|
فزعتكم معي الله يسعدكم السلام عليكم جميعا كل عام وانتم بصحه وعافيه انا عضوه جديدع بالمنتدى لاكني متابعه صامته لكم والشكر لكل واحد افادنا باذن الله انا وزوجي وطفلين مسافرين لتركيا يوم الاثنين 20 شوال باذن واحد احد الوصول لاسطنبول اربع ايام بعدين بورصه اربع ايام ونرجع مره ثانيه لاسطنبول خمس ايام السكن ب اسطنبول منطقة السلطان احمد والفندق الثاني ب تقسيم وش رايكم بالايام والسكن وابي الاماكن اللي تستحق الزياره في بورصه واسطنبول شيرو علي انصحوني الله يوفقكم والتنقلات افضل التاكسي ولا سياره خاصه ومايهمني التكلفه اهم شي ننبسط ابي برنامج من اهل الخبره ومتخوفه من بعد التفجيرات الله يسعدكم جميعا افيدوني ب اسرع وقت قبل رحلتنا |
هلا فيج اختي معانا بخصوص السيارة او التاكسي طبعا السيارة الخاصة افضل لكن تكلف اكثر لكن فترتكم طويلة باسطنول ليش ما تروحون طرابزون بخصوص بورصة يفضل تاخذون سائق من بورصة لانه يعرف اماكن اكثر من سايق اسطنبول بخصوص البرنامج هذا برنامج لاسطنبول من اعداد مشرفتنا زهرة اختاري الي يناسبج اقتباس:
|
الله يسعدك يارب على الرد طرابزون مايبغاها زوجي كنا بنروح ل سبنجا بس مكتب السياحه قال ماتنفع ممكن اعيد تقسيم الايام عطني رايگ في هالموضوع واللي سبق له التجربه لايبخل علي مع حساب ان معي طفلين الصغير لسى بالاشهر |
اختي رحله موفقه اولا وثانيا الله وياكم دائما استودعي نفسك واهل بيتك وماعليكم شر ثالثا الاهل في تركيا والوضع امان وماعليهم اي شر وخوف وبعد التفجيرات اصلا زاد الامن بكل مكان تقسيم جدولك شوفي حبيبتي انا ارشح لك بورصه ويلوا زياره يوم كامل من دون مبيت طبعا يعني وانتي راده من بورصه تحجزين عباره ليلوا وبعدها تحجزين من يلوا ع اسطنبول سبنجه حلوه يوم بعد من دون مبيت من اسطنبول روح لها طربزون مايبي زوجج عندج ازمير حلوه وباقي مناطق الشمال لانه عدد ايام اسطنبول كثيره بالنسبه للسائق خاص او تاكسي انا اشوف دام معاج اطفال صغار اخذي سايق خاص وريحي نفسج ليش بتقولين بقول العربانه تقدرين دايمً مخليتها بالسياره وحقيبة الغيار للعيال مخليته بالسياره وقت ماتنزلين لمجمع لرحله مايكون في حمل شايلتها معاج وبعد تاخذين راحتك مع زوجج والعيال واي ظرف يصير تقدرين تغيرين مسار الرحله او الرجوع الى الفندق انا اقول سايق خاص لاسطنبول اما بورصه التكاسي كثير ومايضيع شي وكل شي هناك سهل وماهو صعب وتقدرين بعد تاخذين سايق خاص من هناك او تنظمين نفسك مع مكتب الرحلات الي بالفندق بس طبعا بتكلفه اكثر موفقه يلوا يوم من الصبح لي المغرب والعوده سبنجه من الصبح والعوده بورصه اكثر من ليله اسطنبول يكفيها ليالي اذا كان في نيه للشمال باقي الايام او ازمير اذا لا باقي الايام خليها متوزعه بين بورصه واسطنبول |
شكرا لك حبيبتي الله يسعد قلبك ويرضى عليك |
ام عز الله يحفظكم مكتب السياحه يبحث دوما عن مصلحته حرام بالأوقات ذي وتقضي 10أيام في أسطنبول فكري بالشمال وقتكم بيصادف أول أغسطس |
اقتباس:
|
ليش شركات ،، المشرفين والخبراء أفضل مني صراحه لعلهم يفيدونك |
اهلين وسهلين فيك مثل ما قال اخي فيصل المده طويله والشمال التركي اذا ما زرتيه كأنك لم تسفار تركيا المكاتب تستغلكم وتبحث عن مصلحتها على اي اساس يقول ما تصلح لكم لا تسمع كلام احد رأيي اسطنبول 3 وبعدها الشمال التركي 6 ايام والمدة المتبقة في اسطنبول وممكن تزور بورصه وترجع بنفس اليوم قرر وبنساعدك من الألف للياء لا تخاف |
الله يسعدكم جميعا اتصلت على مكتب السياحه وكنسلت الرحله بعد الاحداث اليوم صعب اخاطر بنفسي واولادي والمساله كلها سياحه .... رشحو لي بلد اخر الله يعافيكم |
| الساعة الآن 09:12 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO