|
برنامج باغيسي لمدة 4 أيام / مشورتكم السلام عليكم الله يجزاكم خير على هذا المنتدى الرائع جد حسيتكم مثل العيلة الوحدة ماشاءالله ، استفدت منكم كثييير وحابه اشاوركم :(141): بإذن الله راح تكون أول رحلة لي لباريس الجميلة وبما أني أنا اللي حنيت وطلبتها زوجي قال برنامج الرحلة كامل عليك :yolks00220: الفندق تم حجزه ولله الحمد : Radisson Blu Chmps Elysees الوصول راح يكون بإذن الله في شهر اوقست قمة الزحمة والله يعين قبل ما اشاوركم بدايةً حابه اقولكم ايش هدفي من رحلتي ، ماعندي نية شوبنق وكل هدفي استكشاف باريس الجميلة والاستمتاع فيها أول يوم وصول راح يكون في الصباح بيبدأ تشك ان في الفندق وبعدها شوية راحة واكل وبعدها نبدأ نستكشف حولنا ، فكرت نروح أقرب محطة مترو ونأخذ لنا تذاكر visite لعدد ايام رحلتنا لزون 1-5 بعدها نوصل لمحطة Trocadéro ونكمل طريقنا تمشي في الحديقة القريبة منه وممكن نمر على Aquarium de Paris بعدها نروح لبرج ايفل حاولت احجز لي تذاكر اونلاين للبرج بس كلها فل للأسف :(158): تتوقعون بقدر اصعده لو صفيت طابور؟ وبعدها ناويه احجز لي رحلة اونلاين بدون وجبة هنا Site officiel des Bateaux Parisiens - Croisiأ¨res sur la Seine - Dأ®ner d'affaires - Croisiأ¨res Privatives أ* Paris وبعدها ينتهي اليوم اليوم الثاني يكون زيارة لقصر فرساي وبعد بحث مطول في النت وخرايط قوقل راح اتبع هالطريق من محطة charles de gaulle اخذ لاين 6 لحد محطة bir hakim بعدها اخذ رير C لحد محطة الوصول versailles rive grache ما أدري اذا فيه مجال اضيف مكان ثاني والا زيارة القصر وحدائقه هاليوم كافيه؟ اليوم الثالث ديزني لاند :(141): والطريق برضو يبدأ من نفس المحطة اخذ رير A إلى آخر محطة للوصول هي marne la vallie شفت كذا موضوع تقترحون انو نشتري التذاكر اونلاين هل الفرق الوحيد هو السعر فقط؟ لاني ناويه آخذها من الفندق ان شاء الله اليوم الأخير بإذن الله هو اللي احترت فيه جداً راح يبدأ بزيارة لمتحف اللوفر ولا اتوقع يأخذ وقت طويل لاني بشوف بعض الاشياء في بالي وراح تكون عن طريق المحطة القريبة منه فكرت نروح بعدها هضبة المونمارت هذا اللي ببالي حالياً حاولت اضيف مكان ثاني بس مافيه شيء قريب ، اية اقتراحات بخصوص الأماكن أو المطاعم الجيدة اللي اكلهم فيها حلال راح تساعدني كثير :(114): (وبخصوص ترتيب الأيام راعيت انها ماتكون في أيام اللوفر أو قصر فرساي مغلقين) ومشكورين مقدماً الله يحقق لكم ماتتمنون يا رب :(60): |
رد: برنامج باغيسي لمدة 4 أيام / مشورتكم شكرا لك اختي علي المقدمه الرائعه اول يوم ليش تحجزي اون لاين انتي بتشطرين تمسي دور عند البرج فلا ترتبطي بمواعيد اول ما تخلصي من ايفل خليه خلفك وتحت الجسر شركات تأجر ليش تأخذي من زون 1-5 ثاني يوم اذا يصادف الاثنين فرساي مغلقه ممكن تضيفي عليها شيء في المساء او تتمشون في الشانز او الحي اللاتيني الثلاثاء مغلق المتحف اللوفر ثم الاوبرا ثم مونمارت وبعدين علي الشانز ديزني فيه بعض الايام فيه تخفيض ومن الفندق عادي تشتريها وانا رحت لها مرتين وشريت من شباك التذاكر وما كان فيه زحمه |
رد: برنامج باغيسي لمدة 4 أيام / مشورتكم وعليكم السلام اول شي انت شطوره لانه باين من الاستفسار انك قريتي قبل لا تسألين :(89)::(89)::(89): نجي لترتيب الجدول اول يوم عندي لك اقتراح وهو استخدام الباص السياحي الأحمر راح يمر على اهم الاماكن السياحيه وتقدرون بالنهايه تنزلون عند ايفيل مثل ما انت مقرره والختام الرحله النهريه ومثل ما قال فيصل ماله داعي تحجزين اون لاين لانه متوفرة سفركم بالصيف والنهار طويل راح يمديكم تخلصون أنشطه كثير اليوم الثاني فرساي اذا ناوين القصر والحدائق يبيلكم وقت مو اقل من ٤ ساعات بس تراه يسوى بالنسبة لي فرساي من احلى وأمتع الاماكن التمشي في حدائق القصر ممتع ولا تنسون تتاجرون سياره جولة او سياكل طبعا رحلة القصر شوي بتكون متعبه فيها واجد مشي بعدها ممكن مونمارت لقبل الغروب وما انصح تطولون فيها لانه في الليل الوضع غير مناسب وممكن الختام عشا في الشانز او مول الفصول الاربعه يوم ديزني إنتي تقولين بتشترينهم من الفندق ، اي فندق ؟! حسب الي فهمته ديزني لها يوم من الصباح للمساء يعني ما راح تباتون في فنادقها ، وفنادق باريس ما أتوقع تلقين فيها التذاكر يا تشترينها من البارك نفسه وقت الوصول يا اون لاين يا من ديزني ستور في الشانز قبل بيوم اخر يوم اللوفر وبعده ممكن الحي اللاتيني تمشي وغدا قريب منه نوتردام ممكن تروحونها مشي حلو انك ترتبين الاماكن القريبة في يوم بس اذا راح تعتمدين عالمترو في التنقلات تراه جدا عادي تلفين من الشمال للجنوب ومن الشرق للغرب ابعد مشوار في باريس ما راح يأخذ اكثر من ربع ساعه ومثل ما قلت لك النهار طويل راح يساعدكم تشوفون أماكن كثيره |
| الساعة الآن 04:02 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO