|
محتاج مساعده لشهر عسل في فرنسا 🇫🇷 فزعتكم ياخبراء فرنسا 🇫🇷 السلام عليكم ورحمه الله وبركاته كما موضح بالعنوان محتاج مساعده منكم يارواد هذا المنتدى المميز .. ان شاءالله ناوي اسافر لفرنسا شهر عسل في شهر نهايه شهر 7 .. انا ادري ان للحين بدري بس انا احب أخطط لسفرتي من بدري لجل ماخسر الوقت ويكون كل شي مرتب .. محتاج خبرتكم .. انا حطيت بالي ( الريفيرا الفرنسيه + باريس ) .. المده راح تكون ( 15 يوم ) .. المدن الي اخترتها هي ( نيس + كان + موناكو + باريس ) .. هذي المدن الي اخترتهم .. لكم ماعرف كيف اقسم الايام في تقسيم في بالي مدري هل هو صحيح ام خطأ التقسيم كالآتي : 4 ايام ( نيس ) 3 ايام ( كان ) 3 ايام ( موناكو ) 4 ايام ( باريس ) بالنسبه للفنادق الي اخترتهم : 1- فندق نيس هو ( Palais de la Mediterranee باليه دو لا ميديتيراني ) 2- فندق كان هو ( Carlton inter continental أنتركونتيننتال كارلتون كان او JW MARROTT Cannes جي دبليو كان ) 3- فندق موناكو هو ( Hermitage Monte-Carlo أرميتاج مونتي ) 4- باريس ( ماعرف وش الفندق المميز ) اما بالنسبه للميزانيه من 80 الف ريال قطري الى 100 الف ريال قطري .. هذي الميرانيه حطيتها للفنادق الفائق ستار + ان ممكن تتسوق .. وللمعلوميه راح اسافر من المغرب على الطيران المغربي لان المده بين المغرب ونيس ( ساعتين ونص ) وبين المغرب وباريس ( 3 ساعات ) .. لكن ماعرف من وين ابدا ومن وين انتهي .. هذي الفكره الي في بالي ولكن انا محتار ان يمكن في مدن احلى بكثير من الريفيرا لشهر العسل وانا بالنسبه لي ولزوجتي اول مره بنزور فرنسا وودي اروح المناطق الجميله هدفي الاول الاسترخاء والبحر وأحس ان الريفيرا فيها الاسترخاء ولكن قلت لازم اضيف باريس لجمالها .. وبالنسبه لطريقه التنقل هل استأجر سياره ؟؟ بسبب ابي الخصوصيه تهمني اكثر .. اما بالنسبه للفيزا هل من الممكن اقدم عليها قبل وقت السفر ب 3 أشهر يعني مثلا شهر 5 اقدم عليها وانا بسافر نهايه 7 هل ممكن اقدم ؟ وانا اسف على الاطاله وكثره الاسئله .. لكن هالاسئله الموجوده عندي حاليا اتمنى منكم ألمساعده |
الف مبروك نيس كان موناكو كلهم نفس الطبيعة ومابينهم فرق كبير خليها باريس و جنيف و انترلاكن مثلا يعني 4 باريس 3 جنيف 7 انترلاكن |
اقتباس:
دايم افضل اقضي بنفس البلاد مااحب التنويع كثير احب اعطي البلاد حقها هذي المشكله جالس اغلب المناطق مثل بعض وماعندي خبره بباقي المناطق |
اقتباس:
كلها على البحر و مافي فرق يعني راح تقضي 10 ايام في البحر خصوصا ان في الصيف يعني درجة الحرارة قريب الثلاثينات روح سويسرا ابرد و فعاليات كثيرة بحيرات و جبال و قمم ثلجية و مطلات بانورامية و شلالات و مساطح خضر و مصانع كاكاو و جبن و زحاليق صيفية وايد راح تستمتع |
انا هذا أساس موضوعي حد يفيدني بفرنسا واذا في بلدان ومناطق احلى مثل ماتفضلتي اختي اتمنى تفيدني بالمناطق وطريقه التنقل وتوزيع الايام ومن هالقبيل .. ( يعني بما معناه فرنسا مجرد اقتراح اذا في دول احلى طبعا برحب بها بس بغيت جدول كامل بالبلاد والمناطق والأماكن السياحيه وطريقه التنقل ) عرفتي اختي |
وعليكم السلام ورحمة الله وبركاته الله يتمم لكم علي خير أخي صالح الريفيرا حر تقريبا في وقتكم بس مو مثل حراره جونا لكن أنت قريب من البراد سويسرا ليش ما تروح لها مثل ما تفضلت مشرفتنا منيره اذا تعشق الشواطئ خليك علي الريفيرا اما اذا غيره افضل وصولك باريس ثم طيران الي جنيف وتستأجر سياره وتتمشي في انسي شومانيه ايفيان ثم الرائعه انترلاكن زين فكرت من ب المغرب الي باريس ثم الي المالديف ثم الدوحه من باريس الي بروج في بلجيكا مثلا ذكرت المالديف بما أنك تحب البحر فقط |
اقتباس:
اذا 15 يوم خلها كالتالي 4 باريس و خصص يومين لديزني و بالقطار الى جنيف تقريبا 3-3.5 ساعات 4 جنيف و منها اطلع انسي و شامونيه و لوزان و ايفيان 7 انترلاكن و ارجع من زيورخ او برن طبعا باريس ماتحتاج سيارة و اول ماتوصل جنيف اجر سيارة |
اقتباس:
والله ياخوي انا اعشق الشواطىء لكن حكم المسافه والبعد وشوي ظروف صعبه علس السفر المالديف او سيشل او موريشيوس وحتى فكرت في بورا بورا لكن لو اروح لها من فرنسا بعيده حيّل .. من كذا اخترت الريفيرا وانا مش مقتنع فيها حيل .. ف من كذا رحبت باي أفكار ثانيه وبالنسبه لسويسرا اختبار مش بطال بديت افكر فيها اما بالنسبه لشواطىء اظاهر راح اخليها سفره ثانيه لشواظىء بوقت ثاني ... طيب اخوي من باريس لجنيف بطياره كم المده ؟ وبين جنيف وانسي وشومانيه كم المده وبالنسبه للايفيان في إيفيان فرنسيه وفِي سويسريه تقصد اي وحده منهم ؟ |
اقتباس:
صراحه خلتيني اغير رايي ههه بديت افكر باقتراحك .. طيب اختي باريس 4 ايام تكفيها ؟ وان شاءالله ديزني لابد منها .. بس اختي مافي طريقه ثانيه غير القطار لو رحت بالسياره بتأخذ وقت اطول ؟ 4 ايام جنيف مع انسي وشامونيه ولوزان وايفيان تكفيهم اربع ايام ؟ كم تبعد المسافه بينهم ؟ 7 ايام انترلاكن .. اختي انترلاكن ايش النشاطات الي فيها والمعالم وهالامور .. وممكن اختي الوجهه الاخيره اخليها من باريس يعني مثال اسافر لباريس وارجع من باريس عرفتي اختي ؟؟ معليه اسف اختي تحمليني بالاساله الله يجزاك خير |
اقتباس:
:62: |
| الساعة الآن 09:34 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO