|
خمسة ايام في باريس السلام عليكم حبيت استفسر باذن الله راح نكون في باريس تاريخ ثمانيه يوليو جاين باذن الله من ميونخ عن طريق الطيران واحنا حاجزين في فمدق فيينا هاوس دريم كاسل الى تاريخ احدعش يوليو عندي كم استفسار كيف الفندق وهل هو مناسب للاطفال وفيه عروض وشخصيات مثل فنادق ديزني وعلى حد علمي وتصفحي في المنتدى الاكثر من رائع فهمت انه فيه باص يودي لديزني تبع الفندق يعني ماقدر اروح مشي لديزني ؟؟ هل يوجد حول الفندق او في الفندق نشاطات بعد غروب الشمس هل استطيع اني اروح للاوت لت ديزني من الفندق مشي والا كيف الطريقه قطار والا تاكسي واذا تاكسي كم السعر وبالنسبه لباص الفندق اخر ساعه عشان يرجع للفندق اثنعش يعني هل يمدي اشوف العرض الليلي لديزني والا كذا يفوتني الباص والسوال الي المفروض يكون بالاول كيف اوصل للفندق من المطار اذا قطار او باص او تاكسي بالاسعار لاهنتوا علما احنا راح نوصل نص العصر هل ممكن نلاقي تذاكر قطار او باص للفندق او مالنا الا تاكسي ؟ ومن احدعش يوليو الى ثلاث طعش يوليو راح نكون في باريس ايش رايكم في فندق سبييليديدد اتول الا عند قوس النصر كيف الموقع وهل هو مناسب للعوائل وكم يبعد عن الشانز مشي وسمعت ان عنده او قباله محطة الباص السياحي الاحمر لاننا ناوين عليه لضيق الوقت في باريس فراح يختصر علينا الشي الكثير واسفه على الاطاله . |
وعليكم السلام ياهلا ومرحبا فيك الفندق ممتاز بالنسبه للعروض ما سكنت فيه لكن الكثير يمدحه بالنسبه للمسافه من الفندق الى دزني لاند صعب جدا يعني مسافه المشي اكثر من نص ساعه والمشككله ايضا جزء من الطريق شارع فاضي يعني مابين مزارع وزراعه مش مباني يعني مكان مايصلح للمشي نعم الفندق يوفر لكم باصات مجانيه الى دزني لاند بالنسبه حق الاوت لت ممكن بالباص او التاكسي او من دزني لاند بالمترو ( الرير ) من دزني لاند محطه واحده فقط اسم المحطه Val d'Europe بعد العرض الليل في دزني لاند ممكن تروحون بالتاكسي التكاسي موجوده ومتوفر بكثر جنب بوابه الملاهي العرض الليلي ينتهي تقريبا الساعه 10 بالليل من المطار لاتفكرين بغير التاكسي لان الوسائل الثانيه متعبه لكم وخاصه معكم شنط المبلغ للتكاسي تقريبا مابين 70 الى 90 يورو بالنسبه لفندق سبيلندد اتوال كموقع ممتاز جدا وقريب من الشانز مشي تقريبا خمس دقايق وطبعا ماجربت السكن فيها وان شاء الله المجربين يفيدونك فيه نعم هالفندق والفنادق الي حوله معظمهم مناسبين للعوائل الباص السياحي في بدايه الشانز جنب قوس النصر وتحديدا اكثر يتوقف من جنب السفاره القطريه وطبعا نفس ماذكرتي الخط الاحمر افضل من الازرق بكثير |
كل الشكر والتقدير للاخ وجهات اوربيه الله يجعله في ميزان حسناتك .. |
ما قصرت ابوسعد فيه من المطار الي ديزني اذا تحبون تسعدون الاطفال باص ديزني لكن ما ادري يوقف عند فندقكم ام لا فندقكم في باريس عن الشانز خطوات اعتبره سكنت خلفه جميل لابد تعرفي أن فنادق باريس اللي قريبه من الشانز اغلب الغرف ضيقه الباص زي ما ذكر ابوسعد |
كل الشكر اخ فيصل طيب كم سعر التاكسي من محطة القطار الى فندقنا دريم كاسل وكم سعر باص ديزني علما احنا خمسه يعني لابد من سياره كبيره . |
حسب عددكم والشنط التاكسي ناسي بس بحدود 65 يورو الباص الكبير 19 يورو الصغير 15 يورو طبعا التاكسي أرخص منه Transfer Options from Paris to Disneyland | Disneyland Paris |
| الساعة الآن 08:07 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO