|
الجدول محيوس السلام عليكم ورحمة الله حجزت مع رحلات العجاجي من الرياض الى طربزون من تاريخ 2016/5/21 الى 2016/5/29 وحاجزين لنا سبع ايام في اوزنجول واليوم الاخير في طربزون انا احب الطبعه بس مابي اقضي سبع ايام في اوزنجول ودي اروح اسطنبول يومين طبعا عرض العجاجي غير قابل لتغير بس انا دفعت لهم حق العرض 6500 وافكر اسحب على كم يوم من اوزنجول واطلع اسطنبول واخذ فيها يومين ورجع طربزون اخر ليله طربزون افكر انه ازورها في الوقت اللي اكون فيه مقيمه في اوزنجول بحكم قربها وارجع اوزنجول لن احس اليوم الاخير اللي بقضه فيها ماراح يمديني اشوف فيها شي والمشكله انو اذا طبقت افكاري وسحبت على يومين من اوزنجول واروح لسطنبول راح تزيز عندي التكاليف يعني راح اطر ادفع اضافي طيران ذهاب. وعوده وراح اطر الى اني اخذ سياره بسواق وبعد بدفع تكاليف فندق ليلتين هل ستكون مكلفه هذي اليومين حسب خبرتكم وكم تتوقعون التكلفه انا ميزانيتي عشر الاف غير شامل حسبة المبلغ اللي سبق ودفعته لشركه ابي تنسيق حلو لرحله ابي ارجع وانا راضيه ع الاماكن اللي زرتها كم تتوقعون اسعار السواقين لمدة يومين في اسطنبول وبعد تذاكل السفر من طربزون الى اسطنبول ذهاب وعوده ؟ وسلامتكم |
تكفي وتوفي بس اذا مالهاش لزمة ما يحتاج خلووها بوقت ثاني تكونوا مرتاحين طرابزون - اسطنبول شخصين مو مكلفه ذهاب و عودة تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
اقتباس:
اسطنبول ماتسوى تتعني لها يومين بس غير الوقت اللي بيضيع في الطيران والمطار استمتعي بالشمال التركي وأجواؤه خصوصا في مايو يكون ربيع والدنيا كلها خضااار وطبيعة تفتح النفس وخلي اسطنبول سفرة تانية ان شاء الله خصوصا إنه المدة قليلة بالنسبة لطرابزون عادي تقدري تروحي من أوزنجول للأماكن السياحية اللي فيها والسبع أيام في أوزنجول إذا انتو مرتبطين مع جروب سياحي أكيد راح يأخذكم على أكثر من مدينة وإذا لا أنصحك تستأجروا سيارة بالنسبة لسواق في اسطنبول من 120-150 دولار لمدة 8 ساعات في اليوم تذاكر السفر تختلف بس تقريبا من 350-600 ريال ذهاب وعودة حسب خطوط الطيران والدرجة اقتصادية أو بزنس ورحلة ممتعة يارب |
اوكسير فتاة الدمى جزاكم الله خير هل من راي ثالث ورابع !؟ :43: |
ابي اسال بعد عن العبايه في تركيا هل اللون السائد عندهم هو اللون البني كما سمعت ام لا لن قالو لي انو فيه هناك من الشعب من ترتدي العباه والغطاء واللون بني ؟!! كثير قالو لي عادي تلبسين عبايه سودا بس انا مو حابه لن الشحادين هناك يجتمعون ع الخليجي اكثر من غيره |
عادي جداً ولا عليك من كلام الناس واذا على الشحاتين بقول لك شيء لا تتجادلي معهم ان حبيتي تعطينه الله يكتب لك الاجر ماحبيتي مايحتاج الجدل معه او الحديث وهم صحيح متواجدين لكن غير مزعجين بشكل كبير اغلبهم بتقسيم المنطقه التي لا انصح فيها اطلاقاً وقليل منهم بمنطقة السلطان احمد بس عند امينونو وياني جامع فيه منهم تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
الاماكن اللي ابي ازورها في تركيا قريبه من منطقة السلطان احمد مثل البازار المصري ومطعم المدينه :e340: ومحتاره بالفندق عاجبني فندق جراند ترابيا وقالو بعيد عن المناطق الحيويه كم راح تكون المسافه يعني ؟ واذا كان بعيد مره راح اصرف النظر عنه بس محتاره في منطقتين لني ماعرف المسافه بينها وبين السلطان احمد مثل شيشلي وبشيكتاش ابي المناطق القريبه من البحر |
فندق سكاي كايمر البوتيكي موقعه ممتاز انا من رايي استمتعوا بالشمال والعشرة آلاف لا تصرفاتها خلوها وعلى أكتوبر زيدوا عليها عشرة ثانية وزوروا اسطنبول اسبوع واحتجزوا من الان الرحلة الجاية |
اقتباس:
أنا سكنت في فندق جراند ترابيا في شهر مارس الماضي بالنسبه للبعد بعيد يكلّف التاكسي من الفندق الى تقسيم خمسين ليره واكثر ويوجد مترو لكن ماركبت لان التاكسي مباشر وماعندي الاّ يومين مابغيت اضيّع الوقت لكن سعره غالي شوي اليوم 400 ليره هذا و بدون فطور واذا طلبتي فطور ..... :12: ويطلبون تامين مفدّم تستلمينه عند المغادره في حالة كل شي تمام وسكنت في شيشلي لكن ما اشجّع الذي بيروح تركيا اوّل مرّه يسكن فيها لان تحتاجين لركوب تاكسي الى المترو اذا كان مو قريب من السكن وبالمترو الى تقسيم , ومن تقسيم مترو ثاني الى كابتاش ومن كابتاش تاكسي أو باص او ترام الى السلطان احمد وفي الرجوع كذلك . |
في هذي الحالة اسكني في سيركجي احسن تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
| الساعة الآن 07:51 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO