|
باقي حجز السيارة و القارمن السلام عليكم الحمدلله بفضل الله ثم فضلكم كملت حجوزات الطيران والفنادق و الفيزا وباقي لي حجز السيارة تنقلاتني بتكون بالقطار من فيينا إلى زيلامسي = أحجز القطار من الحين او هناك؟ ومن فيلاخ إلى فينيسيا بالقطار = حجزت القطار و وصلني الحجز بسرعة DHL لانه احتجته للفيزا حاليا ابي احجز سيارة من زيلامسي استلمها و اسلمها في فيلاخ لمدة 5 أو 6 ايام وعندي كم سؤال عليها: احجز من الحين او هناك؟ قير عادي أو اوتوماتيك؟ نوع السيارة؟ افضل شركة احجز منها؟ شلون ندفع للتأمين و شكثر ياخذون و متى يرجعون المبلغ؟ القارمن اللي مع السيارة عادتن يكون اوكي او افضل احمل وياي من هني؟ شنو الخيارات الزيادة اللي احتاج احطها حق الحجز؟ علما بأن احنا 2 أنا و زوجي ويعطيكم الف عافية :yolks00290: |
رد: باقي حجز السيارة و القارمن وعليكم السلام ورحمة الله وبركاته أتمنى لكم سفرة سعيدة ويحفظكم الرحمن في الحل والترحال أنقل لك تجربتي الخاصة.. أولاً هناك مواقع داخل البلد لحجز السيارات وهناك مواقع دولية يمكنك حجز من أي دولة لأي دولة جربي هذا Billiger Mietwagen, Beste Preise Garantiert, Buchen Sie Heute! - rentalcars.com ثانياً الحجز بالفيزا حتى لو معك المبلغ كاش فلابد من الحجز بالفيزا وحجز مبلغ قد يصل إلى 500 يورو ثالثاً اطلبي عداد مفتوح + تأمين شامل + جارمن الجارمن دولي وبه العديد من اللغات ومنها العربية ولكن ليس كل الأنواع...ولكن على الأقل هناك اللغة الانجليزية رابعاً الديزل أوفر وأفضل من البنزين (حسب تجربتي).. أما جير عادي أو أوتوماتيك فهذا حسب المزاج والرغبة الشخصية بالنسبة لإرجاع المبلغ فهم يبلغونك بذلك وعادة من 10 أيام إلى أسبوعين من تسليم السيارة |
رد: باقي حجز السيارة و القارمن يعني تنصحوني احجز من الحين اولا؟ وقطار فيينا إلى زيلامسي بعد احجزه الحين او هناك؟ اي افضل؟ |
رد: باقي حجز السيارة و القارمن الحجز المقدم أفضل وأرخص بكثير من الحجز هناك وعند الوصول توكلي على الله وقومي بالحجز |
رد: باقي حجز السيارة و القارمن ماقصر اخوي Prince السيارة احجزوا من الآن بالنسبة للديزل والبنزين هذي ماراح تحصلونها بالخيارات لكن تقدرون تكتبون لهم ملاحظة أثناء الحجز .. أثناء استلام السيارة اطلبوا منهم تأمين شامل الجارمن تقدرون تآخذون معاكم واحد من هنا بــ 500 ريال وتركبون خريطة أوروبا وعال العال .. وفيه بعض البرامج على الجوال مثل السايجك ما يحتاج نت يشتغل على gps القطار عادي بما إنكم شخصين بس تقدرون تحجزون هناك قبلها بيوم مثلاً تحياتي |
رد: باقي حجز السيارة و القارمن اوكي راح احجز من هني بس القارمن اللي يعطونا موجود فيه كل الاحداثيات او لازم انا احطهم وقتها؟ اذا عندي قارمن افضل اني اجمله و احط فيها الاحداثيات من قبل؟ |
رد: باقي حجز السيارة و القارمن اقتباس:
وإن شاء الله ستوصلك للمكان الذي تريدينه أما الإحداثيات فموجودة بالمنتدى |
رد: باقي حجز السيارة و القارمن الجارمن عندكم novi 50 أو 52 أسعارها قريبة من بعض وتأدي الغرض وزيادة |
رد: باقي حجز السيارة و القارمن الجارمن عندكم novi 50 أو 52 أسعارها قريبة من بعض وتأدي الغرض وزيادة زي ماقال اخوي الكريم مراقب البوابة العامة يعطيه الف عافيه وعند حل ثاني انك تاخذ نظام novi LMT لانه افضل من العادي novi لان LMT تعني تحديث الخرائط عندك باستمرار حسب تواجد التحديث... مثلاً لو اشتريت خرائط لاوربا حقت عام 2014 وسافرت 2015 ممكن يحدث عندك لخبطة في بعض المواقع الي انت تبي تروح لها حتى لو اخذت الاحداثيات مضبوطة حتى لو كانت حقت عام 2014 ....وبنظام نوفي LMT ما راح تواجه مشاكل بسفرك لانه يحدث لك مواقع واماكن رحتلك بكل سهوله لكن لازم تسوي له تحديث وتسجله باضافة ايميلك بموقع قارمن >>>> بعض اجهزة النوفي الجديدة وخاصة Nuvi 3790 LMT وما فوق تحصل خرايط اوربا فيها جاهزة او تشتري ذاكرة وفيها كل الاماكن السياحية والمهمة لكن باللغة الانجليزيه ... |
رد: باقي حجز السيارة و القارمن مشكورين وماقصرتوا بس بعد سؤال شنو افضل خيار حق نوع السيارة فولكس ويقن او مرسيدس او اودي؟:yolks0010: |
رد: باقي حجز السيارة و القارمن ماتفرق كثير وعلى حسب رغبتكم .. الفولكس بتكون أرخص عادة .. وبما إنكم شخصين بس فعندكم خيارات كثيرة .. فيه أنواع تجي كشف تعطي متعة بالسواقة بالأرياف |
رد: باقي حجز السيارة و القارمن مراقب البوابة العامة ما قصر الله يعافيه عطاكم المفيد يعني فولكس واجن قولف ممتازة وسريعه وقوية بالطلوع والنزول بالجبال وغيره وسهله بالمواقف (موتر يعتمد عليه ) .... |
رد: باقي حجز السيارة و القارمن انا اتعامل من النت مباشرة مع يوروب كار ما يحجزون اي مبلغ قبل الاستلام وعند الاستلام ياخذون زيادة 200 يورو من سعر الاجار (يعني مثلا قيمة الاجار 600 يورو يحجزون 800 يورو) سكست سياراتهم افضل وأحدث لكن يحجزون مبلغ مقارب لقيمة الاجار لايف تايم قارمن ممتاز معاي من سنتين وما احتجت اسوي اي تحديثات والحمدلله |
رد: باقي حجز السيارة و القارمن اقتباس:
اما مسألة انه يوجد لديك لايف تايم( LMT) قارمن ممتاز معاي من سنتين وما احتجت اسوي اي تحديثات والحمدلله صحيح كلامك الفئة هاذي من الاجهزة المطورة ممتازة لكن مسألة التحديث شي لابد منه وعندك مثلاً برامج مضادات الفيروسات او اي برامج لابد من شي اسمه UPDATE يعني تحديث ... شريت قارمن قبل ايام من سوق كوم ( موديل LMT nuvi 3597 بقيمة 1510 ريال ) والبائع كاتب انه محدث وممتاز (القارمن ينتظرك تسافر عشان يبدع لك:(95):هههه) بصراحة ما اقتنعت بكلامه ودخلت على موقع قارمن الشركة المصنعه له ولقبت كلام خوينا بوادي والشركة بوادي اخر فنزلت من النت برنامج Garmin express موقع شركة قارمن Garmin Express بتحصل كتابة down load for windows للي عنده وندوز سفن او 8 والكلمة الثانية Download for Mac لاصحاب الماك وماكنتوش .. وهاذا رابط شرح بالصور لمن اراد ان ينزل البرنامج ويحدث جهازه باي خرائط يحتاجها..... https://www.google.com.sa/search?biw...A8%D8%B1%D8%B3 |
رد: باقي حجز السيارة و القارمن اخر سؤال :(148): مكان الاستلام والنسليم حاطين مركز المدينة انا ماعرف بالضبط وين بكون طبعا في زلامسي مو مشكلة اي مكان بقدر اروح بس في فيلاخ لازم الحق عالقطار اللي بكون ساعة 10:45 و انا بطلع من فنيسيا الى فيلاخ الصبح فأبي مكان يكون قريب من محطة القطارات حق أسلم السيارة شلون أعرف وين بكون؟ |
رد: باقي حجز السيارة و القارمن اقتباس:
مكان الاستلام ومكان التسليم موجود بالخيارات (عملية البحث بالتاريخ والشهر ) بموقع الشركة الي انت مستأجر منها وراح تحصل خريطة للمواقع ( اماكن الاستلام والتسليم) على يمين الموقع او يساره حسب الموقع |
رد: باقي حجز السيارة و القارمن ما اعرف شلون اغير مواقع الاستلام مايطلع لي غير مركز المدينة :yolks00230: |
رد: باقي حجز السيارة و القارمن اقتباس:
بعض الشركات متسامحة وتقبل بتغيير المكان والزمان قبل انتهاء الموعد المحدد |
رد: باقي حجز السيارة و القارمن فيلاخ مافيها إلا مكتب واحد لــ يوروب كار وقريب مرة من محطة القطار تقريبا 1.5 كم .. 3 دقايق بالسيارة |
رد: باقي حجز السيارة و القارمن شكرا مدام قريب من محطة القطار عيل تطمنت خلاص بحجز المرسيدس شكلي :(148): و ماقصرتوا كلكم يعطيكم العافية :(141): |
| الساعة الآن 08:40 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO