|
استفسار عن الشمال التركي السلام عليكم ،، عندي كذا استفسارياليت اللي عنده خبره يفيدني الرحله اذا ربي كتب راح تكون 10 ايام وطبعا اول مره نزور الشمال التركي اول يوم راح يكون في طرابزون للراحه من طرابزون الى ايدر ليلتين تكفي او لا ؟ وهل تستحق الزياره؟ من ايدر الى اوزنجول 3 ليالي من اوزنجول الى طرابزون ليلتين ... وابي اسأل عن اجار السياره ايهم افضل الحجز من موقع او من مكاتب في طرابزون وتنصحون بالسواق او لا ؟؟ والجو في شهر مايو كيف يكون ؟؟ ويعطيكم العافيه مقدما |
وٍعَلْيّكَمُ الْسَلآإمّ وٍرٍحَمُةٌ الله وٍبُرٍكآإتَهّ طرابزون و ايدير المكوث ليلتان تكفي و توفي واوزنغول ليالي منصفة ومرضية حجوزات النت للسيارة فيه مواقع شهيرة ومعترف فيها بس العيب الشرعي ممكن تحجز سيارة ولا يعطونك اللي انت اخترتها الحجز المباشر افضل وتشوف على عينك العيب الشرعي بس في المواسم مع الزحمة ممكن ما تحصل الخيار اللي يتناسب معك كذا اتمنى اني جاوبتك بالمختصر المفيد اووووه صح سواق خاص يوديكم جولة معينة ليوم معين مافي مشكلة بس يكون مرتبط معكم طول الرحلة بتفقدون كثير من الخصوصية والمتعة تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
توزيع الايام رائــع لو تقدر تزيد اوزنيجول يوم كمان استاجر السياره الخاصه من مكاتب السيارات في مطار طرابزون والسياره الخاصه ممتعه جدا رحلة سعيده |
لو استأجرت سيارة من طرابزون ممكن اسلمها باسطنبول ؟؟ |
بينانغ مشوااااااااااااااااارر يا شيخ هذي ما يسويها الا ماجد القطري راعي خطوط [emoji16][emoji16] تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
ماشاء الله تبارك الله جدولك حلو ويشبه جدولي في زيارتي لشمال تركيا بس صراحه ندمت على قصر الفتره تمنيت كانت اطول وبخصوص السيارة انصحك تحجز من بدجت سواء حجزت من هنا او هناك وموفق يا غالي ولا تنسانا من التقرير |
اقتباس:
وبكم الاجار اليومي للسيارة من بدجت ؟؟ وكيف نظامهم والتأمين .؟؟ |
اقتباس:
أخ ينابيع أنا استاجرت سياره من مطار صبيحه ورحت بها من اسطنبول الى اوزنجول على الطريق الساحلي البحري خط الشمال وفي الرجعه على الطريق الهاي واي السريع لكن انصحك الافضل انك تروح الشمال طيران اسال مجرب بتتعب بالفاضي الاّ اذا كنت من محبين الاكتشاف ترى مافيها اي توفير فلوس لانّك اذا استلمتها في طربزون وسلمتها في اسطنبول يحسبون عليك السعر مدبول واذا عزّمت تسويها قل لي تحياتي :13: :e15a::e32e::e32e::e15a: |
اقتباس:
حاولت ارسلك ع الخاص وما قدرت ما بعد وصلت 50 مشاركة مع اني من اوائل الاعضاء من عام 2007 ولكن مع تغيير المنتدى احتفظت بنفس المعرف ولكن طارت المواضيع والمشاركات السابقة التي كانت تصل ل 1000 مشاركة تقريباً المهم :: انا من هواة الاكتشاف فعلاً ومو قصدي توفير أبداً حاب أجرب الخط والتمشية واشوف الطبيعة والمدن والقرى ولو ما قدرت أجد سيارة أفكر بباص سياحي من طرابزون الى اسطنبول وما فيه مانع من الاستراحة يوم بمدينة بمنتصف الطريق يهمني كيف السواقة عندهم والامان بالطريق لان معي عائلة كذلك الطرق والاستراحات الي بالطريق ومعاملة الامن بالطريق الخ... انا حاجز طيران من اسطنبول طرابزون الرجعة ابخليها رحلة برية خصوصاً مع الاجواء الربيعية انتظر ردك |
اقتباس:
أهلاً بسميي سامي العزيز :6::6::6: فعلاً حسافه على مواضيعنا الّلي ضاعت في المنتدى القديم انا حاولت اعيد بعضها وموضوع رحلة طريق ساحل الشمال التركي صورها انحذفت من ملف الصور . المهم يوجد طريقين بين اسطنبول وطرابزون واحد على الساحل الشمالي البحري بمحاذاة البحر الاسود , والثاني طريق هاي واي سريع الفرق بين الطريقين ان الساحلي ضيّق ومتعرّج وفيه خطوره لكنه روعه لمن يحب المغامره والاكتشاف كانت امنيتي من سنوات اني اقطع هذا الطريق وحققتها ولله الحمد والشكر بتشجيع الاهل الطريق الثاني الهاي واي السريع عادي وتقدر تسوق فيه بسرعة 140 كم ساعه الطريقين يلتقون في تقاطع واحد في مدينة سامسون اناكان خط سيري في الروحه كنت حاجز في سبانجا , وبولو فلذلك طلعت من اسطنبول الى سبانجا ليلتين وبعدها ليلتين في بولو لان يوجد قبل الوصول الى بولو بمسافة 30كم بحيرة ابانت وبعد المبيت فيها غادرناها رجوعاً الى مدينة دوزجيه ومنها صعدنا متجهين الى الطريق الساحلي الشمالي وبيّتنا في فندق ديديمان في مدينه اسمها ( زونجولداك ) على البحر وانطلقنا منها الة طرابزون ........... وفي العوده رجعنا على الطريق السريع الهاي واي وحط رجلك من طرابزون الى اسطنبول خطين وفاضي واي سؤال عندك انا مستعد في الخدمه |
| الساعة الآن 12:43 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO