|
استفسار بخصوص تركيا... السلام عليكم ورحمة الله وبركاته ان شاء الله راح تكون اول سفره لي لاوروبا بتاريخ 1 سبتمبتر الى 8 سبتمبر وراح تكون الى اسطنبول وبعدها بورصه فبغيت استفسر عن الجو في اسطنبول وبورصه خلال هذي الفتره وكم يكفني هناك ( شخص واحد ) لمدة 8 ايام ؟ سواء بالدينار الكويتي او الليره التركيه وهناك في صراريف احتياط يصرفون الدينار الكويتي اذا نقصني فلوس هناك ؟ وهناك شلون طريقة التاكسي على العداد ولا نتقق على السعر ؟ واي نصائح جانبيه خصوصا اني اول مره بسافر لاوروبا ؟ واعتذر على الاطاله |
اهلين وسهلين فيك بالنسبة لأسطنبول الجو راح يكون فيها حار خاصه فترة التظهر من 12 لين 3 الفتره هذي حاول تكون بالفندق او في مكان ما فيه شمس مول او متحف او كوفي او اي شي ثاني بالنسبة للصرف الصرافين منتشرين في كل مكان في السلطان احمد وتقسيم وسيركجي وبايزيد لاتخاف من النقطة هذي بالنسبة للتاكسي يكون بالعداد والبعض يقولك مقطوعه مثلا 20 ليره والأفضل ما تخرج العمله الكبيره له اطلاقاً لان عندهم تبديل العمله سلام سلام وخليك مركز وانت تعطيه الفلوس اهم النصائح عند زيارة شارع تقسيم لا تلتفت لاي شخص يتحدث معك ويعرض خدماته بالتوفيق لك |
اضيف الى كلام اخوي الفراهيدي انك تقدر تسحب فلوس باي جهاز سحب متوفر باسطنبول بس اذا انت بروحك افضل انك تسكن في تقسيم ومثل ما قال اخوي الفراهيدي لا تكمل اي احد يعرض عليك اي شي او يسلم عليك او يكلمك عربي وحاول تبتعد عن التاكسي نهائيا اركب الباص والترام |
تقسيم انحش عنها والجو باسطنبول شمسها حارقه بس بالظل تحس بالبرودة والاجواء ان شاءالله تميل للكويسه والصرافين متواجدين في سيركجي والسلطان احمد والمطار والات سحب الالي متوفرة كذلك بس كل عملية سحب بيتم حسب عليك تكلفة انا افضل انك تسكن في سيركجي انسب منطقة لك بالسنتر ودامك لوحدك استخدم الترام والمترو يا عزيزي التكاسي من و الى المطار فقط وكم يكفيك الصرف هذا يعتمد على امرين ذوقك + كرشك [emoji16] وشكراً أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
تسسسلم اخوي الفراهيدي لكن الجو بالنهار يكون حر ، لكن بليل يكون برد ولا لا ؟ |
اقتباس:
لا ماراح اكون بروحي راح يكون قريبي معي لكن اقصد ان كل واحد تكاليفه لحاله من الصرف وكذا |
اقتباس:
لكن الجو بليل يكون برد ولا لا ؟ واحنا شخصين انا وقريبي بس اقصد ان كل واحد مصروفه لحاله |
وعليكم السلام ورحمه الله وبركاته ،،، مثل ما ذكروا الأخوان ونصيحتي الجانبية لك دام باقي مدة على وقت سفرك .. أقرأ ثم أقرأ ثم أقرأ كل صغيرة وكبيرة عن إسطنبول .. أفضل لك تأخذ خلفية مسبقه عنها حتى تستمتع أكثر فيها والتقارير هنا بالمنتدى راح تفيدك وتسهل عليك فوق ما تتصور على حسب ما يناسبكم ! حديثي هنا عن إسطنبول درجه الحرارة حسب تواريخك حتكون حوالي 21 درجه عظمى و 14 كدرجه صغرى .. ومتوقع يكون في هواء بارد بالليل خصوصاً في الأماكن المطلة عالبسفور فإحتياطاً تأخذ غيار شتوي .. أما من ناحية المصاريف فبعطيك المعدل المتوسط حوالي 15 إلى 20 دينار كويتي ممكن تزيد وممكن تنقص حسب ذوقك ووسيلة النقل تحياتي .. |
اقتباس:
|
ماقصروا الاخوان يعطيهم العافية وجو اسطنبول بالليل غالباً بارد حتى بالصيف بالليل يكون الجو لطيف ومرات تحتاج جاكيت خصوصاً على البسفور وبما انكم شخصين ممكن تستخدم المترو والترام والتاكسي تخليه للأماكن الي مايصل لها المترو |
| الساعة الآن 03:47 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO