|
أنا في أمس الحاجه لردكم علي وبأسرع وقت 🌹🌹 السلام عليكم ورحمة الله وبركاته أخواني وأخواتي الكرام أصحاب الخبره في السفر إلى تركيا أبي منكم المساعده إن شاء الله في إجازة هذا العام راح أزور تركيا ولأول مره وياليت تجاوبون على أسئلتي 1/ ايهما أفضل حجز التذاكر عن طريق الخطوط التركيه أو طيران ناس وايهم أقل تكلفه الحجز عن طريق النت أو مكاتب السفريات لاني حاولت احجز عن طريق النت لكن أبي تواريخ مختلفه علشان أحجز التاريخ والتوقيت اللي يناسبني بس ماحصلت اللي عرفته أكتب التاريخ فقط فاهمين قصدي 2/ أنا معلمه لي تخفيض أنا وأولادي الطلاب أو لا وهي تشمل الطيران وكيف أقدم الاثباتات 3/ زوجي عليه خط ثابت من سنين طويله لم يسدد الفاتوره هل يكون اسمه موجود في سمه وهل يمنعونا من السفر 4/ اي الاشهر أفضل في السفر لتركيا شهر 10 و 11 طبعا بالهجري طبعا أعرف إني ماتأخره في الحجز بس شئ أفضل من لاشئ |
وٍعَلْيّكَمُ الْسَلآإمّ وٍرٍحَمُةٌ الله وٍبُرٍكآإتَهّ اذا الحجز ما بين الاثنين فاختاري الخطوط التركية الحجز من النت اقل تكلفة من مكاتب السفريات التخفيض لتذاكر الداخلية ما يشمل الدولية الا اذا انا غلطان قايمة سمه مالها علاقه بالسفر مو مرتبطه شهر 10 الهجري يصادف اغسطس الميلادي يعني بعز الموسم والزحمة وغلاء الاسعار فاحجزوا من بدري تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
الله يعطيك العافيه أوكسير ماقصرت طيب والأجواء عندهم معتدله والا حاره متأكد إن سما ماله دخل بالقروض اللي لم يتم تسديدها أي متعثره لان الكل يقول لازم تسددون مخالفات وووووو شاكره لك سرعة إجابتك على استفساراتي كما عهدناك في المنتدى عضو فعال ومتميز وياليت من له رأي آخر يذكره لي وشكرا |
لا تخلطين الامور او اعطيني الصوره صح علشان اعرف ارد اذا فيه مخالفات مروريه لا يتم تجديد او استخراج جواز السفر اما جواز سفر صالح ساري المفعول فيه اكثر من 6 شهور عادي ماله علاقه المخالفات ولا التعثر بالبنوك ؟؟؟؟ اما الاجواء اسطنبول بالنسبه لكم بتكون حاره بس الشمال التركي اجواء ربيعية وتميل للبرودة باستثناء المددن الساحلية تغلب عليها نهاراً الرطوبة تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
لا ماعندنا مخالفات مروريه ولله الحمد بس سمعت أنه كل شئ مرتبط بالسفر حتى التأخر بسداد الاتصالات أو البنوك أخي مشكور وصلت المعلومه طيب الله يجزاك خير ماعليش أزعجتك فيه من خلال الحجز بالنت جدول للحجز موضح فيه تواريخ عديده للحجز ووقت الوصول والمغادره بحيث اختار اللي يناسبني والاسعار لاني لاول مره راح أحجز عن طريق موقع الخطوط التركيه |
[emoji257].. صباح الخير ..[emoji257] نعم اختي الحجوزات تعتبر لعبة تكتيكيه بالنسبة لي يعني تحاولي تصطادي الايام المناسبة لك باقل الاسعار على سبيل المثال يعني ممكن تلقين تذكرة يوم السبت الف ريال ويجي الاحد تشوفينها الف وميتين يعني تختاري انتي الذهاب والعودة وهكذا واذا انتوا بالمنطقة الشرقية عندك خطوط بيجاسوس التركية رحلات مباشرة لاسطنبول - صبيحة والفرد ذهاب وعودة ما تتعدى 800 ريال او تزيد وتنقص تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
نصيحة: اذا لك خبرة في التعامل مع المواقع الالكترونية وكيفية الشراء من النت اوكي علشان ما تتلخبطي وممكن يضيع عليك شيء كما احب التنويه : الشراء من الفيزا للتذاكر الدولية يجب ان تكون الفيزا لاحد المسافرين او يكون صاحبها موجود معكم وقت الرحلة يطلعكم تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
صباح النور أخي الله ينور دربك أنرتني بالمعلومات المفيده أنا من القصيم وللأسف ماعندي فكره عن شراء التذاكر من النت يعني برأيك أريح رأسي وأروح للمكاتب يعني صعبه وما أقدر أحجز اللحين والدفع بعدين سؤال أخير أنا عندي صرافتين الراجحي والبلاد هل تفي بالغرض أو لابد من الائتمانيه واذا عندك نصائح هامه لي أخي الفاضل والله يكتب لك التوفيق وراحة البال يارب |
اهلين اذا على كذا احجزي من المكتب وريحي راسك زيادة 200 - 300 ريال ماهي مشكلة عظمى و يمكن اقل البطاقات البنكية تشتغل عادي بس انتبهي لامر مهم انك تفعيل البطاقة دولياً يعني تكون صالحة للشراء من خارج المملكة الراجحي والبلاد فيهم هالشيء مع اني اشوفه سلبي بس كنوع من الحماية اتذكر انا في ماليزيا اتصلوا علي البنك السعودي للاستثمار وقت سويت بس عملية كشف حساب يبون يتاكدون انا صاحب العملية او لا وبعدها في تركيا ما اتصلوا علي يعني العملية تفعيل من اول مرة الامر الثاني البطاقات البنكية ما تكون اكثر فاعليه في الخارج لان كل عملية سحب او شراء يكون فيها رسوم وليست كلها تكون معتمدة في المحلات ؟ لهذا انا انصح و بشدة تستخرجي بطاقة فيزا مسبقة الدفع يعني زي بطاقة سوا تكلمي على قد الرصيد تدفعي على قد المبلغ اللي فيها وانا عندي بطاقة فيزا من الراجحي فيزا - تسوق عملية ومريحة ومعتمدة في كل الاماكن اللي رحت لها .... واي خدمة حاضرين والاعضاء ما بيقصرون كذلك تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
| الساعة الآن 01:14 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO