من منكم جرب التنقل على قوقل ماب بالجوال في اوروبا
 

السلام عليكم

مساكم الله بالخير جميعا

سافرت اكثر من مره الى اوروبا وكنت استخدم قارمن نوفي وممتاز لكن سمعت ان قوقل ماب على الجوال افضل ارجو افادتي في الاسئله التاليه :
1- هل احد منكم تم تجربته وينصح فيه ؟
2- هل يوجد طريقة انزل خريطة البلد اللي بسافر لها مثلا سويسرا واقدر اتنقل بدون مااكون متصل بالانترنت ؟
3- هل اذا دخلت نفق مثلا في جبال الالب يفصل التوجيه او يكون شغال . لان احيانا القارمن معي يفصل في النفق ويجيك مخرج داخل النفق وتتعداه مادريت لانه مايوجهك الا بعد ماتخرج من النفق ويلقط الاقمار الصناعيه ؟
4- اذا بغيت اشتري شريحة بيانات فقط من سويسرا ماهي الطريقه ومن وين وماهي افضل شركه ؟

شاكر ومقدر لكم

بارك الله فيك مقدام

ماهي غريبة من خبير مثلك عمل جميل وطريقه حلوه أفضلها دوم في السفر وانصح فيها

شغلك عدل ( ع قول حبايبنا الكويتين)

السلام عليكم ورحمة الله وبركاته

ولله الحمد أسافر دائما الى اوروبا ولم يسبق لي أن أقتنيت جهاز القارمن وكل ما أستعمله هو النافيقيشن الخاص بالسيارات التي أستأجرها أو خرائط جوجل في الجوال والذي يبحث لك و يوصلك لأي مكان تريده بكل دقه.

وعليكم السلام ورحمة الله وبركاته ... بالنسبة لي جربت قول ماب بسويسرا وفرنسا وبريطانيا ومن اروع مايكون .. وماقد نكبني .... بالانفاق صحيح يفصل ثم يشبك بعدين بس انه يكون مشغل الخريطه ... بس مااقدر افتيك عن التوجيه وقتها ... بس غالبا بقوقل يكتب لك كم باقي على المخرج قبل فترة طويله وينبهك لاي مسار تمسك .. يعني يمكن قبل ميلين يوجهك ... ومثل ماقال ابو سعد يعلمك بحركة المرور على الطريق ( اخضر ( سالك) - برتقالي ( في زحمه ) - احمر (اختناق مروري )

بالنسبة لسايجك ولا يزعل علي عميدنا مقدام تجربتي معه جدا سيئة -وانا مشتري النسخه- لانه يفصل احيانا بالطريق ويوهق وسواها معي مرتين وانا مرقي لاخر تحديث ... واضطر بسرعه اروح لقوقل ماب ... انا استعمل سايجك عشان تنبيهات رادارت السرعه ... ويعلمني سرعة الطريق اللي انا عليه .

- خرائط قوقل فيها ميزة انك تقدر تنزل الخريطة على جوالك وفيه موضوع هنا بالمنتدى عن طريقة استعمالة اوف لاين هنا :

http://www.arabtrvl.com/vb/t12382.html

- والانترنت كنت مجرب ليبارا وكانت حلوه وكنت ماخذها من المطار ... بس تأكد من تفعيل النت لاتسحب رصيد البطاقة وتخلص بسرعه عليك بدون ماتاخذ حسابك لان الموظف قال انها تشتغل على طول وشبك شوي وفصل ... وشفت لي واحد في بقالة وقال لازم تفعل النت فيها قبل الاستعمال ... وشريت منه شحن وفعله لي نت .. وزي ماقال عميدنا رخصيه مره للمكالمات للخليج ( من ليبارا بريطانيا للسعودية الساعه بـ 60 ريال )

موضوع شيق ويستحق النقاش
أول تجربة لي بجوجل ماب كانت في 2010 بلندن
لم أكن أعرفه جيداً ولكن خدمني كثيراً ولله الحمد

جربت القوقل في ماب في السعودية ويخدمني كثير مثل افضل الطرق ومدى الزحمة واستخدمته في سويسرا وكان استخدامي له لمعرفة افضل الطرق ولأستخدم المواصلات العامة وكان يعطيي كل الخيارات وبالتفصيل واستخدامي له افتح الخريطة واحدد المكان اللي ابي اوصل له ويعطيني كل الخيارات مثل بعد كم دقيقة سيصل الترام وبعدها قطار اوباص ومدة التغيير. وحاولت استخدم القوقل ماب في تركيا للمواصلات العامة وخذلني ما كان يعطي اي نتائج
وعليه انصح وبشدة باستخدام القوقل ماب للطرق والمواصلات العامة في اوربا

شكرا لكم على اهتمامكم وردودكم الواضحه

الف شكرا

دعواتكم بالتوفيق