ساعدوني الله يجزاكم الجنة.
 

صباح مساء الخير جميعًا.
انا وكما ترون جديد بالمنتدى، سمعت عنكم سمعه طيبه و جيتكم اسأل :56:
انا يا طويلين العمر راح اسافر لتركيا ان شاء الله لأول مره مع زوجتي في 11اوقست على مطار صبيحة و بنظل هناك ما يقارب ال 14 يوم ان شاء الله، قريت تقاريركم ماشاء الله كافيه ووافيه ولكن للامانه زادت حيرتي كثير مالكم في الطويله ابي مساعدتكم
انا ابغا جدول للمناطق الي ماتبعد عن اسطنبول كثير يعني ما نضطر للسفر بالطيارة و مناطق هاديه وطبيعه
وابغا اسالكم عن المواصلات سياره بسائق هل يمكن احجز اون لاين وكيف الاسعار؟
الله يجزاكم الجنة فزعتكم و ان شاء الله ماتقصرون:e030:

اخوي طالما ال 14 يوم بااسطنبول فقسمها ...
ممكن 6 ايام ببورصة ومنها تزور يلوا وسابنجا وباقي ريف اسطنبول ...تخلي يوم كامل لكل منطقة ببورصة انصحك بااستأجر سيارة والسواقة بنفسك...
بالنسبة لأستأجر سائق فاالاخوان هيفيدوفك باارقام سواقين وممكن تتصل عليهم وتتفق معاهم...
لكن داخل اسنطبول ماتحتاج سواق مدام انتو شخصين المواصلات العامة تكفيك المترو الترام الباصات ...

السواقين الخاصين اغلبهم يعتبرون مرشدين سياحيين
وعندهم جداول ((تريحهم هم)) وركز على تريحهم
وغالباً من ضمن جداولهم رحلة الى سبانجا وبورصا وفي نفس اليوم يرجعونك بمعنى يوم يودونك لسبانجا
ويلفون بك ثم يرجعونك لاسطنبول اليوم الثاني يودونك لبورصا ويلفون بك واحتمال كبير ما يودونك لجميع الاماكن لكن الاشهر منها فقط

وفيه مكاتب سياحية منطله في اسطنبول عندهم رحلات

قبل فتره كنت ابحث عن اماكن قريبه من بورصه وما تكون بعيده بحيث اقدر اوصل لها بالسيارة وارجع في نفس اليوم ولا اليوم الي عقبه، والمشكله كل ما بحثت تطلع لي مدينه تتميز بشئ :21:
وفي الاخير رحت لسبانجا وبورصا واقفا

لكن بما ان سفرتك بتكون في الصيف فانصحك تسير على الشمال بالطيارة او بالسيارة
ماجربت الطيران الداخلي لكن فيه كم واحد اعرفه مدحه لي وسهولته واسعاره لكن ما جربته

بالسيارة من اسطنبول تقريبا 13 ساعة :e252:
وبالطيارة 1:45

فكر فيها وقلبها خل وصولك زي ما هو لصبيحه واحجز طيران داخلي من صبيحه عقب ساعتين من وصولك مثلا لو تاخرت الرحله ولا شئ ولو ما تاخرت تنزل تتمغط :53: وتاكل لك شئ
وتجلس لك في طرابزون واوزنجول 4 ايام ولا 5 والباقي في اسطنبول وتروح يوم لسبانجا ويوم لبورصا

او اذا فيه مجال تعدل حجزك في الفنادق انك تجلس في اسطنبول خمس ايام ثم تحجز طيران لطرابزون ثلاث اربع ايام ثم ترجع اسطنبول وتاخذ لك فندق ثاني تغير :1:

الله يعطيك العافيه، فعلا فكرت بهالمناطق ولكن احترت وين اخذ الفندق و ياليت توضحون لي هل يوجد منتجعات ووين الافضل؟ وعن التنقل هل المترو و الترام و الباصات باللغه الانجليزيه ولا فقط التركيه؟


مشكور ماقصرت، ولكن كأول رحله ابغا اتعرف على المنطقه اول و اشوف هل سهل التنقل فيها اخاف اتوهق فقلت فقط اسطنبول و ماحولها و لنا زياره اكيد ثانيه بإذن الله لشمال، جزاكم الله خير

14 يوم في اسطنبول !!!!! كثيييير

هذا هو سؤالي، انا استفسر عن المناطق و الارياف حول اسطنبول التي لا تحتاج الى طيران.

اخوي عندك مناطق تحتاج الى سيارة خاصة

مثل :
يلوا
ابانت
سابنجا
كل منطقة يومين
وعندك بورصة بروحها تحتاج 5 ايام
غير اسطنبول الي تحتاج الى اقل شي اسبوع تزور كل الاماكن الي فيها

الله يوفقك ، لكن محد افادني بالنسبه للسواقين الخاصين كيف نظامهم وكيف يمكن احجز سياره بسايق؟

اخوي الافضل انك تستأجر سيارة وانت تقودها

الله يعطيكم العافيه بسالكم بخصوص كرت المترو ينفع واحد لي ولزوجتي ولا لازم اثنين؟

لا يا عزيزي كرت واحد
يستخدمه اكثر من شخص عادي



تحياتي


أرسلت بواسطة أوكسير بإستخدام Tapatalk

ردِّدْ دائماً:
سبحانك اللهم وبحمدك ( أستغفرك وأتوب اليك )

اتفق مع اخوي عادل



لكن في اسطنبول انسى ولا تفكر اصلا
تستاجر سيارة



اما خارج اسطنبول
اوكي ماعندك مشكلة




تحياتي


أرسلت بواسطة أوكسير بإستخدام Tapatalk

ردِّدْ دائماً:
سبحانك اللهم وبحمدك ( أستغفرك وأتوب اليك )

اتفق مع ما قاله اخوي فيصل


وانا انصح اذا سائق خاص

خذ لك تركي احسن لك


و زد عليها



يكون معك دفتر يوميات


كل يوم تحط فيه الاماكن اللي تبي تزورها

يعني كذا على سبيل المثال:


اليوم الاول
توبكابي
جامع السلطان احمد
متحف ايه صوفيا

اليوم الثاني
دولما بهجه
اورتاكوي
اولوس بارك

اليوم الثالث
جامع ايوب
بيرلوتي




وكل مكان بجواره اسمه في اللغة التركية
وسلم لي على الشيخ قوقل بالترجمة




وكذا انت مرتاح بالك وضميرك




وكل ما وصلت مكان
حط علامة صح




http://uploads.tapatalk-cdn.com/2016...4ef8ff8ec1.jpg







تحياتي


أرسلت بواسطة أوكسير بإستخدام Tapatalk

ردِّدْ دائماً:
سبحانك اللهم وبحمدك ( أستغفرك وأتوب اليك )

شكرًا جميعا ردودكم كافيه ووافيه ولكن وبعد بحث و احد الزملاء مدح لي الشمال التركي.
فقلت اخذ رايكم خاصه و انكم قد زرتم المكان قبل، فكيف الشمال التركي ووش اهم المناطق اللي ازورها بمعنى اني انسان احب استمتع بالمكان اللي انا فيه يعني عادي اظل بمكان واحد و بالسفره الثانيه اكمل ازور غيره ف وش هي الاماكن اللي تستحق الزياره بالشمال التركي و افضل الفنادق هناك ؟. ( و معليش تعبناكم معانا).

اخوي الشمال التركي كله جميل ومكان اجمل من مكان مثل اوزنجول وايدر