|
السيارة وعدد الشنط احنا عائلة ماشاء الله عددنا ست كبار واثنين اطفال اعمارهم 14 و 3 سنوات مشكلتنا بالسيارة نحتاج سيارة كبيرة ارجو مساعدتي بافضل المواقع لايجار السيارات دخلت موقع يورب كار اذا وجدت سيارة تكفي 8 اشخاص لكن لاتكفي عدد الشنط احيان مكتوب مسموح 2 او 4 واحنا عائلة تقريبا كل شخص له شنطة غير الشنط الصغار وش الحل :23: كمان لو حبيت نسلم السيارة اذا رجعنا ميونخ بعد النمسا لانه بنجلس 5 ايام بميونخ عند التوجه للمطار راح نحتاج سيارة كبيرة فين احصل سائق يوصلنا المطار |
أذكر موضوع ذكر البعض يأجر سيارات ارخص من الشركات و شروطها يقول فيه واحد عراقي |
اقتباس:
الله يجزاك كل خير ع مساعدتي |
إذا بيكون وياكم شخص ثاني ممكن يسوق سيارة بيكون زين، بحيث تأجرون سيارتين. بس إذا ما في مجال غير استئجار سيارة وحده فالله يعينكم، السيارة اللي تقصدينها مثل السيارة اللي أجّرناها في جنوب افريقيا وفي سويسرا. ممكن تاخذ 3 شنط كبار و 2 وسط، مع عدة شنط هاند باج تحطونها تحت الكراسي. وممكن كل اثنين من أفراد العايلة يتشاركون في شنطة. https://www.arabtrvl.com/up/uploads/...4205872216.jpg https://www.arabtrvl.com/up/uploads/...4205872517.jpg https://www.arabtrvl.com/up/uploads/...0577867611.jpg شركات تأجير السيارات المعروفه هي اللي في الصورة https://www.arabtrvl.com/up/uploads/...4205872919.jpg وطبعا بعد تسليم السيارة ممكن تسيرون المطار بالتاكسي. |
اقتباس:
|
الغفو .. الله ييسر أموركم. هذا موقع لمقارنة أسعار تأجير السيارات في الشركات المختلفة https://www.rentalcars.com/ |
ما قصرت ام نوف ما شاء الله العدد كبير لكن سيارة مثل اللي حطتها ام نوف تكفيكم طيب متى تحتاجوا تنقلوا الشنط معكم من و الى المطار ما تحتاجوا لانكم راح تاخذوا تاكسي ولا اوبر وهم يتكفلوا بالشنط اذا راح تنقلوا الشنط معاكم من مدينة لمدينة ممكن تستاجروا عربة مقفلة تربطوها ورا بالسيارة واذا وصلتوا تفكوها يعني ما تتنقلوا فيها سبق لام نوف وعائبتها تجربتها وموجود الصور في تقريرها عن جنوب افريقيا فيه شركات معينة تاجر هذي القاطرات مثل يوهول وغيرها حسب البلد اللي راح تزوروه |
اقتباس:
ودنا نستاجر السيارة ناخذها من المطار احنا نسوقها وندور فيها واذا رجعنا ميونخ ودي نسلمها ونروح المطار عن طريق سائق فكرة العربة حلوة بس احسها متعبة بالطريق تواصلت مع واحد عنده سيارة تكفي الشنط بس العقد عنده مو واضح ماعجبني وخفت اتورط هناك بمبلغ انا عجبتني شركة يورب كار العقد واضح والتامين الشامل افضل بس المشكلة بعدد الشنط |
اقتباس:
سؤال: ليش تسلّمون السيارة قبل الذهاب للمطار؟ ممكن تسلمونها في المطار. أعتقد عدد الشنط بيكون كافي لكم إن شاء الله، مثل ما شفتي في الصور، السيارة تاخذ 3 شنط كبار و 2 أو 3 وسط، وممكن تحطون شنط صغيرة تحت الكراسي. عادةً الأولاد ما عندهم وايد ملابس، فممكن يتشاركون في الشنطة :14: وممكن ما تاخذون وايد لبس وياكم خاصة إذا في إمكانية تغسلون ملابسكم هناك. أحيانا الواحد يتغاضى عن أشياء في السفر علشان الأمور تمشي، يعني مب لازم آخذ كل الاشياء اللي متعودة استخدمها وأنا في بلدي. وأنصحج تشوفين فيديوهات على اليوتيوب عن كيفية ترتيب شنطة الشفر بطريقة فعالة، مثل ها الفيديو ، وفي غيره كثير.. أنا عن نفسي استفدت وايد من ها الفيديوهات. https://www.youtube.com/watch?v=Saf0d8I2FTM وللعلم، إذا خذتوا سيارة أكبر من اللي في الصورة ممكن تكون مشكلة في الدخول لمواقف السيارات اللي تحت المباني، مثل المولات أو غيرها. صار ويانا ها الشي لما سرنا أمريكا، كان ارتفاع السيارة أكبر من ارتفاع سقف مواقف الفندق، واضطرينا اليوم الثاني نرجّع السيارة وناخذ وحدة ثانية. استخيروا والله ييسر أموركم. |
اقتباس:
ودي نسلم السيارة اذا رجعنا ميونخ لانه حاطين ميونخ تسوق واخترت فندق قريب من ساحة التسوق والمواقف بميونخ راح تكون صعبة لانه سيارة كبيرة وراح تكون واقفة اغلب الايام راح تنحسب ايجار وتحسب عمولة الموقف والله صادقة ناخذ الملابس كثيرة وتجلس نصها مايلبس العيال الله يهديهم إن شاء الله اللهم امين ييسر امورنا واموركم |
| الساعة الآن 10:01 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO