مساعدتكم في التخطيط لطرابزون
 

السلام عليكم ورحمه الله وبركاته

الغاليين ان شاء الله بنروح الشمال التركي باغسطس لمده 10 ليالي افترح علي الاخوه والاخوات ان نسكن كم ليله بطرابزون وبعدها كم ليله بازنغول وبعدها كم ليله بايدر .

احنا شخصين ومعانا سياره فكرنا انه من الاسهل ان نسكن طول الفتره بطرابزون ونروح برحلات يوميه لازنغول وايدر وغيرها علشان ما نضطر نسكر الشنط ونفتحها ودخول لفندق وطلوع من فندق وضياع الوقت ... اشرايكم بهذي الطريقه ...خصوصا اننا ما نحب الاماكن الهاديه بزياده ونحب نتمشى بالمسا بالمول او بوسط المدينه .

هل تشوفون فكرتي جيده وسهله التطبيق؟
واذا كانت ممكن تتطبق ممكن تعطوني خط رحله لكل يوم خروج من طرابزون

مثلا اليوم الاول الخروج من طرابزون الى اوزنغول شنهو المناطق او القرى السياحيه الي بتكون على هذا الخط ونقدر نشوفه بيوم واحد وبعد ما نخلص من اوزنغول نرجع طرابزون ؟

سامحوني طولت عليكم بس العشم فيكم كبير .

جزاكم الله خير وشكرا مقدما

والله اختي انا انصح تقسيم المدة على فندقين افضل

فندق باوزنجول لانه وقت الغرب بالشمال تقريبا الساعة 9 وبعدها راح تتعشون بمطعم وينتهي اليوم لانه الارياف يومها يبدأ بالصباح

وفندق بطرابزون تطلعون كل يوم مكان وفيه مولات تقدرون تتمشون فيهم طبعا غير الميدان

لكن فندق واحد وكل يوم انطلاقه ما انصح

مرحبا
بما انكم تحبون المشي بالمسا بالمولات وبوسط المدينة الافضل انك تحجزين فندق بمنطقة الميدان بطرابزون.
وما يمنع تقضون ليلتين باوزونجول.
من طرابزون بإمكانكم زيارة ايدر من الصباح للمساء وفي الطريق أيضا مدينة ريزا.
بيوم آخر زيارة الحديقة الوطنية اللي فيها مغارة صوميلا ( رغم أنها مغلقة للصيانة ) وماشكا وزيكانا وهامسيكوي.ومغارة كاراجا اذا تحبون.
يوم آخر إلى حيدر نبي وسيرا غول واكشبات ومغارة شال.
وفي الليل عدكم المولات بطرابزون او الميدان او مطل بوزتبه.