|
استفسار عن رحلتنا الى اسطنبول والقريب منها ,, داخله على الله ثم عليكم وفزعتكم" صباح الخير استفساري احنا عائله مكونه من 7 اشخاص وبيرافقونا ناس من جماعتنا وسفرتنا بتكون ان شاء الله بأوقست اول مره نزورها ومدة الرحله ان شاء الله 12 يوم ناوين نروح اسطنبول وبورصه ويلوا وسبانجا وابانت وناوين نستاجر سياره بسائق اذا ربي يسر هل الافضل نسكن باسطنبول ونروح نزور هذي الاماكن مثلا اليوم الاول نكون باسطنبول اليوم الثاني نذهب لبورصه والعوده بنفس اليوم لاسطنبول واليوم الثالث نذهب ليلوا والعوده بنفس اليوم وكذلك الحال لسبانجا وابانت ام الافضل نسكن ببورصه او يلوا اوسبانجا او ابانت نعتمده ل6 ايام ((مشورتكم في ايهم افضل للسكن من ناحية الاوفرسعر والاجمل مكان)) ونتنقل من مكان السكن لهذي الاماكن والعوده تكون بنفس اليوم وال6 الباقيه تكون السكن في اسطنبول خلاصة الكلام سكن واحد لمدة 6 ايام في احد من هذول (ابانت او بورصه او يلوا او سبانجا ) والتنقل للبقيه منه وسكن واحد ل6 ايام في اسطنبول انتظر الرد لتتم الحجوزات شككرا لمجهودكم:e306::e306: |
رحلة ممتعة نتمناها لكم موفقين ارجو الاطلاع على تقارير الاعضاء ستجدون الكثير مما سيعجبكم بس العنوان مضخم شوي ( مبالغ به ) تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
وعليكم السلام كل هذي المدن التي ذكرتيها تقع في نفس الاتجاه ولو انك كل يوم بتروحون وترجعون من نفس الطريق لاهدرتوا وقتكم وتعبكم لعدم خبرتكم اكيد السائق رايح ينسق لكم لكن اذا حجزتوا السكن مايكون فيه فايده بعدين التنسيق لذلك رايح انسق لك لان جميع هذي المدن رايح لها انتظري رأيي واختاري تعملين برأيي او ورأي بقية الاعضاء |
المشكله لو سكنتوا هناك بيكون موضوع المواصلات صعب توفير سايق هناك ياخذكم من صبنجة ويوديكم يولوا وابنت وبورصة اعتقد روحة ورده افضل ممكن تشبكون ابانت مع بورصة وسبجة لحالها و السايق باخذ عليكم اكثر لو بيكون معاكم بهذي المناطق طبعا الاجمل بينهم سبنجة |
يعطيك العافيه اخوي اوكسير :24: (المعذره ..لانو جد محتاجه المشوره من خبراتكم وفزعتكم حتى اتمم الحجوزات لرحله مكونه من افراد كثار والحمل ع عاتقي في التخطيط ) |
اي اتفقنا مع سايق هو اللي بيكون مسؤل عن تنقلاتنا باذن الله وبانتظار رايك اخوي سامي 224 يعطيك العافيه:e032: ماجد القطري مشكور يعطيك العافيه بحط رايك بالحسبان:72: |
اقتباس:
اتفقتوا مع سايق اوكيه لكن لاتحجزين الاّ بعد التفكير واختيار الافضل المشكله التي بغيت انبهك لها هي في الاختناقات المروريّه بين هذي المناطق والمدن التي بتزورونها وبين اسطنبول لأن جميع هذي المدن اذا بتوصلين لها من اسطنبول لابد تمرون على منطقة شديدة الازدحام والاختناقات المروريّه الشديده وفي حالة حصول حادث مروري والحوادث تتكرر على طول هناك توقف الحركه بالمرّه , خصوصاً منطقة جسر البوسفور يعني حوالي سبعين كيلو متر أو اكثر رايح تمرون عليها كل يوم في شدّة الازدحام هذي المسافه عاديّه لو مايوجد ازدحام ولاحتجتوا فقط اقل من ساعه لاعادة قطعها كل يوم لكن في مثل هذا الوضع تحتاجون اكثر من ساعتين ونص في اقل تقدير والتجربه خير برهان .................. الحل برايي لتفادي هذا يكون انكم تحجزون في سبانجا يومين : اليوم الاول تزورون بحيرة سبانجا وعند الغداء تروحون منطقة معشوقيه القريبه منها ربع ساعه بالسياره فيها مطاعم روعه تحت غابه جميله من الاشجار والنهر يجري والمطاعم المتعدده للغداء وعند موقع المطاعم نفسها فعاليّات العاب متنوعه تقضون لكم وقت سعيد واذا حبيتوا تصعدون الى مرتفعات الكارتبّه من نفس تقاطع الطريق يوجد لوحه ارشاديّه في الاعلى المنطقه براد ونسيم عليل في عز الصيف وفيها منتجع جرين كارتبه هوتيل واذا معاكم اطفال وشباب يوجد تاجير سياكل للتمشيه والتنزه بعدها تبيتون في الفندقكم بسابنجا والصباح بدري تطلعون متجهين الى بحيرة ابانت على طريق مدينة بولو وقبل الوصول لبولو بحوالي ثلاثين كيلومتر في اتجاه الميمن يوجد منعطف البحيرات ومنها بحيرة ابانت ورايي ان بحيرة سبانجا افضل منها بكثير وتكفي عن العنوه لها لكن اذا كان معاكم سائق تركي خبير اكيد بيعرف المنطقه والمنتزهات والغابات الجبيلّه واذا كان ناصح معاكم رايح يتمشى بكم وتستمتعون بجمال المنطقه وتقدرون تزورون وسط المدينه . وبعدها ترجعون للمبيت في فندقكم في سبانجا .................... وفي صباح اليوم التالي اتجهوا الى مدينة بورصه وعلى طول الى التلفريك لصعود جبل الالوداغ وعند المحطه العلويّه ساحه بها التمشيات وبعدها تصّلون ثم الى مطاعم الشواء بالمنقل تشترون لحومات مثل الريش والكفته والستيكات وقطع الدجاج المتبّله من نفس المطعم وهي نيّه وانتوا تشوون على المنقل في الهواء الطلق ويجيبون لكم المقبلات الى الطاوله لتختاروا الذي يعجبكم و سعر كيلو اللحم تقريباً سبعين ليره ............ بعد الغدا تنزلون مباشرة ولكم الخيار تروحون الشجره المعمّره لشرب الشاي والقهوه او الاتجاه الى اللونا بارك حديقه عائليّه للمرح والنزهه وتمضية الوقت الجميل . بعدها لكم الخيار في المبيت في بورصه لزيارة السوق المغطى في صباح اليوم الثاني وهو سوق يستاهل تقضون فيه يوم كامل للتسوق والتمشيه وبعدها زيارة حديقة الحيوانات او .................. تتمه |
لي رأي آخر اسطنبول ويلوا وبورصة بشهر ٨ حارة جدا جدا |
أو اذا ماحبيتوا تبيتون في بورصه فتتجهون بعد قضاء اليوم فيها الى مدينة يلوا وهي مدينه بها الميناء للقادمين عن طريق البحر وبالقرب منها (ترمال) ترمال هي منطقة حمامات المياه الكبريتيه الصحيه الساخنه وبها عدّة فنادق والمنطقه جميله وجنّه لابد من زيارتها لتكتمل زيارتكم لتركيا تقدرون تاخذون لكم حمام خاص عائلي او فردي بالساعه وبعد الخمام يوجد درج 0سلالم تصعدون منه الى سوق وبسطات جميله جداً شعبيّه في مدخل القريه تشترون لكم بعض الفواكه والهدايا البسيطه واذا حبيتوا السكن ليله في القريه فيوجد بها فنادق وشقق رخيصه حسب خبرتكم في التعامل ................ الاهم انكم بهذي الطريقه تكونون وفرتوا وقتكم وتعبكم من الروحه كل يوم والرجوع في نفس الطريق وهذا مستحيل ولو جربتوه رايح ماتقدرون تكملون لان بتقضون كلوقتكم في الطريق هل تعلمين كم ساعه وفرتوا بهذي الطريقه ؟ هذا رايي ولكم الخيار |
....... |
| الساعة الآن 08:59 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO