|
برنامج شامل لاجمل مدن الشمال التركي ؟ احبتي اعظاء هذا المنتدى الرائع وزواره !!! احتاج رايكم بعد ان سحرني الشمال التركي بكل ما فيه من مدن وولايات في هذا الجدول التالي في شهر مايو 2015 من مطار اسطنبول على طول في 1 مايو الى سامسون ليلتين اوردو 3 ليالي ريزا 4 ليالي لازور منها اوزنجول والسلطان مراد وايدر طرابزون ليلتين والعودة منها الى المطار اسطنبول 4 ليالي في السلطان احمد طبعا الى الان لم اعتمد الجدول بشكل نهائي ولاكن احتاج الى ارائكم ومقترحاتكم تقبلو مني كل التحايا والتقدير والاعجاب ☺ |
رد: برنامج شامل لاجمل مدن الشمال التركي ؟ جدولك معقول بس اسمح لي بحكم ترددي على هالمناطق اقترح عليك ريزا لا تسكن فيها والاربع ليالي ليله ايدر وثلاث ليالي اوزنجول خصوصاً توقيتك ما راح يكون زحمه وبتتخير من الفنادق الي يناسبك واقرب لك واريح يعني سلطان مراد جنبك وانت وسط اوزنجول بدل المشاوير اقترح عليك اذا ميزانيتك جيده فندق اوندر في اوزنجول بصراحه حلو وعندهم سبا جيد ولا تنسى بوفيه العشاء الفاخر ( تخبر في البرد تحتاج تضرب بالخمس ) |
رد: برنامج شامل لاجمل مدن الشمال التركي ؟ اقتباس:
تقول جدولي معقول معنى كذا ما عجبك ؟ بحسب خبرتك انا ما ودي اسكن في اوزنجول لانه معايا طفل عمره ثلاث سنوات واخاف عليه من البرد الشديد خاصة في الليل ؟ احتاج رايك واراء الاعظاء الباقين تحياتي لك وللجميع |
رد: برنامج شامل لاجمل مدن الشمال التركي ؟ ^^^^^^ من حين عاد اكلهم زين والواحد يرجع بكم كيلو إذا رجع فرجاء يالشايب :) لا تورط العالم بالمطعم وأم خمس :):):) الله يسعد قلبك أنا مع أبو سليمان قلبا وقالبا تخطيط مميز جدا ، بعد التعديل ، ريزا خيار جيد مو حاب تكمل في أوزنقول الأهم برأيي لا تحجز إلا على عينك ترى ما عندك أحد صدقني راح تحصل على أفضل الأسعار لو فكرت في ريزا جرب فندق دي دي مان موقعه على البحر ، في النص طبعا ... الاهم ... وأكرر خلي جدولك مفتوح بدون حجز فقط أول ليلتين اللي في سمسمون والسيارة تسليم سمسون وإستلام طرابزون بالتوفيق |
رد: برنامج شامل لاجمل مدن الشمال التركي ؟ اقتباس:
تحياتي لك ماجد واسعدني مرورك انا قلت هذا الجدول والترتيب ما يعجب الا مراقبنا ماجد الفهد لانها هذي كلها من توصياتك وشكرا على تواصلك الدائم معاي تحياتي لك المعطرة برائحة المسك والكادي |
رد: برنامج شامل لاجمل مدن الشمال التركي ؟ ههههههه الضرب بالخمس والله في انطاليا .... لعنبوا شيطانهم يوهقون ذا المنتجعات اغلبها ( شامل كلياً ) يعني فطور وغدا وعشا ... هذا غير السناك والخرابيط الي بين الوجبات ! مشروع تسمين مهيب رحله :essen::essen::essen: بخصوص جدولك حبيبنا عادل بالعكس انا اقول معقول طبعاً على حسب احتياجاتك انت ولو كان موب عاجبني قلت لك ... بس على قولتك دام معك اطفال وخايف من البرد تحت الجو حلو بس طبعاً زي ما قال لك ابو غسان خل حجوزاتك هناك لان يمكن يطري لك تمدد في اوردو يمكن تفكر تروح كولاكايا والمناطق الجبليه الي حول اوردو .... وبالتوفيق واذا لزمك شي حاضرين بكون هناك انا بمشيئة الله بنفس الفترة تحياتي |
رد: برنامج شامل لاجمل مدن الشمال التركي ؟ الله يسعدك يا كبير أنطاليا ... عاد شيء ثاني ... مشروع تسمين ع قولتك :) |
رد: برنامج شامل لاجمل مدن الشمال التركي ؟ لا زيارة على كلام الأخوة بخصوص البرنامج ... ولكن ريزا والسلطان مراد يكفيها زيارة ثلاث ساعات .. ويوجد منتجع ريدوس في ريزا الشاي ولكن لمن يرغب الاسترخاء ويوجد في برنامجه ايام اضافية ولا أرشحه لك بذلك التوقيت ولكن سوف أرشح لك فنادق في هذا الرحلة المباركة : - السلطان أحمد .. فندق اركاديا Arcadia Blue او فندق Azade أزادي - سامسون .. فندق Anemon Samsun Hotel - أردوا .. فندق أنيمون أوردو - ايدر .. فندق Kackar Resort hotel - اوزنجول .. فندق Sirin Motel Uzungol |
| الساعة الآن 12:26 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO