شبكة و منتديات العرب المسافرون - من فرنسا الى لندن مع الاطفال

- بوابة فرنسا (https://www.arabtrvl.com/vb/f147.html)

من فرنسا الى لندن مع الاطفال — نصيحه بالجدول

السلام عليكم

حاب اسافر ومتردد حيل بطريقه تقسيم الايام بسبب الاطفال

انا ناوي اسافر لندن و فرنسا

ابي اطير من الكويت الى فرنسا ومن فرنسا الى لندن ( نقطه رجوعي للكويت من لندن )

ففكرت ان يكون

يومين باريس ( مانحب المتحاف بروح كاسوق ومذاعم وقهاوي )

منها برج ايفيل - الشانزليزي - قوس النصر - قالاري لافييت - شارع الريفولي << هذيل اللي حاطهم بس مو عارف التقسيمه علما ان نوعي اطلع من الصبح لليل الفندق بس للنوم 🤣

وبعد اليومين اروح دزني لاند 4 ايام
وناوي احجز فنادق دزني للحين ما استقريت

يكون يومين لدزني لاند للاطفال
و يوم اوتلت القريب من دزني ( ابي اعرف طريقه التنقل ) واذا في اماكن قريبه من دزني امرها

و افضل اطلع من دزني لاند لي لندن او افضل من باريس لي لندن علما معاي اطفال وجناط وافكر بالقطار السريع عشان مايضيع يومي انتظار

واكون شاركلكم

وعليكم السلام
موضوع باريس بسيط

تقدر تحجز تذكرة في باريس بس انتبه في نوعين فيه تذكره داخل باريس فقط وفيه تذكرة شامله المطارات وكذلك ديزني لاند
https://www.ratp.fr/sites/default/fi..._touristes.jpg

يعني تقدر تاخذ التذكر من المطار مباشرة

طبعا الاسعار تختلف تقدر تاخذ فترة يوم او يومين لك حتى خمس ايام

بخصوص الانتقال الى لندن لابد في الاول ترجع على باريس
انا عن نفسي لو معي اطفال افضل الطيران اذا كان سعره معقول

سفرة ممتعه مقدما

باريس كيومين حلوو اللي انت حاطه
في مترو عندهم بس ما جربته وايد خبرتي بسيطه فيه
للتنقل بين الاماكن اللي بتروح لها المهم هناك من بيدليك كل ما تستفسر عنه وتقدر تسأل بالمحطة يعلمونك

عندك بعد هضبة المونمارت والحديقة اللي اخر الشانز حلوة فيها العاب للاطفال وبحيرة

التنقل لدزني القطار تاخذه من الشانز الى باريس
واذا عندك جناط ولوية يهال اخذ تاكسي للفندق اللي بتحجزه بدزني او المنطقة اللي حوالين دزني

التنقل من الفندق لدزني الالعاب والاستديو تلاقي باصات تمر كل عشر دقايق مجانيه توصل السياح الى دزني

عندك حديقتين لدزني قص التذاكر على هالاساس

وعندك الاوت لت تروح له بتكسي تطلب من الفندق سعرها زين توصلك وترجعك للفندق بنفس التذكرة اعتقد الشخص 5 يورو اذا ما تغير

الذهاب الى لندن يصير من محطة دزني اذكر اختي يت من لندن لدزني بالقطار

وهو القطار اللي يوصل للندن ماكو غيره اعتقد بس واحد
اسهل لك بشيل وحط الجناط
وسلامتك

يعطيكم الف عافيه عالردود بس بعد عندي استفسار

بخصوص التنقل بالقطار اذا معاي جناط في احد يساعدني فيهم ؟؟
لان بيكون تقريبا معاي 4 جناط كبار

محد يساعدك الا اذا طلبت من احد
تعرف الاجانب كل واحد ونفسه ما لهم شغل باحد
احنا نصعد واحد وواحد ثاني تحت يعطيه الجناط
بس والاهم تكون جناطك معاك بالمقطوره مالتكم مو ابعد علشان تنزلهم معاك
واكيد روح مبجر المحطه للقطار علشان يمديك تصعد الجناط وتلاقي مكان لجناطك قبل الزحمة