|
تحويل بين الطائرات السلام عليكم ورحمة الله وبركاته عندي استفسار عن حجزي لانه اول مره احجز طيارتين ف نفس اليوم انا حجزي لتركيا الطيران الدولي بيكون لاسطنبول عن طريق الطيران الاماراتي لمطار اتاتورك وبعدها بساعتين بيكون من اسطنبول لانطاليا عن طريق طيران اطلس بعد من نفس المطار اتاتورك سوالي هو : في هذه الحاله كيف بيكون تحويل الشنط؟ وكيف بيكون ختم الجوازات؟ يعني نختم طبيعي كأنه داخلين لاسطنبول ونستلم الشنط وبعدها نسلمهم مره ثانيه لطيران اطلس ولا كيف بتكون العمليه؟ وجزيل الشكر لكم على مساعدتكم الدائمه لاستفساراتي :7::7: |
لا من مطار عمان تخبرونهم بالموضوع ان final destination هو تركيا انطاليا و تراونهم حجوزاتكم كلها عشان هم يحطون بطايق ترانزيت سريع على الشنط و تنقل الى الطيارة المطلوبة بعدين في اسطنبول من تطلعون من البوابة تشوفون وين flight connection و تمشون وراه و تشوفون في لوحة الاستعلامات وين بوابتكم الى انطاليا قبل لا تركبون الطيارة تجيكون من كونتر البوابة ان شنطكم دخلت و بالتوفيق |
اقتباس:
مشكوره كثير على مساعدتك اختي يعني هالشي يصير حتى لو كان الحجزين مش مع بعض يعني كل حجز من موقع غير ؟ |
اي اهم شي تخبرون المطار اللي راح تقلعون منه و تعطونه الحجوزات Sent from my iPhone using Tapatalk |
. . ما قصّرت مشرفتنا الله يعطيها العافية ،،، لكن ، ومن خلال خبرتي ، وربما أكون مخطيء ،،، الحجزين منفصلين ،،، وللأسف الإجراءات لازم تكون بشكل يدوي للأسف ،،، يعني جوازات ، بعدين شنط ، بعدين تشيك إن ،،، ولذلك وحتى توفري وقت ،،، هذا الموضوع فيه كل التفاصيل بحول الله أرجو أن تتبعي الخطوات بشكل دقيق http://www.arabtrvl.com/vb/t3420.html بالتوفيق |
انا مع كلام اخويا ماجد... لان شركتين الطيران منفصلة لازم تكون الاجراءت يدوية .... ونصيحة اختي لو تقدري تغيري موعد رحلة انطاليا يكون افضل واامن لك ساعتين فيها مغامرة ... |
كلام استاذنا ماجد صحيح اذا نفس الشركة الامور سهله مثل ماذكرت و اذا شركة حليفة يشتغلون تحت نفس التيم بعد ممكن تطبيق الامر الخيار الاخير شركتين غير حليفتين هنا لازم تاخذين العفش و تدخلين جكن مرة ثانية على سبيل الفائدة مرة كنت حاجزة على القطرية الى لندن وكان ترانزيتي تقريبا الى ميونخ 3 ساعات والرحلة عبر البرتش ايرويز قمت باخطار مطار البحرين ان رحلتي و وجهتي الاخيرة ميونخ وبالفعل في هيثرو بس غيرت ترمنال و تاكدت من كاونتر البوابة ان شناطي دخلوا وساعات ماتضبط اذا وقت الترانزيت قصير و فيه تنقل بين الترمنالز مثل ماحصل معاي من رحلتي من لندن الى نيويورك الترانزيت ساعة وثلث و بدلنا ترمنل وحتى لم اجد وقت لتاكد من الكونتر فقط دخلنا الطيارة وسكروا الباب :30: لكن ماقصروا البرتش وصلوا الشنط الى فندقنا في نيويورك في اليوم الثاني |
حتى لو يصير بس افضل العملية اليدوية للتأكد |
اقتباس:
|
اقتباس:
|
الله يعطيكم العافية كلام مشرفتنا القديرة مظبوط إذا تحالف وهيك مافي مشكلة للعفش ومتى الواحد يدري عن كون حجزه تحالف ولا لا إذا كان برقم حجز واحد واعتقد في حالة أختنا نور مسقط كل حجز لوحده ولذلك نمشي زي ما قلت لك وشرحت لك ساعتين كافية بإذن الله بس طبقي الخطوات بشكل جيد الخوف فقط من تاخر الرحلة الدولية لو تقدرين تغيري الحجز بدون تكلفة إضافية لا مشكلة لو لا غامري وراح تتسهل بإذن الله |
الله يعطيكم العافيه على المساعده والشرح طيب اذا اني قمت بحجز الطائرتين من نفس الموقع نفس الصوره:66::66: http://www.arabtrvl.com/up/uploads/a...7433831651.png في هذه الحاله بعد اني احتاج انقل الاغراض بنفسي؟ |
. . . |
. . دخلت موقع الخطوط الإماراتية ،،، ووجدت انهم يقومون بمواصلة الرحلة إلى أنطاليا https://dl.dropboxusercontent.com/u/...emp/dxbayt.png ولذلك بكل بساطة إطلبي من موظف الخدمات الأرضية في مدينتك ( في المطار ) أن يقوم بتوصيل عفشك وأغراضك غلى انطالي وزي ما قالوا الإخوان والاخوات روحي للترانزيت السريع والحمد لله :) الأمر الآخر ،،، إذا وصلتي أنطاليا ربما تتفاجئين أن عفشك غير موجود في قائمة الرحلة التي قدمتي عليها !!! وراج تزعلي ويضيق صدرك لو ما حصلتيها :) تراها بكل بساطة موجودة في الصالة المجاورة لصالات الرحلات الداخلية وهي الدولية لإن كل الأغراض والعفش والشنط التي لا يتم فحصها في إسطنبول تذهب إلى الصالة الدولية في المطارات التركية الإقليمية هل وضحت الفكرة ؟ وفقكم الله وسدد خطاكم |
طيب يا اخوان انا حجزت عن طريق الخطوط التركيه الى مطار صبيحه من الرياض ومن مطار صبيحه الى طرابزون عن طريق موقع الخطوط التركيه لكن بعد اتمام الحجز والدفع اكتشفت ان الخطوط الناقله اناضول جت هل اقدر اشيك الحجز حقي من الرياض واستلمه بطرابزون هل الخطوط التركيه والاناضول جت بينهم تحالف ؟ |
اقتباس:
|
| الساعة الآن 09:12 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO