|
حجز تذاكر برج ايفل السلام عليكم اسعد الله اوقاتكم بكل خير عندي عدة استفسارات 1/ حجز تذاكر برج ايفل من الموقع هل تفرق عن الحجز هناك؟؟ يعني لو حجزت من الموقع بانتظر في الصف هناك او كيف؟ La billetterie officielle de la Tour Eiffel 2/اذا ممكن تعطوني بعض المطاعم الي ممكن اروح لها مع عناوينها وكيف اروح لها! 3/ابي تساعدوني باقتراحاتكم لجدول لـ 5 ايام في باريس وبعدها انا اعدل عليه بما يناسبني عشان اعرف من وين ابدي:(127): |
رد: حجز تذاكر برج ايفل (حجز تذاكر برج ايفل من الموقع هل تفرق عن الحجز هناك؟؟) توفر عليك الوقوف في طوابير شراء التذاكر. (اذا ممكن تعطوني بعض المطاعم الي ممكن اروح لها مع عناوينها وكيف اروح لها!) الأذواق مختلفة، وقد يكون من الأنسب الاختيار حسب المشاهدة. (ابي تساعدوني باقتراحاتكم لجدول لـ 5 ايام في باريس) باريس بلد متنوعة من حيث الأماكن. عليك أولاً قراءة بعض التقارير لتأخذ فكرة عنها، وتختار ما يناسبكم. وفي هذا الموضوع ستجد جدول: حجزت لباريس واحتاج شوركم |
رد: حجز تذاكر برج ايفل انا رحت لباريس في الخريف موب موسم يعني المفروض تكون فاضيه بالمقارنه بالصيف فحجزت من الموقع لاني شفت التذاكر تروح وانا انتظر فقلت احجز بدري وحجزت الميزة ان طابور الي يحجزن من النت اخف شوي لكن صادف اني جيت بدري وما كان زحمه لكن عقب ماصفيت بعشر دقايق زاد العدد الزبده في الموضوع انك بتمسك سرا بتمسك سرا لكن بدال ما تمسك سرا مرتين عن طريق النت وانت متكي ومريح مخك تحجز وتمسك سرا واحد انا حاجز بطلع عن طريق المصعد ويوم جيت انزل خرب المصعد ونزلت انا وحرمتي كعابي :yolks00110: ياهو هد حيلنا انا صراحه ما اعجبتني باريس وغلطتي قارنتها بلندن المطاعم في باريس عاديه ومقلب بالمقارنه بمطاعم ومقاهي لندن من باب انها وجهة الخليجيين لكن بعطيك كم مطعم le Fouquet's مقهى ومطعم حق الوليد مشهور laduree مقهى ومطعم له فرع في الرياض pizza pino كل هذولا الثلاثه على الشانز ratn مطعم هندي لكن مدري عنه هو بوذي او من اهل الكتاب noura مطعم عربي شورما وكباب وهالطقه لبنانيين angelia مقهى جيته الصباح افطرت فيه قريب من متحف اللوفر kong مطعم في سطح عماره السطح مغطى بقبه زجاجيه المنظر حلو خاصه لو كان غيوم ومطر قريب من جسر الاقفال ralph's مقهى ومطعم رايق خاصه لو الجو مطر الجلسات الخارجيه شجر ومظله في وسط العماره زي المنور مدري اشلون اوصفه لكنه رايق ومن احلا المقاهي الي اعجبتني في باريس وصادف انه كان يوم ممطر لكن زي ماقلت في البداية باريس ما اعجبتني ومعطينها اكبر من حجمها |
رد: حجز تذاكر برج ايفل اقتباس:
الله يعطيك العافيه ومشكور انا اخترت الاماكن الي ابي ازورها بس ابي ارتبها بحيث تكون مرتبه حسب قربها من بعض انا شفت الموضوع الي عطيتني الرابط حقه وباحاول ارتب منه وهذي الاماكن الي ابي ازورها لو احد يقترح لي جدول لها: برج ايفل..نهر السين..قوس النصر..ميدان الكونكورد..اللوفر...الحي اللاتيني..متحف الشمع..اللاديفانس..فرساي..قرية بيرسي..قرية اللافي فيلاج..منطقة الشاتليه...المونمارت..غابة بولونيا..حديقة لوكسمبورج..فرنسا الصغرى...متحف تان تان...ديزني لاند...ملعب باريس سان جرمان..الشانزليزيه عندي ٥ ايام في باريس |
رد: حجز تذاكر برج ايفل اقتباس:
|
رد: حجز تذاكر برج ايفل ياسر حدد ايامك متي تبدأ للعلم فرساي الاثنين تغلق اللوفر الثلاثاء يغلق لا ينصح بديزني بالويكند برج ايفل..نهر السين..قوس النصر..ميدان الكونكورد..اللوفر...الحي اللاتيني..متحف الشمع..اللاديفانس..فرساي..قرية بيرسي..قرية اللافي فيلاج..منطقة الشاتليه...المونمارت..غابة بولونيا..حديقة لوكسمبورج..فرنسا الصغرى...متحف تان تان...ديزني لاند...ملعب باريس سان جرمان..الشانزليزيه فرنسا الصغري ومتحف تان ما ادري وينهم ولا عمري رحت لهم الشانز بدايه قوس النصر ونهايه ميدان كونكورد ثم خلفه اللوفر وجسر العشاق والحي اللاتيني او تروح يسار للاوابر وجاليري لافيت ديزني والاوت لوت بنفس المسار ممكن بعد ايفل ونهر السين تروح لوكسمبورج غابه بولنيا بالمساء ما تصلج يعني الي العصر وارجع منها مثلها مثل مونمارت |
رد: حجز تذاكر برج ايفل اقتباس:
هذا الي كنت أبغاه:(101): بأكون موجود في باريس من يوم الأربعاء إلى الاثنين يعني أربعاء وخميس وجمعة وسبت وأحد |
رد: حجز تذاكر برج ايفل .. اليوم الاول الشانزليه وقوس النصر والكونكورد كلها بنفس المسار والمكان ممكن بعدها متحف اللوفر او مثل لما قال فيصل تمشي منها للاوبرا والغاليري لافيت او ممكن تروح لهم كلهم بالباص السياحي الاحمر .. وتنزل عند اللي تبيه راح يمر فيك بتسع محطات اهمها الشانز واللوفر والابرا وبرج ايفل دزني خليها خميس قبل زحمة الويكند الجمعه ممكن تروح للاوبرا والغاليري لافيت ومتحف الشمع كلهم بنفس المنطقه الاديفانس منطقة تجاريه لو تروح لها قبل تروح لفرساي تفطر فيها وتاخذ قطار مباشر لفرساي فرنسا الصغرى تبعد تقريبا 30 كيلو من وسط باريس ممكن تجمعها مع المونمارت .. تروح لفرنسا الصغرى من الصباح ترجع للفندق ترتاح وتطلع قبل تغرب الشمس بوقت الى المونمارت ان كان معك اطفال لاتطوول فيها لبعد غروب الشمس :(37): متحف تان تان بالجهه المقابله لبرج ايفيل بساحة تروكاديرو * ان كنت بتاخذ الباص السياحي الاحمر راح يوقف بهالساحه* قرية بيرسي ما انصحك فيها لان وقتك اصلا قليل وهي مو مستاهله الشاتليه ممكن تزورها باليوم اللي تزور فيه الحي الاتيني انا وضحت لك الاماكن وقربها وانت رتبها على حسب وقتك ولو تبي اوضح لك محطات المترو واساعدك فيها ابشر |
رد: حجز تذاكر برج ايفل اقتباس:
يصير اليوم الاول: الشانزليزيه وقوس النصر والكونكورد ومتحف اللوفر واذا فيه وقت تان تان اليوم الثاني: ديزني اليوم الثالث: الاوبرا والغاليري لافيت ومتحف الشمع اليوم الرابع: فرنسا الصغرى ومونمارت اليوم الخامس: الحي اللاتيني والشاتليه بس اذا تكرمتي تكملين جميلك وتوضحين لي محطات المترو:surrender: عنوان السكن حقنا: Place du Général Beuret, Paris, Île-de-France, France :(3)::(3): |
رد: حجز تذاكر برج ايفل ما قصرت اختنا فيه موضوع موضح فيه اسم كل محطه بالبوابه العامه الفرنسيه |
| الساعة الآن 03:57 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO