|
تاكسي اسطنبول السلام عليكم و رحمة الله و بركاته .. .. كم تبلغ تكلفة استخدام التاكسي في اليوم الواحد في اسطنبول كمتوسط ؟ و أيهم أرخص التاكسي او استئجار سيارة مع سائق ( بـ130 دولار تقريبا ) ؟ شكرًا ،، |
وعليكم السلام طبعاً التكلفة تعتمد على عدة اشياء بعد المكان الزحمة عدد المشاوير في اليوم لكن مثلاً نقول المشوار الواحد متوسط تكلفته 30 ليرة والتاكسي ارخص من السيارة مع سائق السيارة مع سائق بالاضافة للسعر المتفق عليه راح تدفع سعر المواقف ووجبة للسائق في حال تواجده معكم وقت عشاء او غداء |
حسب ما قرأت بالمنتدى الشمال التركي تحتاج استئجار سياره بس اسطنبول لتوفر المواصلات العامه لأهم اماكن السياحه ، واستخدم التكاسي اذا استدعي الامر يعني الافضل عدم استئجار سياره في اسطنبول وهذا اللي بسويه في سفرتي القادمه والله ييسر |
حاولوا بقدر الإمكان الابتعاد عن استخدام التكسي. يعني المواصلات العامة أوفر وامتع. التكسي فقط للحالات الضرورية. |
اخوي اذا كان معك اطفال التاكسي افضل حل لك السائق الخاص اذا كان عددكم كبير افضل لكم |
التاكسي للي معاه اطفال ويتعبون من المشي مثل كبار السن كذلك اذا مافيه اطفال وكبار سن المترو والترام والباصات تفي بالغرض والتاكسي عند الضروره |
يعطيكم العافية ،، عندي استفسار آخر .. هل التاكسي متوفر بكثرة يعني اقدر ألقاه بأي وقت و في أي مكان ؟ |
التكسي بتلقاه وين ما تلف ويهك وفي الشوارع الرئيسيه بتلاقيهم واقفين سرا ورا بعض تاخذ اول واحد واتفق معاه على السعر قبل لا تركبون وانا اعرف انك شاب اكيد بيكون الوالد معاكم اذا كنتو اكثر من اربع راح تاخذون تكسي ثاني انا اتكلم عن التكسي الأصفر لأنه صغير اما اذا طلعت من الفندق بتلاقي تكاسي لونهم اسود او تابعين للفندق بيكونون اكبر اما سعر التاكسي لليوم كامل. ب ١٣٠ دولار اخذ هذه اسعارهم وبعد في ناس اسعارهم اغلى وترى بعد المكتب بيتفق معاك على ١٣٠ ولكن السايق يطمع ويبي له زياده اخر المشوار بيقول لك عطني اكراميه |
اقتباس:
تفرق حسب المشوار ولكن بمعدل 30-50 ليرة تقريبا أكيد التاكسي والمواصلات العامة أرخص بس إذا رايح دي الفترة ومازالت المواصلات العامة مجاناً ما أنصحك لأنه زحمة لا تطاق في محطات المترو والترام فاي إذا عائلة افضل دام استخدام التاكسي والمترو وتقدر تعتمد على ده البرنامج بيجيك التاكسي لحد عندك وينزل المكان اللي تبغاه وتقدر تعرف القيمة التقديرية قبل لا تطلب http://www.arabtrvl.com/vb/t7690.html وكمان عندك تطبيق أوبر أسعاره جداً مناسبة وكمان عندهم خدمة أوبر تاكسي وأسعارها منطقية جداً من سيركجي إلى مطار أتاتورك 53 ليرة بتجربة لمراقبنا ماجد الفهد منذ أسبوع تقريباً وتمنياتنا لكم برحلة سعيدة |
| الساعة الآن 01:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO