|
استلام السيارة من باريس او من بادن بادن ؟ السلام عليكم ورحمة الله وبركاتة انا ان شاء الله مسافر فرنسا وخط سيري باريس - بادن بادن - انترلاكن - زيلامسي - موينخ وش افضل مكان استأجر سيارة اهل اخذها من باريس ؟ او من كيل ( قريبه من استراسبورغ ) وش افضل الشركة تنصحوني فيها العدد 2 |
رد: استلام السيارة من باريس او من بادن بادن ؟ وعليكم السلام ورحمة الله وبركاته من ناحيتي أنصحك بأخذها من المطار..شارل ديجول والتسليم مطار ميونيخ أنواع السيارات واسعارهم تعتمد على النوع والمميزات ابدأ من هنا Billiger Mietwagen, Beste Preise Garantiert, Buchen Sie Heute! - rentalcars.com |
رد: استلام السيارة من باريس او من بادن بادن ؟ الله يسعدك يالغالي انا راح اجلس في باريس 3 ايام يعني ماحتاج فيها سيارة اليوم الرابع راح استأجر وابدا رحلتي الي بادن بادن اذا فيه ضريبة اختلاف الدولة كبيره ومكلفه اشوف الحل اخذها من اي مدينة او قريبة المانية وقريبة من بادن بادن ابي مشورتكم |
رد: استلام السيارة من باريس او من بادن بادن ؟ حياك الله من جديد مثل ما اقترحت عليك قبل، بعد باريس بالقطار او الطائرة الى ستراسبورغ وبعدين تاكسي الى كيل في المانيا واستاجر السيارة وسلمها في مطار ميونخ سكست شركة ممتازة بس اسعارها اغلى من يوروب كار |
رد: استلام السيارة من باريس او من بادن بادن ؟ مرحبا اخوي ريلاكس مان بخصوص موضوعك اقترح عليك ماتستأجر السياره من باريس وتستأجرها في محطه قطارات بادن بادن للأسباب التاليه : 1- في باريس التنقل بها ماتحتاج سياره 2- توفير الفلوس تنفعك في سفرتك 3- الطريق بالسياره من باريس الى بادن يادن بالسياره تقريبا 5 ساعات وبالقطار في رحلات توصلك بين ساعتين و57 دقيقه الى 3 ساعات وربع يعني اريح واسرع 4- الاستلام في بادن بادن واسترجاعها في ميونخ يوفر عليك مبلغ التسليم في بلد اخر فا الافضل بالقطار من باريس الى بادن بادن مع تبديل قطار واحد في ستراسبورغ وتاخذ السياره من محطه قطارات بادن بادن وتستكمل رحلتك وبالنسبه لشركه يوروب كار عندهم فرع في محطه بادن بادن وشركه سكست ايضا عندهم فرع قريب جدا من المحطه مشي يمكن خمس دقايق وبالتوفيق اخوي |
رد: استلام السيارة من باريس او من بادن بادن ؟ الله يسعدكم لاعدمناكم يارب قطر يالبى هالطلة ما شاء الله عليك متجمل علينا في لندن وخيرك سابق الله يوفقك ويغنيك معلوماتك كثر ما ابحث اكتشف انها جديدة علي ما جاء في بالي اخذ قطار دايركت الي بادن بادن وهي الافضل والاسهل والارخص لذلك راح امشي معك مثل ما مشيت بلندن ما شاء الله عليك راح اخذ قطار من باريس الي بادن بادن وراح اسلمها في موينخ ان شاء الله هل تنصح بسيارة معينه خاصة حنا 2 شباب واذا عندك توجيهات او ملاحظات ترا ما نستغنى عنك |
رد: استلام السيارة من باريس او من بادن بادن ؟ ياهلا ومرحبا اخوي ريلاكس يالبى قلبك يا الغالي حاضرين الله يسلمك اكيد انا و الاخوان ماراح نقصر معاك شخبار سفره لندن ان شاء الله امورك كلها كانت تمام :yolks00250: بخصوص القطار من باريس الى بادن بادن مافي دايركت قلت لك يوقف في محطه واحده في ستراسبورغ وبعدها يروح بادن بادن وزمن الرحله ساعتين و 57 دقيقه وهي اسرع رحله الى بادن بادن يتحرك القطار الساعه 11:25 الصبح في قطارات ثانيه تروح دايركت الى مدن المانيه مثل كالسروه ومنهايم لكن لين توصل هالمدن مابين 3 ساعات الى اربع ساعات حسب الرحله وبعد وقت ماتاخذ السياره ومنها الى بادن بادن حط لك نص ساعه وزياده الى بادن بادن يعني افضل شي لكم رحله الساعه 11:25 راح توصلون بزمن قياسي الى بادن بادن وتبديل قطار واحد بخصوص سياره معينه بما انتو شباب اكيد تناسبكم سياره صغيره اقتصاديه او في بعض السيارات الصغيره بس تكون رفيعه مش نازله زي الصالون افضل للنزول في بعض الاماكن او الصعود بأماكن اخرى اذا بتستأجر السياره من شركه سكست وهي شركه ممتازه جدا في التعامل لكن مشلكتهم ياخذون تأمين مسترجع اعلى من الشركات الثانيه واشوف اوروبا كار اغلاهم وشركه avis ايضا ممتازه اذا واجهتك اي مشكله لحجوزات السياره اكيد الكل ماراح يقصر معك بأي معلومه بالتوفيق ان شاء الله يا الغالي |
رد: استلام السيارة من باريس او من بادن بادن ؟ ارحب الله حيييه ابشرك كان ليالي لندنية من اجمل ما رأيت واستفدت كثير منك يالغالي مثل ماخططت وافضل بعد بالنسبة للبادن مثل ما تفضلت توقف مره وحده والوقت 11.25 مناسب الوصول لبادن بعد الظهر واستأجر سيارة ان شاء الله الساعه 3 اكون في الفندق ومخلص كل شي بالنسبة لمحطة القطار باريس انا بسكن قرب قوس النصر هل كل محطات القطار توديني بادن ؟ او محطات معينة ممكن تفيدني لها يالغالي يعني اذا بسافر بادن بادن في محطة قطار قريبه من سكني ؟ والله يقويك قاعد احوس في السيارة وان شاء الله هاليومين اخلصها وابدا في خطوات ثانيه |
رد: استلام السيارة من باريس او من بادن بادن ؟ مابعد كلام الاخوان شي ماقصروا الله يعطيهم العافيه وفي باريس لاااااتفكر بسيارة ابدا ابدا بتتوهق مثلي فيها مافيه مواقف حتى ان لقيت غالية غير الزحمة اللي بتضيع وقتك وتبلش بسيارتك ودك ساعتها تقدر تصفطها وتحطها بمخباتك استلمها من بادن ومن باريس لبادن بالقطار منها وفرت قيمة استلام وتسليم في بلد آخر وتسلمها في ميونخ رحلة موفقه وسعيدة اتمناها لك |
رد: استلام السيارة من باريس او من بادن بادن ؟ الله حيه اخ،ي الغالي ومشرفنا الكريم بالضبط هذا اللي راح اسويه ان شاء الله راح استآجر السيارة من بادن بادن حاليا قاعد اشوف السيارة المناسبه وهالموضوع بخلصه منه وارتاح لي رجعه ان شاء الله بعد ما اخلص من هالمموضوع |
| الساعة الآن 12:13 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO