فرنسا مع اطفال وابي منتجع كوخ
 

السلام عليكم





ان شاءالله باذن الله بتكون رحلتي ( كويت-باريس-لندن-كويت )


نص شهر 12



مفكر تقريبا 5 ايام فرنسا تكون في دزني لاند وممكن اطلع اخر ليله باريس



وفكرتي احجز كوخ لو يطل على بحيره او شي حلو مثل منتجع عشان الامان



مبدئيا حاط في باللي اسكن كوخ
بس الردود شوي لك عليها على النظافه بس حييل بخاطري كوخ Villages Nature Paris

اذا تفيدوني بمنتجعات مثل طريقته علما باني عايله اطفال معاي





و ابي اعرف شلون اتنقل لان ماودي بسياره احس مالها داعي اذا دزني واخاف اتوهق ماحصل شي

افكر 4 ليالي فيه منها اروح الاوت لت بعد و اخر يوم قبل لندن اقضيه في باريس الشانز

ياليت تساعدوني



بطريقتي انا فكرت اروح من المطار دايركت الى دزني لاند و اخلي اخر يومين باريس بفندق)رشحولي ) و اطلع منها للمطار الى لندن



بس افكر بسالفه التنقل شلون بيكون لان مو عارف خصوصا مع الجناط لو بخفف ماراح تكون اقل من 6 شنط :( وعيالي صغار مايقدرون يساعدوني هل في احد بيساعدني فيهم وقت الانتقال من دزني الى فرنسا ؟؟ و هل راح انزل وسط باريس الشانز

استخدم الميترو RER A الخط الأحمر ٥ يورو التكت للشخص وينزلك عند بوابة دزني ، ان الاولاد اكبر من ١٠ سنوات ممتاز الميترو اما اقل افضل انك تاخذ تاكسي او اوبر لراحتك وراحة العيال. أما عن تجربة شخصيه ف استخدمت الميترو وكان واضح وسهل لانه ما في تغيير من محطه ل محطه وحتى لو كان في تغيير برضوا سهالات.

الاخوة الكرام ما قصروا بالردود جزاهم الله كل خير


الاخ بوعادل

الافضل طبعا تروح مباشرة من المطار بالتاكسي على فندق ديزني حتى ما يضيع كثير من الوقت بالرحلة .
و اخر يومين بباريس تتنقل بالتاكسي إلى منطقة الشانز .

و انصحك تحاول ما تاخذ كثير من الملابس معكم يعني يكون في مجال انكم تتسوقوا من باريس و لندن و يمكن كل واحد من الاولاد يحمل حقيبة ظهر صغيرة فيها بعض اللوازم الخاصة به حتي يسهل التنقل معهم.

اقترح تشوف هذه الفنادق في الشانز






https://www.booking.com/hotel/fr/cit...=1&#map_closed


https://www.booking.com/hotel/fr/cla...66&type=total&