وقعت في ورطة ارجو المساعدة الاخ ماجد الفهد وكل من لديه خبره
 

السلام عليكم ورحمة الله
انا في تركيا من يومين تقريبا
ذهبت الى تقسبم بالامس وشارع الاستقلال ومحطتي الاخيرة كانت برج غلطة
وهو اكبر غلطة فقدت المحفظه هناك وفيها رخصة القيادة ومبلغ مالي والفيزا كارد والبطاقة
قمت مباشرة بالغاء الفيزا والبطاقة
والمبلغ الله يخلف ويعوض
لكن المشكلة عندي انني استاجرت سيارة في طرابزون من موقع رينتال كار من بدجت قبل اسبوع اي قبل قدومي لتركيا وقد سحبوا المبلغ مباشرة
والرخصة مطلوبه والفيزا ايضا عندهم
ماذا افعل ؟؟؟؟؟؟!!!
لا املك رخصة الان ؟!

اول شي روح بلغ الشرطة

انت معاك احد يسوق او بس انت تسوق ؟

عندك صورة عن الرخصة او رخصة دولية ؟

هل شركة تاجير السيارات سحبت مبلغ تأمين ؟ وكم ؟

مترجم السفارة يقول تبليغك للشرطة ماله فايدة ولم ابلغ للاسف
الرخصة دولية اللي كانت معي من السعودية
وماعندي صورة للاسف
والمبلغ سحبوه كاملا اول ماحجزت

اخوي انتبه انك تلغي الحجز لانك لغيت بطاقتك وما يقدرون يرجعون المبلغ راح يروح عليك المبلغ

تفاهم معاهم افضل حل خبرهم ان ليسنك انسرق

افضل حل انك تتصل فيهم الحين

ولهم فرع باسطنبول حاول تروح وتتفاهم معاهم

تساهيل بإذن الله والحمد لله ع السلامة ، مبدأيا ، لازم تدبر صورة رخصة القيادة لا هنت بأي شكل ، لإنه بدون فيزا ولارخصة صعب يعطونك السيارة ، ثانيا من وين حجزت ، وش الشركة ؟

انتظر ردك واذا تاخرت عليك بالرد راسلني خاص وابشر بعزك باذن الله