|
تقرير/تركيا أسطنبول .. طرابزون ازنجول .. وش نخلي وش نقول الطفل الرضيع سابقاً أبدأ معكم بتقريري اللي اتمنى انه يحوز لو على 2% من رضاكم:(125): وهذه صورة لشاشة جوالي ابدأ معكم بها http://www.arabtrvl.com/up/uploads/a...3826241170.png أدري مافيها اي شيء بس اكثر من تقرير اشوفهم يصورون شاشات جوالاتهم يشرحون بعض الاشياء فأنا مافيه شيء بس قلت اقلدهم:(157): وانتم عاد دامكم بتشاركوني التقرير يالله كل واحد يصلي على نبينا محمد ويعطيني حسنات << اجل تبون تشوفون تقريري ولا استفيد منكم شيء:(41): ^ ^ ^ بسم الله الرحمن الرحيم والحمد لله الذي بحمده تدوم النعم فاللهم لك الحمد والشكر حمداً يليق بعظمتك وعزتك وجلالك وأسألك اللهم ان توفقني وتوفق كل من مر على تقريري هذا ^ ^ ^ ^ تاريخ السفر الى تركيا كان 30/12/2014 تقريري عن تركيا وشهر العسل في تركيا طبعا شهر العسل ما احد يقدر يأخذه الا بعد الزواج:(39): معلومة مهمة لازم تعرفونها عسى الله يخليني لكم :(125):<< سجلو عندكم اول فوائد التقرير وباقي التقرير مليئ بالمعلومات والفوائد طبعاً ما اطول عليكم قبل الزواج بثلاث ايام انا خالص ومجهز كل شيء مابقى الا انتظر يوم الزواج وشوفوا هذا الدليل على فضاوتي http://www.arabtrvl.com/up/uploads/a...3826598550.jpg من الفضاوة رايح للقصر قبل الزواج بيوم وخذيت كم صورة وزين اني صورتها وأكشخ بها في تقريري:(6): http://www.arabtrvl.com/up/uploads/a...3826752670.jpg المهم ما اطول عليكم الحمد لله تزوجت وخلصت هذيك الليلة بأجمل مافيها من احداث وذكريات ومواقف ** ** ** ** ** ** لكل منا وقفات وذكريات ولحظات تمضي بها الايام ونتمنى لو تدوم معنا كل شيء منتهي وكل شيء زائل فياترى ماهو الباقي؟ لن يدوم لنا الا جمال اخلاقنا وتعاملنا مع من حولنا فسيذكروننا بها بعد ان تخطفنا عنهم الحياة اما لفراق او وفاة فأحسن مابينك وبين الناس لتبقى ذكرياتك اجمل مايحملون عنك ** ** ** ** ** ** ** وان شاء الله عقبالكم ياللي ماتزوجتم تتزوجون وتعزموني :(40): وبعد الزواج توجهت للفندق انا والعروس وكانت رحلتنا الى جدة بكرة العصر طريقة رحلتنا جدة اسطنبول والعودة اسطنبول جدة الدمام ويوم وصلنا الفندق احترت وش اقول لها وش اسولف لها عنه فقلت استغل الفرصة ولازم اخبرها ان شهر العسل قطة بيني وبينها :(155): واذا ماعندها فلوس للسفر اسافر واخليها :(41): ماعليكم انسو السالفة ترى امزح معكم وسفرتها على حسابي هههه تعالوا وخلوني اعلمكم انا وش سويت:(57): طبعا انا يوم وصلت الفندق جهزت جوازي انا والمدام وبطايق التأمين الصحي فقط وباقي البطائق حطيتها في الشنطة اللي راح اتركها في السعودية من ضمنها كرت العائلة:shutup: وكانت هذي اول البدايات اللي شكلها بتخلي المدام تقول انا توهقت في زوج مثلك:(5): المهم صحيت الساعة 2 الظهر وصليت ظهر وعصر جمع وقصر وطلبت لنا غداء تغدينا وبعدها توجهنا للمطار سلمت سيارتي ودخلنا صالة المغادرة الساعة تقريبا 4 ونص استعداداً للسفر في امان الله يامسافر في امان الله مسافر وتاركني في دياري بعدك اعيش:(59):<<< لا ماتنفع هالخاطرة اصلا انا مسافر مع المدام وتوي عريس ليش اودع الدار والديرة بفراق وغرام :(155): المهم اقلعنا من المطار ووصلنا جدة تقريبا 8 مساء استلمنا العفش وأخذنا تاكسي الى فندق هلتون جدة << وهنا اول وجع الراس:dunno: طبعا يوم وصلت طلعت له الورقة اللي طبعتها من موقع بوكنق طلبني كرت العائلة:yolks00100:<< هاه وشو ذا وش يعني كرت عائلة تدرون اخوكم توه عريس مو متعود على هالشغلات هههههه المهم قال لي لازم كرت العائلة عشان افتح لك الغرفة قلت ياخوي انا مسافر بكرة الصباح على تركيا وانا بس بنام عندك الليلة والصباح طالع قال مايهمني وين بتروح انا صعب ادخلك بدون كرت عائلة قلت يالطيب هذا حجزي عن طريق بوكنق وهذا جوازي نفس الاسم قال حتى ولو حنا مانقدر ندخلك وهذي مسؤولية وقام يشرح لي قصة حياته ان صاحبة مفصول من العمل قبل اسبوع لأنه دخل واحد مع وحدة وطلعت مو بزوجته اللي دخلها :(7): المهم مالنا في باقي الاحداث اللي قالها لي عشان يبرر موقفه انه صعب يدخلني انا هنا احترت وش اسوي وشلون اقنعه ان هذي زوجتي:surrender: قلت يالطيب ترى انا توي عريس وهذي زوجتي وكرت العائلة انا ما احتاجه في تركيا ليش اخذه معي في الاخير وبعد وجع راس اقنعني اروح اجيب ورقة من الأمن حق الفندق ويدخلوني عاد ورقه من الامن تبي لها اقل شيء ساعة عشان اخلص اجراءاتها قلت للمدام خليك هنا في هالكوفي وانا باروح اجيب لنا ورد واجيك:(125): خلاص والله امزح قلت لها اجلسي وتقهوي وروقي وانا بخلص اجراءات الدخول المهم الله رزقني واحد جداوي واتوقع انه ريئسهم وشاف انه الكشخة خربت وشاف اني متنرفز قال لي وش فيك شرحت له الوضع والحمد لله دخلني على مسؤوليته بحيث اني اطلع الصبح قبل الساعة 7 قلت له ياخوي انت بس دخلني واذا تحب اطلع قبل يأذن الفجر :(155): الحمد لله دخلنا تقريبا الساعة 10 ونص وميتين جوع من ظهر ماكلينا شيء طلبنا عشاء من مطعم والله مادري وش اسمه المهم اظطريت اطلب منه لأنه المطعم الوحيد اللي يوصل للفندق حتى وجباتهم بس هبرجر وانا كنت مشتهي مشاوي:(7): الحمد لله تعشينا ونمنا وصحينا من فجر احس اني نمت الف ساعة فل نوم مع ان كل اللي نمته تقريبا 5 ساعات :detective2: صلينا الفجر وجلسنا في البلكونه نسولف وبصراحة كانت الاطلالة ولا اروع خذيت لكم كم صوره :(41):<< الله يخليني لكم حتى هلتون جدة صورته http://www.arabtrvl.com/up/uploads/a...1327148110.jpg شوفو هالصورة اللي تحت دققو فيها وقولوا وش تلاحظون؟ http://www.arabtrvl.com/up/uploads/a...1405855350.jpg اشكركم على التدقيق مافيها شيء بس انا حبيت تدققون عشان تتمقلون زين في تصويري:(7): المهم نكمل معكم بعض الصور << وين هاك الفيس اللي يعطي بوسات تستاهلون دامكم جمهوري<< حسيت اني نادري الهلال الا على طاري نادي الهلال من تتوقعون يأخذ كأس اسيا هذا الموسم ؟ والبلنتي حق الهلال صحيح او خطأ؟ لو كان يوسف الثنيان باقي يلعب في الهلال صدقوني كان رشحت لكم بطل البطولة من عام 2000 طيب وش دخل سوالف الكورة في موضوعنا:(123): ارجع للتقرير لا اتفاهم معك تفاهم ثاني :(123): http://www.arabtrvl.com/up/uploads/a...1406026460.jpg http://www.arabtrvl.com/up/uploads/a...1406119530.jpg خلاص بسكم صور تعالوا خلونا نطلع من الفندق عشان نلحق رحلتنا وعشان اخونا هذاك قال نطلع بدري وبصراحة اصلا انا من زمان حاط في بالي اطلع بدري من الفندق لأن رحلتي 10 الصباح وكان ودي اوصل بدري عشان اخلص كل اجراءاتي وخلوني اختصر عليكم قبل تطفشون وتقفلون التقرير قبل أدخلكم تركيا:(41): مااطول عليكم الحمد لله وصلنا المطار الساعة 8 قصينا تذاكرنا وسلمناهم عفشنا ورحت اتسوق وفي طريقي اشتريت لي عطر << عطوني الفيس اللي يبكي بقوة يامدير ظبطوني بالفسيات والا ترى ابيع تقريري هذا على منتدى ثاني:(56): المهم خلوني اعلمكم ليش ابي ابكي انا اشتريت عطري اللي تعجبني ريحته وانا قبل الزواج كنت ادوره وللأسف مالقيته لكن في مطار جدة لقيته وسألت الكشير لو اشتريته يسمحون لي اطلعه الطيارة؟ قال اي مسموح ولاهو من ظمن الممنوعات والحمد لله اشتريته بـ 316 ريال :yolks00640: اشتريته وخذيته معنا ورحنا نفطر وبعد ما افطرنا طلعنا ونسيته على الطاولة << ياليتني علقته في حلقي ولاضاع:(39): العطر نسيته<< وهذي ثاني طعه اسويها ونفسي اعرف وش كانت تقول عني العروسة بخاطرها لكن لحظة الى اللحين باقي ماندري انه نسينا العطر خلاص تعالوا نروح تركيا والله طولت عليكم يالله مشينا بسرعة لحظة باقي ماعلمتكم يوم صرفت فلوس:(158): طيب اجلسوا شوي خلوني اعلمكم انا خذيت 5 الاف ريال سعودي ورحت لبنك الأهلي وصرفتها ليرة تركي وكان الصرف ليرة تركي = 1.85 ريال سعودي وعطيته 500 ريال سعودي عشان اخذ 120 دولار امريكي اتحداكم ليش خذيت 120 دولار؟؟ هذا سؤال الحلقة واللي يجاوب صح بكرة نسحب اسمه ونعطيه جائزة ايفون 6S لا خلاص امزح معكم لا احد يصدق ويوهقني ادري انكم تعرفون :(125): المهم خذيت 120 دولار عشاني تركت الفيزة التركية استلمها من المطار كنت باطلعها عن طريق النت بس كان ودي اعرف شلون اجراءاتها عن طريق المطار ما اخفيكم طلعنا الطيارة 10.10دقايق لأن الاقلاع 10.40 دقيقة لكن للأسف يالخطوط السعودية ما اقلعنا الا 11.40 دقيقة يعني اكثر من ساعة جالسين في الطيارة لدرجة اني عديت كل الكراسي وتعرفت على كل الكاب اللي معي في الرحلة ياشيخ من زود الطفش خلصنا كل السوالف وصرت اسولف مع الركاب عن مغامرات اجدادهم :(155): لا خلاص امزززح والله ماسولفت مع احد اقلعنا الساعة 11 وصلنا تركيا 4 العصر بتوقيتهم لأنهم قبلنا بساعة وخلوني اختصر لكم الاحداث اللي صارت في المطار لأنه سبق وتكلمت عنها في هالموضوع المهم طلعنا مع السواق ابو عبد الرحمن وكانت هذي اول صورة التقطها بجوالي الحبيب في تركيا كانت صورة على السريع وانا في السيارة مع اني اول ماطلعت من المطار صقعني البرد لدرجة ان راسي صدع وصلت الفندق وانا مصدع وللأمانه ماكان ودي اوضح للمدام اني صدعت او تعبت لأنها هي خلقه خايفة من السفر لتركيا وخايفة من موضوع المظاهرات والشغب وخذيت هذي الصورة ما ادري وين بالضبط او كيف او من *.* لكن انا متأكد انها ثاني صورة وحنا في طريقنا للفندق والحمد لله وصلنا الفندق وكان في استقبالنا طاقم الفندق بأكلمه وفرشوا الارض بالورد الأحمر والأخضر والأزرق وملأت الزغاريط ارض اسطنبول احتفالا بقدومي الكريم:(41): ودامكم ماصدقتوا هذه النقطة خلاص انا اكتفي بهذا القدر من التقرير وأتمنى اني وفقت في أختياري للصور حتى وان كانت جودتها ضعيفة لكن انا استخدمت كل التصوير بجوالي الايفون 6 يوووه نسيت اعلمكم انه جاني هدية ليلة زواجي من أخواتي أسأل الله ان يسعدهم لكن خلاص هذا انا علمتكم:(41): واذا فيه بعض الأخطاء الإملائية فغضو البصر:(40): وأول المشاركين في تقريري له جائزة 10 ريال سوى خلاص اهم شيء عطيت جائزة مو لازم اعطيه بنتلي ^_^ وكما بدأنا التقرير بالصلاة على نبينا ننهي هذه الحلقة بالصلاة على نبينا محمد صلى الله عليه وسلم |
هلا وغلا بالعريس المفهي ههههه وش هالتقرير الكشخة .. تصدق ليتني رايح معكم واضح إنك وسيع صدر لو اني محلك كان ما علمت فندق الهيلتون ان معي احد اصلا ! ابخليها تجلس في اللوبي كأني ما اعرفها واروح الاستقبال واخلص الاجراءات ثم نروح سوى الغرفة ولا من شاف ولا من درى خذها خبرة من واحد دايم يجيب اصدقائه في الغرفة والفندق يظن اني لحالي ههههههه لا تنسى التكملة شوقتني والله يسعدكم وين ما كنتم |
اهلين وسهلين عساني اخذت 10 سوا يا أخي اسم الشيخ سعود وش يقول ادخل لحالك واذا الله رزقك بعيال ثاني مره اذا رحت وغي رمسموح لهم بالدخول ادلخ لحالك وهم بعدين يدخلون لو رفض موظف الأمن تدري لازم تروح للشرطه أو البحث الجنائي علشان تدخل ولا تلومهم لصرامتهم النسيان عادي انا اشوف اذا ما نسيت شيء ما راح تنبسط |
أهلا حبيبنا .. مبرووووك .. وجمع بينكم ربي على السعد والود ( سامحنا لو هي متأخره ) قرأت تقريرك مبتسماً ( سردك جميل وروحك أجمل ) بس راعي واجب أجل قلت لها السفرة على حسابي :) هل هي تجربة أولى لتركيا ؟؟؟ وبالنسبة لموضوع الهيلتون وكرت العائلة .. كما ذكر حبيبنا أبو خالد ( البحث الجنائي هو المخوَّل فقط بالسماح لك ) بداياتك رااااااائعة .. أكاد أجزم بأننا سنرتكز هنا بانتظار اطلالاتك وأجزاؤك بشووووق .. |
بارك الله لكما وبارك عليكما وجمع بينكما بخير صدق مروق تعرف ان بكرة مدارس ليش ماكتبت تقريرك فالاجازة ههههه |
اولا مبروك ع الزواج ثانيا تقريرك جدا ظريف و ثالثا متحمسة جدا لمتابعة بقية التقرير في انتظارك |
تقريرك لذيذ و فيه تفاصيل حلوة يسلم ايدك وننتظر التفاصيل |
ألف مبروووك الزواج بارك الله لكما وبارك عليكما وجمع بينكما في خير.. في انتظار باقي التقرير :) :) |
واضح اننا مقبلين علي تقرير رائع كمل يا بطل ونحن متابعين معك |
اللهم صلِ وسلم ع محمد وو آله اجمعين مبرووك ع الزواج اقولها للمره الثانيه :(35): الله يسعدكم ان شاء الله وو يرزقكم بر عيالكم :(149): زين معاك الشقرديه ولا جان ضعتو بتركيا في شي ما نسيته بعد لوول :yolks00730: ناطرين باجي المغامرات :(94): |
| الساعة الآن 01:47 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO