|
احتاج مشورتكم و ارائكم السلام عليكم ورحمة الله وبركاته حقيقة سعدت كثيرا بعودة منتدانا الغالي ورغم طول بحثي عن المنتدى الحقيقي لكثر التقليد هالايام بس الحمد لله تميزه واعضائه الأصليين و نشاطه جعله علم على راسه نار بعد المقدمة ومالكم بالطويلة يا جماعة الخير انا عندي مناسبة خاصة و حابة احتفالا فيها افاجئ زوجي وعيالي بسفرة أوروبية حلوة المشكلة وقتنا ضيق بحكم ارتباطنا بالاعمال والاجازات محدودة عندي إجازة من 14 جولاي الى 24 جولاي يعني عشر أيام وابي خلالها ننطلق الى فرنسا باريس ومنها الى جنيف وانترلاكن انا بقول لكم المخطط اللي ببالي بس طبعا ما كتبته الا اني اود مشورتكم واقتراحاتكم و متاكدة انكم ماراح تقصرون ابد المخطط باذن الله دمام باريس جنيف دمام باريس ابي اخصص لها 4 أيام يوم منها بيكون لدزني لاند جنيف يوم انترلاكن 5 أيام واخر يوم العودة لجنيف والمطار وش رايكم بالمخطط ؟؟ مبدئيا طبعا بس بسال عن المخطط بعدها انشالله ندخل في البرامج اليومية والسكن و انا بصراحة في سفراتي قبل كنت معتمدة عليكم ولله الحمد كلها كانت ناجحة بفضل الله ثم تعاونكم معي وكنت ادخل باسم غير خخخ ملاحظة : التنقل عن طريق قطار و السيارة خيار غير وارد ابدا للأسف .. |
رد: احتاج مشورتكم و ارائكم وعليكم السلام واهلا وسهلا بيك اول شي تاريخ احتمال كبير يصادفك كم يوم من أواخر شهر رمضان فهل هالشي عادي عندك ؟! فرنسا ما راح تحتاجون للسياره بس سويسرا القياده فيها متعه ... فكروا فيها مره ثانيه وتراها سهله ومريحه اذا بتعتمدون عالقطارات فالمسافه من باريس الى جنيف حوالي ٤ ساعات ومن جنيف الى انترلاكن حوالي ساعتين ونص بالنسبة لمسار الرحله فمناسب مع اني اشوف يوم يوم جنيف بكون ضايع ومتعب شوي مع فك وشيل بالأغراض بس دام انتوا عائله بكون اريح من انطلاق مباشر لانترلاكن في مشوار ٦ ساعات من باريس |
رد: احتاج مشورتكم و ارائكم نفس ماقالت لج مشرفتنا جزاها الله خير يمكن تصادف كل ايامج في باريس بشهر رمضان وهي 5 ايام ومافي داعي جنيف يوم وبعدها ترجعين مره ثانيه وشيل اغراض في كذا رحله بالقطار من باريس الى انتر لاكن كلهم تبديل قطار ماعدا رحله واحده فقط يوميا دايركت من باريس الى انتر لاكن رحله الساعه 6 و 21 دقيقه المسا دايركت مسافه الرحله 5 ساعات و 22 دقيقه انا اشوف الافضل من باريس تاخذون هالرحله وايركت الى انتر لاكن وبعدها اخر يومين في جنيف وبالتوفيق ان شاء الله |
رد: احتاج مشورتكم و ارائكم اذا يصادف رمضان خلها بالريف الفرنسي افضل يعني تكون البدايات من ايفيان وأنسي وما جاورها أو انترلاكن لأن العواصهم أحس تكون مفطر ومع الناس أفضل وما أشوف أنه ممكن الواحد يفطر برمضان علشان سفريه ترفيهيه |
رد: احتاج مشورتكم و ارائكم جزاكم الله خير اختي ام ريم والقطري وفيصل مثل ما عهدناكم ماشالله 1 - كلامكم عدل بيوافق اخر يومين من رمضان والحقيقة انا لي اكثر من سنة متشفقة على هالمخطط وكل مرة يصير شي والله ما يكتب وخيرة ولمشكلة اجازاتنا العمل ما يعطونا قبل رمضان للأسف والدوام 25 جولاي يعني ما فيه وقت الا هالفترة وانا مترددة صراحة :yolks00270: 2- السيارة للأسف والله ما فيه امل . 3- عجبتني رحلة الدايركت من باريس لانترلاكن ولو انها طويلة بس اشوى من الشيل والحط في العودة لجنيف وشكلي بعتمدها . 4- الريف الفرنسي ما ودي فيه لاني بروح انترلاكن فبيكون نفس الثيم يعني :yolks00260: المشكلة الحين واجهتني مشكلة أسعار التذاكر كانت شحليلها الحين صارت ناااار في شهر جولاي وش الدبرة يالربع :yolks00640: العام ماكان الوضع كذا ابدا ... وش رايكم اغير الدولة والتذاكر بتكون ارخص والا زيد اخو عبيد :( مدري والله حيرتني الأسعار أقول اغير الى تركيا واريح راسي واخلي لهفتي على سويسرا السنة الجاية يمكن تزين الأحوال والا ممكن الاقي عروض او شي ؟؟ |
رد: احتاج مشورتكم و ارائكم التذاكر كلها راح تكون غاليه في نفس الفترة لانه موسم اجازه والكل يسافر بس طبعا دوله عن دوله تفرق يمكن تركيا تناسب اكثر لتاريخكم لانها دولة اسلاميه فطقوس شهر رمضان مقاربه |
رد: احتاج مشورتكم و ارائكم اتوقع زيد اخو عبيد لكن اسعار تركيا ارحم والاجواء برمضان يمدحه من جربه ممكن من انترلاكن الي باريس يكون افضل لك وبلاش من الريف |
رد: احتاج مشورتكم و ارائكم العفووووو اختي انتي رايحه وقت غلى يعني مع اجازه العيد ليش ماتأخرين السفره اشوي يعني في نص شهر 8 ( أغسطس ) يكون مر على العيد 40 يوم تكون الاسعار ريحت اشوي مب لازم مع ايام العيد والا اشرايج وتعوضين اسعار تذاكر القطار بأسعار الفنادق يعني نشوف لج فنادق نوعا ما زينه واسعارها ممتاز سعر الفندق اهم من القطار لان القطار دفعيه وحده سعر الفنادق متكرره على عدد الليالي |
| الساعة الآن 02:36 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO