|
اي سيارة اختار ؟! السلام عليكم ورحمة الله وبركاته يا خواني ابي مساعدتكم ابا احجز سيارة اعتقد من شركة budget لشمال التركي " حجزت من كم يوم وكنسلت لانهم اتصلوا فيني حسيت عمري توهقت لان الفيزا مسبقة الدفع " محتارة اختار جير عادي ولا اوتوماتيكي نصيحتكم وبعد شي اتذكر اكثر الاعضاء كانوا ينصحون بختيار نوع الوقود ديزل ابي اعرف ليش ديزل علما اني شفت الاسعار اللي بالديزل اغلى .. و شو احسن جارمن ؟ وشكرا ع المساعدة مقدماً |
رد: اي سيارة اختار ؟! وعليكم السلام مالي خبره في الشمال التركي لكن لي خبره في اجار السيارات اول شي نوع القير اللي يريحك انت عادي او اوتوماتيك والافضل اوتو الا اذا اوزنجول وجبالها تحتاج القير العادي الشي الاخر نوع الوقود الافضل الديزل ولو كان اغلى بقليل عن البنزين لانه يمشيك اكثر وانا الان بشوف اسعار الوقود العالميه لهذا اليوم واعطيك اسعارها في تركيا تحياتي |
رد: اي سيارة اختار ؟! تسلم اخوي ما تقصر ... اللي يريحني واللي اعرف له الاوتو ... لو عادي الوالد بيتوهق :D اها يعني الديزل يمشي اكثر .. ان شاء الله بختاره شكرا ع المساعدة ويزاك الله خير وماله داعي تشيك بعده وقت ع السفرة حوالي 3 شهور وشوي دمت بحفظ الرحمن |
رد: اي سيارة اختار ؟! سعر الوقود بتاريخ ٢٢ ديسمبر ٢٠١٤ الديزل ٣.٨١ ليره تركي للتر الواحد البنزين ٤.٢٥ ليره تركي للتر الواحد بكذا الديزل ارخص واوفر |
رد: اي سيارة اختار ؟! وانت تقولين ماله داعي تشييك وانا طلعت دايركت اشيك هههه ع العموم شكراً لدعواتك الجميله ولو احد يفيدك في نوع القير لان الشمال التركي جبال افضل برضه |
رد: اي سيارة اختار ؟! افادك مشرفنا ماقصر الله يجزاه كل خير رحلة سعيدة ان شاء الله هولمز |
رد: اي سيارة اختار ؟! ماقصرت مشرفنا العزيز |
رد: اي سيارة اختار ؟! رحلة موفقة باذن الله انا اقول لوتاخذون سيارة بسائقها افضل لان الطرق الجبلية تحتاج واحد متمكن من هالشي واعتقد لازم القير اليدوي افضل لهذه الطرق واسألي مديرنا فيصل شلون السواقة في الجبال وموفقين ان شاءالله |
رد: اي سيارة اختار ؟! اقتباس: المشاركة الأصلية كتبت بواسطة حبْر https://www.arabtrvl.com/vb/traveler...s/viewpost.gif سعر الوقود بتاريخ ٢٢ ديسمبر ٢٠١٤ الديزل ٣.٨١ ليره تركي للتر الواحد البنزين ٤.٢٥ ليره تركي للتر الواحد بكذا الديزل ارخص واوفر يسلمو ع الافادة امممممممم اكيد سعر الديزل اقل معروف بس انا اقصد في الموقع سعر السيارات اللي وقودها ديزل اغلى .. :D ما قصرت اخوي شكرا جزيلااااااا |
رد: اي سيارة اختار ؟! اقتباس: المشاركة الأصلية كتبت بواسطة حبْر https://www.arabtrvl.com/vb/traveler...s/viewpost.gif وانت تقولين ماله داعي تشييك وانا طلعت دايركت اشيك هههه ع العموم شكراً لدعواتك الجميله ولو احد يفيدك في نوع القير لان الشمال التركي جبال افضل برضه انزين ليش معصب :D تسلم ع مرورك الاجمل ان شاء الله خير ... |
| الساعة الآن 07:45 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO