|
نصيحتكم للسفر الى باريس من الرياض السلام عليكم اخواني الكرام انا نويت ان شاء الله اسافر باريس على عيد الاضحى القادم انا وزوجتي وعندي طفلين ( 8 سنوات + سنتين ) . من الرياض الى باريس ايش افضل طيران اسافر عليه لان الطيران كله غالي . وهل الحين فرنسا يحتاج شىء بخصوص كورونا ولا مثل الاول على المطار وخلاص ؟ ايش افضل منطقه اسكن فيها في باريس من ناحيه الامان والقرب من الاماكن السياحيه والتسوق . |
يالمستر ابحث بالسكاي سكنر وفي غيره ( هناك خيارات ماتطلع فيه ليه مدري ) الخطوط الى باريس كثيره جدا ولو بحثت بتلقى رخيص (فيها ترانزيت ) |
اقتباس:
و عليكم السلام و رحمة الله و بركاته الاخ فان جول بالنسبة لاسعار الطيران اكيد راح تكون مرتفعة في اجازة عيد الاضحي لانه بداية موسم الصيف انصحك تدخل على موقع سكاي سكانر www.skyscanner.net يمكنك حجز التذاكر عليه بيعطيك افضل خيارات انت تختار الفترة و التواريخ و اقترح عليك ترتب رحلتك الوصول باريس و المغادرة ميلانو او وصول باريس ميونخ معظمها مدن قريبة من باريس يمكن الذهاب لها بالقطار الاوروبي او السيارة . انصحك تقارن اسعار الطيران السعودي و الطيران التركي لانك ربما تجد في الاخير اسعار معقولة و إذا مواعيد العيد مرتفعة حاول انك تستبدل التواريخ و تشوف إذا الاسعار اقل بعد العيد حاول تغير مواعيد رحلتك حتي تحجز اسعار تذاكر معقولة . بالنسبة للسكن في باريس الفنادق غالية و خاصة القريبة من الشانزلزيه لذا اقترح عليك السكن في منطقتين اما منطقة الاوبرا او منطقة الديفونس هم افضل مناطق . ارشح هذه الفنادق : في منطقة الاوبرا : https://www.booking.com/hotel/fr/ada...al&type=total& https://www.booking.com/hotel/fr/bes...s=1&#hotelTmpl في منطقة الديفونس : https://www.booking.com/hotel/fr/sta...ain#map_closed |
وعليكم السلام بشكل عام ابعد عن الخطوط الخليجية ماعدا الكويتية وبخصوص كورونا مافيه اي اجراء الامر كما لم يكن فيه كورونا سابقا الا الخروج من السعودية يلزم ثلاث جرعات |
شاكر لكم جدا وعلى اراكم المفيده لي |
اقتباس:
بالتوفيق بإذن الله في رحلتكم |
اقتباس:
جزاكي الله خير . اختي الكريمه ايش نصيحتك لاني اول ما انزل من المطار باذن الله بروح فندق عند ديزني لاند . ايش افضل طريقه اروح هناك لاني معايا طفلين سنتين + ٨ سنوات . هل اخذ اوبر ولا ؟ |
اقتباس:
جزانا و اياكم اخ فان جول بالنسبة للتنقل من المطار الافضل استعمال اوبر لان معكم اطفال و حقائب اما إذا حبيت تزور اي مدينة غير باريس فيمكنك من المطار استئجار سيارة و التنقل بها و يمكنك زيارة مدينة انسي الفرنسية و التوجه بعدها لجنيف في سويسرا او ميلان في ايطاليا . يعني تقدر تقسم رحلتك باريس 3 ايام / ميلان 4 ايام وصول بالطيران الخارجي لباريس - مغادرة من مطار ميلان بإيطاليا وقتها يمكن تسليم السيارة بالمطار بميلان وقت المغادرة تحياتى |
اقتباس:
|
اقتباس:
|
منطقه لاديفانس جديده وامان ونظيفه وبعيد عن الازعاج ولا تستخدم سايق ولا تكسي اوبر حيييل سريع وارخص ونفعنا جدا هناك ونتمنى لكم رحله ممتعه |
شاكر لكم جميعا اخواني الكرام .. بخصوص ديزني لاند انا حجزت تذاكر يومين لزياره 2 بارك .. هل تستاهل احجز معاها المسار السريع ( لانه غالي ) ولا يوم واحد كافي اني اجرب الالعاب بدون مسار سريع او حتى ممكن اشتري وانا هناك مسار سريع للعبه او اثنين حسب التوقيت . |
اقتباس:
بالنسبة للمسار السريع .. بصراحة أنا ما سبق زرت ديزني في أوروبا جربتها في أمريكا أكثر من مره و لم يسبق أن أخذت المسار السريع و السبب أنه فيه كثيرين يأخذون المسار السريع و لكن دخولهم يعتمد على نوع اللعبة فبعض الألعاب تجد أن المنتظرين للمسار الريع أكثر أو يتحركون ببطئ شوي لأن المنظمين يوازنون توزيع المنتظرين من الزوار و كما ذكرت أنه معاكم أطفال يعني نسبة كبيرة من الألعاب ما راح تلاقي عليها زحام أو أنتظارها قليل و تأكد أن فيه بعض الألعاب ما يدخول الأطفال الصغار هنا أنقل لك تجربتي مع مدن ملاهي ديزني في أمريكا |
اقتباس:
|
اقتباس:
|
اقتباس:
|
اقتباس:
برايي لا داعي لشراء المسار السريع ما راح تحتاجون له يعني الوقوف بطابور اللعبات قد يترواح بين 15 دقيقة تقريبا او اكثر فكلما كانت اللعبات سريعة كلما كان عليها ضغط للركوب و معظمها تناسب الكبار فقط . اقترح عليكم الذهاب في الصباح الباكر اول ما تفتح الملاهي ويفضل ما تروحون يوم الاحد بيكون عطلة فالمدينة بتكون شديدة الزحام على الالعاب . تاخذ خريطة المدينة راح توضح لكم مناطق الالعاب للصغار و مناطق لاطفال متوسطي العمر و لان احد الاطفال 8 سنوات فغالبا منطقة العاب صغار السن راح يكون الزحام فيها معقول . لابد من الانتباه لحرارة الجو و المدينة كبيرة لابد للاطفال من لبس كاب حتي لا يتعرضون للشمس الحارة . اهم شيء تسالوا عنه في الفندق او عند الوصول لمدينة الملاهي هو وقت الشو تبع ديزني في الماضي كان في حدود الساعة الرابعة على ما اذكر فلابد تعرفوا مكانه و تنتظرون في مكان مناسب للرؤيا من قبل موعد العرض بنفس ساعة على الاقل لان معظم الاوربيون ينتظرون بمكان الشو قبلها بفترة فعند وصولكم متاخرين المكان راح يكون مزدحم يصعب عليكم الوقوف و مشاهدة العرض بشكل مناسب . معظم المطاعم في ديزني اكلها قد لا يكون حلال فحاول يكون معكم بعض الفاكهة و التمر و الاطعمة المناسبة حتي لا تضطرون لتناول الغذاء هناك . |
أهلاً و سهلاً أول شيء بالنسبة لديزني ، عيالك الله يخليهم دعنونين ، الألعاب اللي بيلعبونها فاضية ، لأن مو كل الأطفال يحبون يلعبون .. فالفاست باس ما يحتاج أبداً و خاصة إنكم بتقعدون يومين ، حنّا قلنا راح نشوف الوضع و إذا يحتاج أخذنا الفاست باس بعدين ، و مع ذلك كان زحمة و ما احتجنا نآخذهم أبداً .. أول شيء الطابور يمشي بسرعة بسرعة لأن العدد اللي يآخذونه كثير + فيه مسار للأشخاص اللي يكونون لحالهم ، إذا ودك تلعب أو زوجتك ربي يحفظها ممكن تصفّون فيه و يجي دوركم بسرعة ( هذا اللي سوّيناه في أغلب الألعاب :D ) ! و أهم شيء روحوا بدري مرة :e335: ثانياً بالنسبة للتنقل أفضل شيء آوبر هناك ، أرخص و أريح لرآسك و أأمن إن شاء الله ، خاصة إنكم 4 ، فبتآخذون سيارة صغيرة .. المترو تبعهم أكيد أرخص و لكن مع الأسف مليان سرقات ، و الريحة سيئة جداً .. خلّك مع آوبر نصيحة .. و فيه شيء أحب أسويه دائماً في أي مكان أسافر له .. آخذ الباص السياحي ، آخذ بكج كم يوم، يغطي لي أغلب المدينة اللي أنا فيها ، و يمدي تنزل كل مكان و تستكشفه زييييين و تشوف دواعيسه و تروح لأقرب مكان للباص ..و بيكون أوفر لك من آوبر في حال بتشوف أغلب الأماكن السياحية ، يعني أعامله معاملة التاكسي أنا :D .. و متوفر لغة عربية في الباص إذا بتسمع الشروحات ، و لحاله الباص السياحي وساعة صدر مع الأجواء الحلوة .. حتى الأطفال ينبسطون ، و احجز من موقعهم أفضل ( أحياناً بالموقع يكون معه تذاكر دخول بعض المتاحف ) .. و ثالثاً بالنسبة للسكن ، حلو السكن في منطقة حيّة ، من تجربة الأفضل بالنسبة لنا الحي الثامن ( Champs Elysées ) ، عنده الشانزليزيه و قوس النصر و الكونكورد ، و كنّا نوصل لأماكن كثيرة مشي عادي جداً ، و لكن بما إنها منطقة سياحية ، انتبه من النشّالين .. بس كانت المنطقة تجنن فعلاً ، و أرجع أسكن فيها بدون تفكير ، بس تحتاج تبحث عن الفنادق بدقّة عشان بعضها يكون مكتوب لك إنها في الحي الثامن ، بس تصير أبعد شيء ! و بالنسبة لاشتراطات السفر ضد كوفيد 19 ، ففرنسا ما تطلب تحصين ضد كورونا ، و المطلوب الجواز و الفيزا .. و لكن أنا سمعت قريباً معلومة ، إن المطار ما يطلّع المسافر الغير محصن على الرحلة ! بس ما أدري إذا حقيقي أو لا ! و أي استفسار أنا في الخدمة :) سفرة ماتعة :) |
اقتباس:
جزاكم الله خير كفيتي ووفيتي وكل النقاط سوف يتم الاخذ بها ان شاء الله |
اقتباس:
|
اقتباس:
جزانا و اياكم كل خير بالتوفيق بإذن الله بالرحلة تحياتى |
اقتباس:
عفواً عفواً عفواً .. بحفظ الله و رعايته :) |
اقتباس:
هل يلزم ثلاث جرعات الا الان |
اقتباس:
غير مطلوب أي جرعات الان . تحياتى |
| الساعة الآن 10:03 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO