|
رحلتي 2سبتمبر لسطنبول واحتاج مساعده السلام عليكم يااهل المنتدى لي شهر اتصفح المنتدى واخذ افكار لرحلتي وهي باذن الله شهر 1 ذي الحجه بتاريخ 2 سبتمبر و والعوده 13سبتمبر اول رحله لي دوليه وكمان لغتي الانقلزيه ضعيفه افكر اقضي 3 ايام اسطنبول وباقي الايام الشمال التركي طرابزون واوزنجول مره متحمسه لها ابغى اعرف كيف الاجواء في شهر سبتمبر في اسطنبول والشمال التركي ويمدينا نحجز اول مانوصل اسطنبول لطرابزون ولا لازم قبل السفر بمده وزوجي كسول وعصبي مايحب التعب عشان كذا افكر نستاجر سياره بسواق تنصحوني من فين استاجرها وكم التكلفه المتوقعه لطفلين وانا وزوجي في اوزنجول وكمان قريت في المنتدى استاجر الفنادق دايركت لما اوصل افضل من موقع الحجز اتمنى تفيدوني وشكرا |
وعليكم السلام بالنسبة للغة ليست عائق والبرنامج يهم بالبداية تحديد الاماكن اي 11 يوم أين ستكونين ..لابد تقررون 3 مدن أو 2مدينيتن وكيفية توزيعها بالأيام والبداية والنهاية - بالنسبة للفنادق .. يكون في بوكينق فرص خاصة في اسطانبول والاسعار زينة الان والحجز اضمن وأرخص من المباشر عند الوصول |
انا افكر في اسطنبول السلطان احمد |
انا افكر في اسطنبول السلطان احمد والشمال التركي اهم شي برحلتي خاصه اوزنجول وايدر وريزا ومادري كمان وين اروح �� المشكله زوجي يقول البطاقه الاتمانيه حرام وكل حجز بوكنق لازم بطاقه وش الحل والجو هل راح يكون بارد وحلو ولا حار لان زوجي كان يبغى اندنوسيه لانها ممطره وانا قلت تركيا احلى قال نشوف اختيارك وهل في فنادق مجربه وتنصحوني فيها ورقم سائق صقه ومحترم ويتكلم عربي |
انصحكم في الشمال التركي استأجروا سياره من المطار والحجز الأفضل عن طريق النت او الذهاب الي احد المكاتب السياحيه يحجزها لكم الطقس شوفوا موقع الطقس اسطنبول السلطان احمد كويس واحجزوا من بوكينق والتنقلات خليكم على المترو في الشمال التركي احجزوا هناك خذوا في اوزنجول ثلاث ليالي وثلاث في طرابزون او ليله في ايدر اذا حصلتوا حجز في نفس اليوم الوصول على طرابزون يكون افضل او خذوا ليله في اسطنبول عشان الطفلين افضل لكم واليوم اللي بعده اطلعوا على طرابزون ومنها مباشره على اوزنجول ثلاث ليالي / ايدر ليله / طرابزون ليلتين تسليم السياره طيران داخلي على اسطنبول والمنتدى فيه من الخبراء والمعلومات المفيده بس ناقص التخطيط السليم من قبل السايح يعني بعد تخطيط السكن معرفه اقرب مترو وكيف التنقل للجهه المراد زيارتها |
يسلمو درجه سياحيه على النصائح حجزت عن طريق بوكنق ليلتين في اسطنبول لقيت فندق ليكا2 بسعر مغري٣٠٠ معقوله صدق وبدون بطاقه اتمانيه وقريب من مسجد السلطان احمد باقي اضبط الشمال التركي ورفض زوجي يسوق هناك قال انا جاي استمتع ولا اشقى :e023::e15a: |
عزيزتي بخصوص الفنادق حبيت انبهك لنقطة بس قبل تحجزي شوفي تقييم الفندق وتعليقات النزلاء وطبعا موقع الفندق مهم لان بعضها يكون داخل الحارات وسفرة سعيدة ان شاء الله |
حسب معلومات وتقيم موقع بوكنق انه قريب من كل شي و9 دقائق من البازار الكبير وكذا ولا كذا الدفع عند الوصول لو شفت انه سيئ راح اكنسل الحين اسطنبول ايش افضل الاماكن نستمتع احنا وطفالي التوم عمرهم 7 سنوات انا خطتي فيالاند وحديقه اميرجان مع المسجد الازرق وايا صوفيا وتل العرئس وجزر الاميرات وافكر نطلع سبنجا ومعشوقيه قبل نروح الشمال التركي احس 11 يوم ماتكفي لكن الحجوزات جت كذا :23: |
اختي عطينيا اسم الفندق عشان نشوفه اذا يناسبكم |
اسم الفندق ليكا2 شوف بالله يناسب وماقلتو الاجواء كيف تكون |
الاجواء روعة اختي بس الفندق بعيد عن المنطقة السياحية قليلة ولا يوجد محطة ترام قريبة منكم الافضل تبحثي في منطقة سيركيجي |
وعليكم السلام مداخلة بسيطة بالنسبة للبطاقة الإئتمانية في السفر اصبحت من الضروريات الفيزا في بنك الراجحي فيه بطاقة ائتمانية ( فيزا مسبقة الدفع ) واسلامية.. عند الاستخدام تحولين فلوس عليها واذا ما حولتي ماراح تقدرين تستخدمينها.. أما البطاقات الثانية البنك يدفع وعندك مهلة اذا ما سددتي يزيد المبلغ عليك. مثال: اذا تبغين تحجزين مثلا سيارة تحولين من حسابك الجاري على الفيزا المبلغ المطلوب وتحجزين ،، وعادي ينخصم المبلغ واذا ما حولتي ماراح يقدرون يسحبون شي.. ورسوم الفيزا 100 ريال.. وهذي الفيزا انا شخصيا استخدمها وسافرت لتركيا مرتين وماشية معاي تمام ولله الحمد |
كنسلت الحجز اخوي وحجزت في فندق تان - سبيشال كاتيغوري اليوم ب 200 شوف بالله كويس ولا لا وقريب من المعالم ولا بعيد مرا حايسه:e023: |
الحاتمي زوجي رافض النقاش حول البطاقه خليني ساكته لايكتسل السفره:46: |
اهلين وسهلين فيك موقعه بالسلطان احمد في داخل الحواري اطلع على هذه فنادق نظيفه ومجربه وسعرها مميز وموقعها كذلك مميز وقريب من الترام والأماكن السياحية https://ar.hotels.com/hotel/details....=2&ZSX=0&SYE=3 https://ar.hotels.com/hotel/details....HotelId=265123 https://ar.hotels.com/hotel/details....HotelId=265123 |
اقتباس:
يكون معاك سائق ويوجهك على مزاجه طالما يقود في بلد يستطيع القياده هناك بكل سهوله وكل شي واضح واللوحات واضحه واذا عزم برسل لك احداثيات عن طريق قوقل ماب جاهزه سالفة سائق وادفع له 150 دولار باليوم وياخذني مشوار والأ 2 باليوم ما تستاهل والله الشمال بدون قياده السياره لا يصلح هذا رأيي |
اقتباس:
أرسلت من SM-G928C بإستخدام تاباتلك |
اللله يعيننا على الرجال ههههه المهم خلي اول 6 ايام للشمال التركي و5 ايام اسطنبول اسطنبول تحتاج اسبوع عشان تغطي كل الاماكن لاتروحين اماكن غيرها راح تكون تعب عليك مع اطفالك وتروح السفره كلها وانتوا تقطعون مسافات وأميال اهم شي بالسفر الاستمتاع وليس زياره كل الاماكن لان بتصير السفره متعبه اذا مره مصره .. روحي بورصه اللي هي قريبه من اسطنبول مع ان كثير مايمدحها يوم 11 سبتمبر راح يصادف عيد الاضحى احرصي يكون بإسطنبول وتصلون العيد بالمسجد الازرق تحسين بأجواء العيد التركيه مجرد رأي .. وبالتوفيق |
ابشركم ضبط الحجوزات واقنعت زوجي انه يستاجر سياره بالشمال التركي رحلتنا الانطلاق الخميس الساعه 1 ونص والوصول بعد اربع ساعات ل انقره واستراحه ساعه وثم لسطنبول ونجلس في اسطنبول لين يوم 5 ورحلتنا لمطار طرابزون الاقلاع 8 العشاء والعوده ل اسطنبول يوم 11 بعد المغرب ويوم 12 و13 نكمل باقي الاماكن الي مارحنا لها في اسطنبول والعوده لجده يوم 14 فجرا ويعطيك العافيه اخوي لفراهيدي على مواقع الفنادق جدا ممتازه وتعرف احد مايعرفني ان شاء الله تكون رحله متعه لنا ابغىى سالكم عادي اخذ معي دافور بالشنطه ولا ممنوع :20: |
ممنوع موجود بكثرة في طربزون |
| الساعة الآن 07:47 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO