|
دعواتــكم ,,, أول رحلـة لتركيـا بسم الله والصلاه على رسول الله ما احب في العادهـ اكتب زي هالمواضيـع يذكرنـي بأيام المنتديات العامه قبل ( ايام الطيبيــن ) للأمانه اشكركم من الأعماق استفدت من هذا الموقع الشيء الكثير وتحمست للسفر الى تركيـا انا والعائلـة ووجدت وافر المعلومات والافادات التي استفدت منها بشكل كبير (( شيء كبييييييييييير يا عمر ي)) أخ بالذكر تقرير العضوهـ ( صقرهـ ) الي تعمقت فيه سطر سطر كنــي معهـم في الرحلـة خطوة بخطوة ومن أجل تقريرها تم تسجيلي في المنتدى الطيب اللي فيه امثالكم ولا احب ازيد في الكلام لاني كذا استرجع ايام اول ايام المنتديات منتديات علي بابا وشلته ................ الخ ولله الحمد والمنه تم تأكيد الحجوزات للطيران الدولي + الداخلي وتم تأكيد الحجز الفندقي ( المؤكد ) كم تمنيــت ان تكون رحلتي في شهر مايو او يونيو لكـن لظروف العمل أنجبرت ان تكون اجازتي في هذا الشهر واللي انا متأكد مو مناسب للشمال التركــي لكـن سفرتي كلها علشان ازونغول وان شاء الله ما تكون مررررررررررره ثلج ولو اني احب البررررد بس عاد موو ثلللج مرررره ما نقدر نستمتع في الطلعات وكذا يعني وحاط في الحسبـان ان شاء الله لفـه ع الشمال التركي بما ان السيارهـ متوفرهـ الانطلاق من طرابزون حيدر نبي سلطان مراد ازونغول ايدير (( وهذي المدينـه اللي حاطها الاخ هوايا شمالي )) ما يمنـع ناخذ فيها جوله من ثم العودة لطرابزون من اجل المطار سبانجا << بحكم انها الفترهـ الحاليه متوازنـه ما بين الشتاء والطبيعـه والجو المتزن والاستقرار باسطنبـول حتى نهايـه الرحلـه ومن ثم العودهـ للأمانه لا اعدكم بتقارير وانشطـه لاني لست محترفا في هذا الشيء لكـن ما اطلبه دعواتــكم لنا بظهر الغيب وكثر الله خيركم اشكر بالأخص كلا من : صقرهـ - عاشق اسطنبول - ماجد الفهـد ( مواضيعهم افادتني كثير ) الراسي مدري الرويسي << يعذرني ما ركزت في اسمه ( استفدت من تعليقاته فيها شغلات حبيتها ) ونحن ولله الحمد جونـا تمشيـه وحب استطلاع أما الاكل والسوق والتسوق آخر الاهمتمات يعني لو تحطني في ذاك الريف الشمالي وقدامي المسطحات الخضراء وفي كوخ صغير وكرسي هزاز وبياله شاهي يا سلام سلم ان شاء الله اقعــد سنـه ما أمل باذن الله عسى الله يغفر لنا ولكم ويسكنا الجنـه أعدهـا لنا مدهـ الرحلـة 25 ليلـة قد تنقص ( حسب الوضع والظروف هنـاك ) ونهايـة اجازتي الفعليه ورجعتي للعمل بيكون في 1-1-2016 م لي عودة ان شاء الله ( اذا الله كتب لما العمر ) ونقول لكم كل سنـة وانتم بخير سبحانك اللهم وبحمدك استغفرك اللهم واتوب اليك الرحلـة ان شاء الله تبقـى لها 7 أيام |
اتنمى لكم سفرة سعيدة صعب هذه الأيام كاسة شاي في الهواء الطلق لبرودة الجو اوزنجول او المناطق الجبلية مثل ايدر (سلطان مراد وشيكر سو او بحيرة السمك ( لاتفكر في الذهاب لها اطلاقا )ممكن نوعا ما في خضرنبي القريبة من طربزون . او مرتفع بوزتابيه في المدينة . عندك منتجع ريدوس والمياه العدنية الجميلة . |
ماشاءالله هذا وتقول ماتعرف تقارير ربي يجعل رحلتك سعيدة وهنية وانا داخله اطلب منك تقرير وعليك بالعافيه مقدمااا على الشاهي والقعدة بالاجواء الجميلة |
أتمنى لك سفره سعيده. .. ونستودعك الله الذي لا تضيع ودايعه. .. |
موفق اخوي بس احذر من الجو البارد كل الود |
احرجتني اخوي بالكلام الطيب :yolks00290: ربي يحفظكم وتروحو وترجعو بالسلامه يارب :yolks00650: |
برد عليكم واحد واحد مرهـ وحدهـ اقتباس:
حبيبي الغالي ( باقر ) المقصد مو اني رايح علشان اقعد هناك واشرب بياله شاهي انا سبقت الجمله بـ ( لو ) ومقصدي يعني انا لو ما فيه شيء عندي غير اني ساكن في كوخ لو اقعد 30 يوم متواصله ما بمل يكفي اتكتك لي براد شاهي على كيف كيفك ويكون ميه ميه عال العال - فهمت مقصدي طالع عمرك اقتباس:
يعافيك الله اشوا مافيه كثافه ثلوج بالفترهـ الحالية زي ما افادنا الحبيب باقر وان شاء الله تكون أيام حلوهـ زي ما انا متوقعهـا يا رب ومن ناحيـه التقرير - والله راح تنصدمين مني لاني ما اظن اقدر اسوي تقارير زيكــم وبيني وبينك سفرتي كلها تمشيات وتغيير جو وماني من هواهـ التصوير للامانه ،، لكــن اذا الله كتب لنا رجعـه بمشيئـة الله سيكون لي دخول بالمنتدى ( لأني لا أدخل النت وقت السفر لان الوقت مخصص لمن هو أهم ) وهنـاك بنشرب الزنجبيل وأشكرك على موضوعك اللي فيه تنبيهات عنه لكــن ولله الحمد الزنجبيل مناسب لي ولمن معــي اقتباس:
اللهم امين ويسعدك ربي يا الغالي اقتباس:
أفـى عليك بس يا رجل ما خليت بلوزهـ ولا جاكيت ولا شال ولا فبع الا وشلته الحيـن أفكر في تغيير بسيط في حجوزات الطيران لزيادهـ وزن الأمتعهـ ما أظن 40 كلغ تكفي ههههههههههههه هذي بالروحـه يعني بالعودهـ وش تتوقع اقتباس:
ليش الأحراج يا كريمــة بالعكس اكثر ما استفدت انا شخصيا هنـا هو موضوعـك وتفاصليـه المفصلــه بكل حدث ومنطقـه شغلك عدل |
انت ضروري تكتب تقرير بعد ماترجع اسلوبك جميل ماشاءالله عليك :yolks00260: |
اخي الحبيب تروح وترجع بالسلامة أحب أنبهك على موضوع صغير وهو التركيز على موعد الرحلة لأَنِّي حجزت الساعة ٠٣٠٠ على أساس أني ابي العصر مع حرصي وتنبيه الشباب فالمنتدى الله يجزاهم خير وراحت علي الرحلة يوم وصلت المطار قالو لي راحت عليك من طربزون الى اسطنبول قلت ابي احجز قالوا الرحلة بعد ٥٥ دقيقة والسعر ممتاز والحمدلله عدت سهالات ياربي لك الحمد |
اقتباس:
وتقولي بعديـن سحب علي ههههههههههههه والله مدري وش اقول لكـــن نروح و اذا الله كتب لنا عودهـ بمشيئـة الله بيكـون المثل الرائــع ( لكل حادثـه حديث ) اقتباس:
امممممممممممممممم حبيبي والله ابو رواء اشكرك على النصيحــه بس دامك حاجز على الساعـه 3 وانت في الفندق تسجيل الخروج بيكون اقصـى حد الساعه 12 يعني دق سلف و رح للمطار الا اذا كان آخر يوم مو في طرابزون هذا شيء آخر لازم الواحد يحسب حسابــه تسلم لي والله على التنبيــه ولكـن ان شاء الله بعين الاعتبــار محسوب هالامر على طاري تقول في احد مواضيعـك بتروح الأحساء رحت والا باقي ؟ انا من سكـانهـا تحيـاتي |
| الساعة الآن 06:19 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO