|
شهر العسل ابريل ومايو (11 يوم ) المساعدة والفزعة مطلوبة السلام عليكم يرجى التعديل على العنوان (شهر ابريل ومايو ) وليس مارس وابريل نجهز للقفص الذهبي وشهر العسل راح يكون باْذن الله في تركيا لمدة 11 بدون حسبة يوم الوصول والمغادرة نقاط مهمة : * السيارة تأجير بدون سايق * اخر يومين او ثلاثة في اسطنبول للتسوق افيدوني الله يرضى عليكم ويجزاكم خير |
حياك الله مبروك مقدما الجو يستحق قلة تنقلات لو كنت في شهر 5 كان أقول لك الشمال بداية أبريل لا ،،، عندك خيارين 6 أنطاليا والختام إسطنبول ومنها يوم لبورصا أو 8 الشمال والختام إسطنبول السيارة تحجزها عن طريق رينتال كارز وتاخذ شركة محترمة وهيك سواء في أنطاليا او الشمال بقية التفاصيل بعد قرارك |
مبروك اخوي مقدما ان افضل انك تروح انطاليا افضل من الشمال وهي جميلة للعرسان كل التوفيق اخوي |
اقتباس:
أنا اقصد ابريل ومايو شكراً لك واتمنى توضح لي في الشمال , هل اجعل طرابزون نقطة ثابتة ( سكن) , محتاج جدول مفصل , يعني كم يوم فيها وكم يوم في اوزنجول وايدر وغيرها شكراً لك |
اقتباس:
غريبة ! الشمال شبه اجماع ع انها الافضل شكراً لك |
اخواني الخبراء شرايكم في الجدول التالي - يوم الوصول اسطنبول - ثاني يوم بورصة ( السفر بالعبّارة) ثالث ورابع يوم في ازمير ( السفر بالسيارة من بورصة) - 5,6 انطاليا ( السفر بالسيارة) -7,8,9 طربزون (السفر بالطيارة من انطاليا) - 10 , 11 , 12 اسطنبول |
اقتباس:
بما ان طلع جدولك شهر ابرايل ومايو فالافضل انك تلغي بورصه لانك اذا شفت الشمال راح تحس بالفرق وبعدين السفر بالسيارة متعب من ازمير لانطاليا ما انصحك لانه المسافة طويلة الافضل انك تخلي 5 ايام بالشمال و 6 باسطنبول اول 4 ايام بالشمال و3 بانطاليا و4 باسطنبول طبعا السفر يكون بالطائرة لكل الوجهات وان شاء الله اخوي ماجد يعطينا رأيه بالموضوع بعد |
انا مع الاخ عادل وبانتظار راي خبيرنا المميز |
. . إحمد ربك إن عروستك ما تعرف المنتديات ولا شافت البرنامج حقك :) ويا أبو علي حرام الله إتق الله يا رجل :):):) تبي نعذب البنت في شهر العسل السيد عادل والسيدة عشقي متفقين إنه التنقلات وكثرتها متعبة جدا تخيل حبيب ألبي لسا جاي من تركيا وعندي سفرة للشرقية يوم 6 أبريل وبعدها بأسبوع خارج السعودية ومن الآن أحس اني متعب ومرهق وما طبت من رحلة تركيا وفراقها المهم يا عريسنا - يوم الوصول اسطنبول - ثاني يوم بورصة ( السفر بالعبّارة) ثالث ورابع يوم في ازمير ( السفر بالسيارة من بورصة) - 5,6 انطاليا ( السفر بالسيارة) -7,8,9 طربزون (السفر بالطيارة من انطاليا) - 10 , 11 , 12 اسطنبول هذا ما ينفع إنت قرر تبي الشمال http://www.arabtrvl.com/vb/t271.html أو أنطاليا http://www.arabtrvl.com/vb/t4487.html شوف التقارير وخبرنا ومبدأيا 7 الشمال على الأقل و 4 إسطنبول السفر مباشرة إلى طرابزون يوم الوصول أو 5 أنطاليا والسفر لها مباشرة يوم الوصول و 6 إسطنبول منها يومين لبورصا ( تستاجر سيارة من المطار وتسلمها في فندق إسطتبول ) بورصا تكنسلها لو تبي تروح الشمال تضيفها لو معاك وقت ورايح انطاليا أو إسطنبول وما حولها بالتوفيق ومبروك مقدما وترانا نحب المزح والغشمرة :) لا تزعل علينا وأنا أخوك |
اقتباس:
يعطيك العافية , وملاحظتك جداً مهمة وراح اخذها بالحسبان شكراً لك بقدر جمال الطبيعة في تركيا |
اقتباس:
ههههههههههههههههههههههههههههههههههههههههه بارك الله فيك ع نصائحك ومصداقيتك وباذن الله بتكون بين اسطنبول والشمال والباقي مفهوق لـ بعدين شكراً لك وللأخوان والأخوات كلهم وفي انتظار استكمال التقرير الخاص بالشمال :e305: |
الله يبيض وجيهكم جميع اليوم انقضت ٤ ايام من اجمالي الإجازة والحمدلله رب العالمين والله يبيض وجيهكم ع توجيهاتكم المثرية اليوم الاول قضيناه في السفريات من الدوحة وحتى طرابزون اليوم الثاني جولة في أنحاء مدينة طرابزون اليوم الثالث كان في اوزنجول والجو ممطر اليوم الرابع منتجع ريدوس اليوم الخامس راح يكون في ايدر وراح يكون فيه رافتنق ان شاء الله اذا ناسب الجو والسادس راح يكون في طرابزون مرة ثانية للقرب من المطار ولكن الجزء الثاني راح يكون في اسطنبول وراح نخصص يومين للتسوق و٤ ايام تمشاية ( وين نهج بوه ؟ ) وايش الاسواق اللي اركز عليها غير السوق المصري ( خامات حريمية ، اطقم ) وايش الفنادق المناسبة |
مبروووك الزواج وعليكم بالعافيه السفرة وما انتهى منها ان شاءالله يكون ممتع والباقي امتع يارب السوق المصري والبازار اهم اسواق اذا تبي الاقمشه النسائية والشالات الحريميه التركيه اما اذا تبي اسواق للملابس الجديدة وعلى الموضة روح مول جواهر واستينيا بارك شارع تقسيم فيه محلات موديلات عصريه وجلابيات بس انصحك لا تاخذ منهم الا لما تخليهم يخصمون لك والا اخذ من البازار والله يوفقكم |
مبروك يا عريس شهر عسل سعيد ماقصروا الجميع |
الْلَّهُم بَارِك لَهُمَا , , وَبَارِكـ عَلَيْهِمَا , , وَاجْمَع بَيْنَهُمَا بِالْخَيرَ بالنسبة للإقامة في اسطنبول فكونك عريس فانصحك بالتغيير كالتالي: هذا اذا ماحجزت الفنادق 2 ليلتين في اسطنبول واقترح عيك فندق ماريوت ششلي ظپظ†ط¯ظ‚ ظ…ط§ط±ظٹظˆطھ ط§ط³ط·ظ†ط¨ظˆظ„ ط´ظٹط´ظ„ظٹ (طھط±ظƒظٹط§ ط¥ط³ط·ظ†ط¨ظˆظ„) - Booking.com 2 ليلتين واقترح عليك فندق RADISSON BLU BOSPHORUS ظپظ†ط¯ظ‚ ط±ط§ط¯ظٹط³ظˆظ† ط¨ظ„ظˆ ط¨ظˆط³ظپظˆط±ظˆط³ (طھط±ظƒظٹط§ ط¥ط³ط·ظ†ط¨ظˆظ„) - Booking.com 2ليلتين في اسطنبول واقترح عليك فندقSURA HAGIA SOPH ظپظ†ط¯ظ‚ ط³ظˆط±ط§ ط¢ظٹط§ طµظˆظپظٹط§ (طھط±ظƒظٹط§ ط¥ط³ط·ظ†ط¨ظˆظ„) - Booking.com |
| الساعة الآن 07:01 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO