المساعدة في تنظيم رحلة
 

من احلى المواسم بالربيع وو الجو عجيب ان شاء الله ماراح يكون زحمه
اقرا بعض التقارير عن المناطق بتزورها راح تفيدك

الوقت مناسب ان شاء الله
والسواح دائما في تركيا

مشكورين اخواني

انا كان قصدي ان ما ودي احجز فنادق بالشمال يعني امشي واشوف شنو يعجبني عشان جذي قاعد اسأل عن السياح اذا موجودين بكثرة بالشمال او لا بها الوقت

مشكورة اختي على الرد وانا عشان جذي كاتب الموضوع لان ابي اشوف تجارب الاعضاء

ممكن يكون فيه تنقلات كثيرة صح بس السفر راح يكون شباب يعني راح نتحمل شوية

صباح الورد يا غالي




الخطة ممتازة للغاية ،،،


بودي فقط لو قمت بترتيبها بالشكل التالي :



الكويت - أنطاليا 0 تحتاج حجز منتجع زي baia lara وكذلك سيارة ( ضروري السيارة ).

أنطاليا - نفاشهير ( Nevşehir ) ولحسن حظك ، الطيران التركي عنده رحلات مباشرة لها من أنطاليا

بالتعاون مع أندلس جت

رمز المطار ( NAV )

ومنها إلى طرابزون ( تحتاج سيارة ) السكن بدون حجز

والختام إسطنبول




الملاحظات ،،،

5 أيام مدة مناسبة جدا للتمتع بأمطاليا

3- مناسبة في كبادوكيا

5-6 على الأقل في طرابزون وما حولها

وإسطنبول براحتك عاد



المدة بشكل عام أقل من المطلوب

لو تخليها أكثر بحيث تكفي المدن اعلاه راخ تستمتع بإذن الله

والتكاليف ما راح تكون كثيرة حبيب ألبي لو زد 3 أو 4 أيام




وفقك الله وعذرا على التأخير

شكرا اخوي ماجد

بخصوص انطاليا ما ودي استئجار سيارة لانه اغلب الفنادق فيها مكتب رحلات للاماكن السياحية واذا شفت الوضع يسمح ممكن استئجار بس مو اكيد

بخصوص طرابزون راح يكون جدولي النحو التالي:

اول يوم الوصول واستلام السيارة واذا كان الوصول الصباح التوجه الى ايدر واذا مساء راح نظل الليل بطرابزون والتوجه في الصباح الى ايدر (هذا يوم الاول )
وفي اليوم التالي ازنجول والثالث حيدر نبي والرابع صامويلا الاماكن القريبة منها اليوم الخامس المغادرة الى اسطنبول

ممكن جدول طرابزون محتاج شوية ترتيب ان شاء الله اقدر ارتبه على حسب بعد الاماكن وان شاء الله الاعظاء ما يقصرون بالمساعدة

.
.
.


أنطاليا بدون سيارة ولا شيء


المسالة مو بس في الرحلات

المنتجعات بعيدة عن البلد ، واكيد يهمك يكون قرارك بيدك مو بيد المكاتب

قبل كم يوم واحد من الأصدقاء عريس جديد ، نصحته بالسيارة ، إستخدمها مرات قليلة

لكن للأمانة مرررة سعيد بهكي إقتراح خصوصا حين يتحدث أحدنا عن الخصوصية والمتعة فضللا عن كون الديرة صغيرة





طرابزون

إذا عندك 5 لياااااااااااال مو أيام

فهي كالتالي

يومين طرابزون تريح فيها وتزور دير صوميلا وحيدر نبي وهيك

يوم آيدر

يومين أوزنقول ومنها مباشرة للمطار ( ساعة بس - ساعة ونص )


لو 4 ليال تطلع مباشرة أوزنقول حتى لو بالليل

تجلس فيها 3 ليال ( منها يوم لآيدر زيارة يوم واحد )

وأخر ليلة تطلع بدري من أوزنقول تزور دير صوميلا أو حيدر نبي ومنها للفندق وثاني يوم طيارتك.




بالتوفيق

لا اخوي خلاص ازنجول 5 ليالي نفس انت ما تقول

بخصوص انطاليا اهم شي تعرف ان مو الغرض منها زيارة الشواطئ والمنتجعات بس الاهم زيارة الشلالات والتجديف والاماكن التاريخية

المهم الحين فيه شي مهم اذا قدرت استئجار سيارة بانطاليا اقدر ازور منطقة باموكالي (زيارة الينابيع ) بنفس اليوم ارجع

الي قريته باحد الموضيع وكان للاسف قديم شوية ان الطريق يبعد ساعتين ونص بالسيارة

شكرا اخوي والله نصايحك رائعة