|
بدأ العد التنازلي للرحلة .. السلام عليكم :69: ندخل في الموضوع طوالي قبل كم يوم واحد عطاني رقم وقال ذولا يوفرون لك سواق ومدري وشو الشاهد عطانا سعر بـ 140$ بدون بنزين طبعاً انا تغاليته، ومن الاساس فكرة السواق ماخشت مزاجي يجلس واحد فوق راسي وبيجلس مقابلني وين ما رحت وبيعرف مكان سكني ووش شريت ووش ما شريت وكيف صرفيتي :11: أنا أميل لبرنامج uber فيه ناس تقول انه فعلياً أوفر من السواق الخاص اذا السواق بياخذ علي 140$ في اليوم والخدمة هذي بتريحيني من سالفة الفلوس المزوره والتسعيره يزود سعر ولا ينقص انا انتعامل مع البرنامج هذي النقطة الاولى سالفة السواق الخاص والتكاسي الموضوع الثاني سبانجا هذي الايام برد وقريت ان فيها شلالات وحديقة طيور تستاهل الزيارة في الشتاء الشلالات ولا اجلس في منتجعي :e123: انا بطلع من اسطنبول وبروح سبانجا بجلس ليلة ثم بروح لبروصا بجلس ليلتين الانترنت اشوف كثيرين يقولون نستخدم شريحة تركية، وانا العادة في سفراتي استخدم شريحة بيانات سعودية تجوال مفتوحة وممتازة واصير مفعلها من السعودية ومريح راسي :52: البخشيش اجباري ولا لا... المدام ماتعترف بسالفة البخشيش نهائي :33::59: وانا اقولها لازم قروش وريال يعني فكات للي يشيل الشنط والمطاعم .. بس مدري وش نظام تركيا اذا هو موب اجباري ما عطيتهم في جبل بورصا بيعطونا جكيتات عند التزلج ولا نرتب امورنا من الحين :1: النقطة الاخيرة الي في بالي الان ، اشوف كثيرين خاصه تركيا يسألون عن تحويل العملات ناس تقول حول كلها وناس تقول دولارات وناس تقول اول ماتوصل تسحب لك مبلغ بسيط تمشي امورك طبعا انا غالبا اطبق الطريقة الاخيرة الي هي اذا وصلت الديرة اسحب من المطار كاش واشتري من اقرب بقالة عشان يعطيني فكات وباقي تعاملاتي بالبطاقة لان الكاش كثرته ملفته للنظر وعرضة للسرقة والضياع البطاقة مايدرون كم معك :44: رحلتي ان شاء الله في 25 ديسمبر :e10d: ودمتم بود :e305: |
نتمنى لك رحلة سعيده تركيا أمن وامان لا نصحك بالسائق في اسطنبول بالنسبة لسبنجا وبورصه انصحك باستئجار سيارة والانطلاق بها الى هناك ثم الى بورصه... في بورصع سيعطونك معاطف وادوات الاتزلج ولكن لابد ان يكون معاكم ملابس اخرى.... بالنسبة لاستخدام البطاقة هو الاسلم ... |
تركيا ديسمبر بااااااردة ثلج |
مثل ما قلت ابتعد عن السائق زود على أنه غالي يصير فوق راسك وما تاخذ راحتك استخدم المواصلات العامة مترو واترام وتاكسي أوفر لك وأريح لك |
اقتباس:
وعليكم السلام و رحمة الله و بركاته اقتباس:
اقتباس:
اقتباس:
وفيه ناس يقولون المتروا افضل ويبدل من منطقة الى اخرى و فيه ناس تمشي مع التاكسي خاصة لو طلعات تكون طويله مثلا تطلع من تقسيم الى السوق المصري ويمكن ينتهي اليوم و انت في نفس المنطقة وماتروح مشوار ثاني ومناطق في سلطان احمد قريبه من بعض اقتباس:
اقتباس:
اقتباس:
الشلالات بعيدة عن بحيرة صبنجة وبحسب ما اعلم حديقة الطيور كذلك بعيدة اقتباس:
غالبا البعض يوصل الى بورصة من البحر و المتمكن ياخذ سيارة ايجار ويطلع بها صبنجة وبالمره يطلع على ازميت ويدخل بورصة عن طريق البر ان كنت بطلع بورصة من البحر وترجع اسطنبول ويوم اخر تطلع على صبنجة شوف كيف يكون ترتيبك اقتباس:
اقتباس:
او عربه كبيره مع الي يشيل الشنط اكيد تعطيه فلوس الشيل و الحط وتتفاهم معاه من الاول احسن بكم لكن المطاعم مش اجباري اكيد الا ان يكون شي من طيب خاطر اكرام ويسمونها اكرام وانت وحضك مع المطعم اما ان تكرمه او يكرمك غالبا لو مطعم في شمال تركيا او خارج اسطنبول يكرمك بشاي دعايه ويسمى اكرام اقتباس:
اقتباس:
لو تقصد سحب بالبطاقة كاش من الصراف جميل ولكن اعتقد عليه ضريبه سحب عن كل مبلغ اقتباس:
اقتباس:
|
اقتباس:
اقتباس:
اقتباس:
اقتباس:
:e444: الله يجزاكم خير على مروركم الكريم بخصوص البرد زي ماقلت انه من الاسباب الي مخليتنا نروح لتركيا هذا الوقت :e048: نقطة السواق هي الان الي شيل وحط، وزي ما قال اخوي ماجد السواق بيريحك في معرفة الاماكن وينصحك ومن عيوبه بعد انه بيكون على راسي لو بجلس في مكان اطول ولا ما ابي اليوم اروح مكان بعيد اقدر على رجولي وكذا وهم يقولون تقاطعنا من الحين على كم يوم مافيه على المزاج وافكر اني اتفق مع سواق مثلا على يومين واذا ارتحت له قلت له بمدد معك :e116: شئ غريب ظهر لي وانا اقلب في قوقل ماب فيه مناطق في تقسيم احياء ما غطتها كاميرات قوقل ليه ؟؟:34: ومره ثانيه اشكركم على مروركم الكريم |
بخصوص ماذكرت فالأخير فأنصحك لا تسكن في تقسيم مع ان المنطقة حيوية الا انها ربما تكون مزعجه نوعا ما تروح وترجع بالسلامة |
بخصوص ماذكرت فالأخير فأنصحك لا تسكن في تقسيم مع ان المنطقة حيوية الا انها ربما تكون مزعجه نوعا ما تروح وترجع بالسلامة |
اقتباس:
لكن الي فهمته من العرب والاجانب ان تقسيم عيبها الاحياء الداخلية، وكثرت البارات خاصه الليل لكن كثير يفضلون تقسيم لان حولك مقاهي ومطاعم وبقالات ومواصلات السلطان احمد عيبه فنادقة قديمه وبدون مصاعد وصغيره بعد فرفره واستفسارات قررنا ناخذ في تقسيم، وان شاء الله اني اكون وفقت في اختياري شكرا على مرورك العطر :e310: |
اقتباس:
|
صباح الورد والناس الحلوة ،،، أولا ،،، حاب أسجل إعجابي بطريقة طرحك وتعاطيك للموضوع بشكل عام ،،، وحاب أضيف كم شغلة مع العلم إن الخبراء قالوا كل اللي ممكن أقوله ،،، ثانيا ،،، بجاوب على أسئلتك على شكل نقاط ... 1. رأيك ممتاز بخصوص الكاش ، البطاقة ما مافي مثلها ، لكن خذ معاك إحتياط كتبت رأيي بوضوح هنا ،،، http://www.arabtrvl.com/vb/t1607.html 2. أوبر ما عليه كلام ، أغلى بقليل من التكاسي العادية وأكثر أمان ،،، والأهم ، السواق الخاص ماله داعي داخل إسطنبول ،،، جربته مرة ، وكان هم أكثر من كونه يخدم ،،، ويجي أيام والله ما طلبناه ولا تحرك من مكانه. 3. سبانجا خيار جيد لو معاك فسحة أيام ،،، رأيي ، قلل المشاوير ، روح بورصا مباشرة ،،، بسيارة تستاجرها من أي مكان وإستمتع بفعاليات بورصة وريح بالك. 4. كل مؤونة التزلج ، خذها معاك من هنا ، اللي عندهم مستخدم ، وغير جيد والجديد غالي عندهم ،،، لكن ممكن تشتري من تركيا نفسها ، من إسطنبول وغيرها ،، الجاكيتات والقفازات وهيك ،،، الأهم ، من عند الجبل لا تحرص. 5. البخشيش أو التب ، مو إلزامي ، بلا شك ،،، لكن وكونه بلد مسلم ، إعتبرها صدقة ،،، إصرف لك 100 ليرة ، خمسات ، واللي تحسه ضعيف عطه وإحتسب الأجر ،،، واللي تحسه معدم ، عطه كذلك بالقدر اللي يعجبك. 6. النت ، جربت كل الخيارات ، شريحة تركية ، أو نت تجوال من المشغل المحلي ،،، وجربت في آخر سفرة هالشركة ،،، ممتاااااااااازة للغاية ،،، والنت أكثر من رائع ... فكر فيها وسوي اللي يريحك ... http://www.arabtrvl.com/vb/t11639.html بالتوفيق |
اقتباس:
سعدت بطلتك العطرة . وشكراً اقتباس:
|
لا يفوتك برنامج هير http://www.arabtrvl.com/vb/t10342.html حمله وبدال ما تتمشى في قوقول تمشى في موقعهم واللي يعجبك خزن إحداثياته مباشرة على حسابك شيء رائع جدا والملابس نعم ، لو إسطنبول هي البداية ،،، خوذوا منها أكثر تميز وجودة وسعر ممتاز جدا بالتوفيق |
| الساعة الآن 02:32 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO