة السيارة اكثر من القطار لأني بصراحة جربته في جورجيا ولندن صحيح مريح وسريع لكن مامثل السيارة توقف بكل مكان وتختار فنادق حلوة ورخيصة بعيده عن ازعاج المدن الكبيرة واقرب مثال فيه مدينة اسمها توارية عن جنيف ربع ساعة حلوة وهادية وفنادقها رخيصة مره بس بشرط يكون معك سيارة على العموم ياحبايبي باقي شهر ونص فيه مجال للأخذ والعطاء بالأراء ونتقبلها بكل صدر رحب لاني مابعد حجزت ولا شي ماعدا التذاكر والفيزة هاليومين باروح اخلصها والحجوزات حقت السفارة فاااااااااضيه مره مافيه زحمه عشان كذا مبرد الموضوع |
اقتباس:
اخوي فيصل الحين دخلت على حجز السيارات في انتر لاكن وغاليه مره اكثر من الدبل عن الحجز في فرنسا |
اقتباس:
هلا حبيبنا بو خالد اي ثحيح في رحله مباشره واحده يوميا مدتها 5 ساعات ونص ووقتها تعبان كثير 6 ونص المسا توصل انترلاكت مابين 110 ونص الى 12 بالليل البعض تواجهه مشكله الدخول للفندق في هذا الوقت لان مايكون عندهم استقبال وبعد ما اؤيد يدخل اي قريه بالليل لانه راح ياخذ عنها انطباع الكئابه وحمل الاغراض للغرف هذا الوقت صعب اشوي لكن لو عن طريق بازل يقدر يختار الوقت بالنهار الصباح او الظهر اوقات كثيره والسبب يا بوخالد من بازل وليس من زيوريخ من باريس الى بازل بالقطار 3:15 وبالسياره الى انترلاكن 1:45 من باريس الى زيوريخ بالقطار 4:15 وبالسياره 1:30 يعني اقرب اشوي من بازل وبعد القطار 3 ساعات افضل من 4 ساعات للتغير بالسياره |
اقتباس:
المشكله اخوي عندك من بعد باريس 6 ايام وماتقدر تضيف اماكن للسكن كثيره وخاصه ان انترلاكن تبعد عن باريس بالسياره 6 ساعات ونص وانت محتاج بعد عودتك باريس ترتاح يومين قبل السفر يعني من باريس الى انتر لاكن 4 ايام وبعدها باقي لك يومين يعني لو تروح من باريس الى انترلاكن مباشره والعوده الى باريس مباشره بالسياره او تنقص من باريس يوم وترتاح بمنطق بالوسط |
| الساعة الآن 12:34 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO