شبكة و منتديات العرب المسافرون - المواصلات من مطار شارل ديغول لي فندق ماريوت ديزني

- بوابة فرنسا (https://www.arabtrvl.com/vb/f147.html)

المواصلات من مطار شارل ديغول لي فندق ماريوت ديزني

سلام عليكم جميعا
شنو الأفضل في المواصلات من مطار شارل ديغول لي فندق ماريوت ديزني احنا عائله ست أشخاص مع ٦ حقائب هل في سيارات الفان الكبيره بالمطار او في سائق خاص وتقريبا جم التكلفه

وعليكم السلام
تقدر تاخذفان عن طريق التطبيقات لكن بيكون مكلف
اذا كلكم كبار القطار بيكون ارخص لكم

اقتباس:

المشاركة الأصلية كتبت بواسطة Kuwait _84 (المشاركة 595554)

و عليكم السلام و رحمة الله و بركاته

اقترح عليك اخي الكريم تقارن سعر حجز الفان الكبيرة و سعر حجز 2 سيارة راح يكون سعر ال2 سيارة اقل من الفان على ما اعتقد لان اسعار الفان الكبيرة مبالغ فيه .

و يمكن ان تتواصل مع الفندق و تشوف إذا ممكن يعطوك سعر اقل بيكون افضل .

تحياتى

احنا نعتبر ٤ كبار واثنين عمر ١٠ سنوات و ٦ سنوات عادي بالقطار بس الجناط عندي وايد 😂😂😂 ف بشوف بتواصل مع الفندق اذا يوفرون سياره أو نفس ماذكرت ا شكراا للجميع

اقتباس:

المشاركة الأصلية كتبت بواسطة Kuwait _84 (المشاركة 595933)

على شان كذا قلت اذا كنتوا كبار على شان كل شخص ياخذ معه شنطه
لان ماراح يقدر الشخص يشيل اكثر من شنطه خاصة المحطه بالمطار بتكون مزحومه
وفيه سلالم لازم تنزل منها
وانت تحكم الان ماهو المناسب لك

احنا اخذنا تكسي من المطار قلنا له نبي سيارة كبيره ومعانا جناط ونبي دزني
قال الحين تيي سيارة وربع ساعه والا السيارة يايه وكنا واصلين بالليل ووصلنا الفندق بدزني

ياخذ سعر المطار ولا يزيد عليك شي

اقتباس:

المشاركة الأصلية كتبت بواسطة Kuwait _84 (المشاركة 595933)

الاخ kuwait _84

إذا انتم 4 كبار و 2 اطفال يمكنكم التنقل من مطار شارل دو جول بقطار ال rer لكن لابد من النزول بالحقائب و تغيير القطار مرة اخري و ركوب غيره و اظن هذا راح يكون متعب للجميع خاصة بعد سفر بالطائرة لبعض ساعات لذا التاكسي او الاوبر افضل .

نصيحتي لكم السفر بكمية اقل من الملابس و الاحذية حتي يكون امامكم فرصة جيدة للتسوق و حتي تتحركون بسهولة في الرحلة مع مراعاة ان الجو حار في باريس فقط الاطفال يحتاجون جاكيت خفيف .

إذا الحقائب كثيرة راح تتكلفون مبالغ اكثر في التاكسي لذا برايي يمكن وضع لوازم كل زوجين في حقيبة واحدة كبيرة و لوازم الاطفال في حقيبة واحدة كما يمكن اخذ حقيبة فارغة داخل اخري كبيرة لزوم التسوق . تحياتى

السلام عليكم جميعا
شكرااااا للجميع كلن باسمه ماقصرتوا تواصلت مع الفندق قالولي بحدود 120 يورو بس مفكره ناخذ قطار كل واحد يسحب جنطته 😁😁 خل يعتمدون على نفسهم بالسفر
بس عندي استفسار ابي احجز قطار من ديزني إلى امستردام دايركت
١ شنو المحطه الأقرب من الفندق
٢ لازم قبل موعد الرحله بجم ساعه نكون المحطه
٣ ابي موقع ثقه احجز منه وهل احجز من الحين أفضل علشان الأسعار ماتزيد ولا قبل السفر بجم يوم

واكو وون شاكره لكم جميعا كلن باسمه

وعليكم السلام ورحمة الله

- احجزي بالقطار من مطار شارل ديغول الى ديزني
- و من ديزني الى أمستردام بالقطار بس حيتغير في بروكسل وتركبو المتجه الى أمستردام .

- أما وقت الحضور لمحطة القطار إذا تعرفو الإتجاهات ورصيف الصعود خلكم متواجدين قبل الرحلة بنص ساعة أو 45 دقيقة

- شراء التذاكر من الموقع بالعادة أرخص من شباك التذاكر.

يسلمووو اخوي ابو كيان ماقصرت 🌸🌸