استفسار: الخطوط التركية + اناضول جت + تحويل عمله
 

السلام عليكم ورحمة الله وبركاته

مساكم الله بالخير شباب

رحلتي ان شاء الله الاسبوع الجاي تاريخ 1 مايو الى اسطنبول ومن ثم الى الشمال التركي ..

استفساري ان رحلتي على الخطوط التركيه من الرياض الى مطار صبيحة

ثم رحلة مواصله بعد 4 ساعات على اناضول جت الى طرابزون

هل اقدر اطلب من الموظف في الكاونتر مطار الرياض انه يشيك لي العفش بحيث اني استلمه بمطار طرابزون مباشره ولا مايمدي

حسب ماسمعت ان هناك تحالف بين الشركتين واني استطيع عشان افتك من سالفة استلام العفش من صبيحه وتشييكه في كاونتر الرحلات الداخليه ..


ايضا ً استفساري عن محل معروف لتحويل العمله في طرابزون.
نصيحتكم يا اخوان جزاكم الله خير ..

اخوي تقدر لكن الافضل تخلي الحال كما هوا عليه لان في وقت 4 ساعات كافية للانتقال من الصالة الدولية للداخلية...
لان ممكن عفشك يتأخر بالترانزيت ومايوصلك بنفس الوقت ممكن تستلمو بعد كم يوم...
بالنسبة لمحلات تحويل العملة ماعندي فكرة الاخوان يفيدوك ان شاء الله بس الافضل خد معك ليرة من الرياض والباقي دولارات لان سعر الصرف تقريبا مايفرق ولو احتجت اتوقع محلات الصرافة في وسط ميدان طربزون...

يعني ما نستلم الشنط اساسا في طرابزون ؟؟
لازم نستلمها في مطار صبيحه بعدها نروح للمطار الداخلي لرحلة طرابزون على الاناضول؟؟
اول مره احجز بالتركيه والاناضول وماعرف وش الطريقه اخاف اتوهق
احد يعلمني النظام هناك والاجراءات اللي تصير الله يعافيكم

بخصوص العفش ممكن يفيدك موظف الخطوط بالمطار هل يتم شحن العفش حتى مع الخطوط الأخرى أو لا
ومعك وقت طويل افضل لك تستلمها وتضمنها وتشحنها لرحلة طرابزون

وبالنسبة للصرف أفضل طريقة أنا اسويها وكذلك حسب كلام الاعضاء هنا ومنهم العضو الكبير ماجد الفهد وهو السحب من بطاقة الصراف العادية للبنك تبعك
ولكن اذا سحبت أسحب مبلغ كبير لأن الرسوم على العملية وليس على المبلغ

البنك يعطي أفضل سعر

وترتاح من نقل الفلوس سواء الريال السعودي أو الدولار وتبلش بتدوير محلات الصرافة

محلات تحويل العملة متوفرة بكثرة بمنطقة الميدان بطربزون.
واذا ما حصلتها ممكن التصريف من محلات باعة الذهب بنفس المنطقة.