|
فزعتكم يااخبراء بعد رحله جميله لتركيا قررنا نروح فرنسا وخاطري اروح معاها لندن او فينيسيا او انترلاكن يعني ابغى اقسم الرحله على منطقتين المده 12 يوم انا وزوجي فقط الميزانيه 30 الف ممكن نزيدها حدود 5 الاف مو اكثر طبزوجي رافض فكرت السواقه هناك نهائيا يعني راح نعتمد على التكاسي والقطارات ع بالنسبه لااستخراج الشنغن مافيه عندنا فيزا هل هي شرط اساسي لاستخراج الشنغن وابي نصيحتكم بكل شي وجدول مناسب للرحله رحلتنا راح تكون ب اكتوبر باذن الله وايش رايكم بالخطوط التركيه ؟ |
رد: فزعتكم يااخبراء وين ودك بفرنسا ؟ |
رد: فزعتكم يااخبراء اذا لندن التنقل سهل بينهم بالقطار وفي الديرتين تستخدمون مترو او تاكسي بس فيزا UK غير عن فيزا الشنغن سويسرا والارياف وتحديدا انترلاكن ٨٠٪ من متعة الرحلة تكون بوجود سيارة خاصه معاكم فينيسيا حلوه بس يكفيها ٣-٤ ايام اذا في بالكم زوري مناطق إيطاليا ثانيه معاها اسبانيا مو في بالكم ؟! الجو بكون حلو وقتها من باريس الى إيطاليا او اسبانيا الأفضل طيران ينقل للاستفسارات |
رد: فزعتكم يااخبراء مرحبا اختي ماقصرت مشرفتنا جزاها الله خير نفس ماقالت اذا بتروحون باريس ولندن محتاجين فيزتين الشنغن + uk واذا بتروحون انتر لاكن وغيرها محتاجين فقط الشنغن اذا انتو من محبي الهدوء والطبيعه والارياف تكون وجهتكم باريس وانتر لاكن واذا من محبي الزحمه والحشره وعلى مانقول القرقعه هههه باريس ولندن بس سؤالي 30 الف مع التذاكر والسكن والمصرف !! عشان نعرف نحددد وجهاتكم |
رد: فزعتكم يااخبراء الله يعطيكم العافيه يارب ويجزاكم الجنه جميعاا �� طيب اخوي نبهتني لنقطة الفيزتين لان لندن تحتاج فيزا بريطانيه بيكون صعب علينا نطلع فيزتين طيب لو نطلع لندن وندخل مكانها انترلاكن ونخلي العوده من ميونخ او ميلان اعطوني رائيكم لان باذن الله راح نحجز الاسبوع هذا بالنسبه للميزانيه نعم شامله كل شي |
رد: فزعتكم يااخبراء انا مع رأي الاخوان ماقصروا اختصروها لكم وانا كذلك اشوف انسب شي لكم لندن وباريس فقط لان فهمت من كلامك زوجك رافض فكرة استئجار سيارة وحلاة سويسرا بالسيارة بدونها مرهقة ومتعبة والمسافة طويلة لندن اقرب ساعتين من باريس للندن بالقطار |
رد: فزعتكم يااخبراء فرنسا حابين نروح باريس فيها كم يوم يكفيها ؟؟؟ وهل،سهل،التعامل مع الأوربيين |
رد: فزعتكم يااخبراء 12 يوم يعني باريس 4-5 ايام يكفيها و لندن 7 -8 ايام ومسالة الفيزتين بسيطة اذا توفر لديكم الحجوزات وباقي المستندات سهل استخراجهم |
رد: فزعتكم يااخبراء باريس تعاملهم راقي و12 يوم ممكن باريس ولندن اذا الرحله باكتوبر فيه وقت تحجزون ممكن تخلونها بعد من باريس طيران ايزي جيت الي ايطاليا ومن هناك تخلون عودتكم للسعوديه اذا ما تفكرون تستخرجون فيزا ثانيه باريس ممكن من 5-6 ايام طيبه مع يوم من ضمنها يخصص لديزني |
رد: فزعتكم يااخبراء يعطيكم الف عافيه اخواني لغينا لندن وان شاء الله الرحله القادمه لندن خط سير الرحله راح يكون جده جنيف وبالقطار من جنيف الى انترلاكن ومن انترلاكن بالقطار الى باريس ومن باريس بالقطار الى ميلان والعوده من ميلان انتهينا من حجز التذاكر والسكن ولله الحمد الميزانيه المتبقيه للاكل والتكاسي 25 الف ريال ابغى اعرف كم سعر التكاسي داخل جنييف لان نحنا حوسنا بالمترو حق اسطنبول ماعرفنا نستخدمه فاكيد بنحوس في جنيف وانترلاكن ابغى اسعار التكاسي داخل جننيف وانترلاكن وهل ضروري بالعداد او اتفق ع سعر مع التكسي واعطوني افضل اماكن في جنييف لان راح اجلس فيها يومين وين اروح ؟؟ وايضا اسعار التكاسي بباريس وميلان ويعطيكم الف عافيه |
| الساعة الآن 01:33 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO