خبراء باريس .. بغينا همتكم
 

سلام عليكم .. انا عضو جديد في هالمنتدى والصراحة استفدت واجد من المعلومات الا جفتها فيه , واطمع لمساعدة منكم ..

انا الشهر الجاي رايح لاوروبا(باريس,بروكسل,امستردام) وبكون من ضمنها باريس , وهذي اول طلعه ليي لاوروبا من جدي متخوف شوي .. بكون في باريس من 8 ابريل الى 12 ابريل ,طبعا خلصت حجز الفنادق , وبكون سكني قريب من برج ايفل ( فندق Mercure Paris) , وحاب تساعدونني في كم نقطة ..

اول نقطة:
بخصوص البرنامج السياحي , عقب ما قرأت في المواضيع الا في المنتدى استقريت ع بعض الاماكن عشان ازورها , الا هي : برج ايفل, ديزني, الاوتليت, شارع الشانزيليزيه وقوس النصر, متحف الشمع, الحي الاتيني, حديقة لوكسمبورغ , بالاضافة لجولة في الباص السياحي وجولة في نهر السين ... شنو البرنامج السياحي الا تنصحوني ابه بحكم مدة اقامتي ؟ وهل في اماكن قريبه من هالاماكن اقدر اضيفها للبرنامج ؟

ثاني نقطة:
شنو انسب نوع بطاقة ميترو اشتريها ؟ احنا بنكون شخصين انا وزوجتي..
*ملاحظة: حاط في بالي ان ديزني ليها يوم كامل + بروح الاوتليت يوم ثاني الصبح , غير جدي تنقلاتي كلها بالميترو.

ثالث نقطة :
بغيت بطاقة انترنت لرحلتي كامل (تشتغل عندي في باريس وبروكسل وامستردام ) .. في شركات معينة تنصحوني فيها ؟ وكم تكلفتها ؟ استخدامي ليها بكون بسيط , اغلبه لقوقل ماب وسناب فقط ..

اخر نقطة :
في مطاعم معينه قريبه مننا تنصحوننا فيها ؟

ولكم جزيل الشكر :e303:

شكرا ام ريم ..
وبخصوص الانترنت و نوع بطاقة الميترو ؟

وين باقي الاعضاء :22:

اذا بتزور ديزني لاند فهي على الاقل على الاقل يوم واحد وشوي عليها .. وبما نك بتزور الاوت لت فهو قريب منها فو خليت السكن اذا تقدر يومين قريب من ديزني لاند عشان ماينهد حيلك رايح جاي بالقطار لان بعد ديزني تقريبا مافيه سهر يمكن من التعب ... والبطاقة كل يوم بيومه حسب المنطقة اللي تبي وتشتريها من نفس المحطة ...النت مااقدر افتيك لاني استعمل التجوال ... بس شف اول شي شركة الاتصالات حقتك ايش عروض التجوال يمكن تطلع احسن وارخص

النت خذ SFR تعجبني عروضهم
او اورانج بس تاكد تشتغل خارج فرنسا او لا

رحلة سعيدة ان شاء الله