|
والله ضاقت بي الوسيعه 💔💔😩 ليت الكل يدخل موضوعي يمكن الحل عندكم 😔 صباح الخير للجميع أنا سفرتي لتركيا بعد بكره لكن الكارثه إني وأنا أقلب حجوزات البوكينق انصدمت بإلغاء حجزي في فندق أوزنجول طبعا ممكن يكون السبب مني لان حجزي كان في أواخر شعبان وفي الأيام التي كان فيها الانقلاب خفت وسحبت المبالغ الموجوده بالفيزا بذاك الوقت طبعا كذا فندق حاجزه اللي سحب المبلغ الا ذا الفندق ايش أسوي وكيف اتصرف الحجوزات اللحين دبل الدبل وبعضها مايستاهل من التعليقات الموجوده أسفل الفندق هل بإمكاني استرجاع الحجز بدون مبالغ إضافيه ياليت تدلوني على الصواب صراحه والله ضاق صدري ماأدري ايش أسوي طبعا إن شاء الله أكلم الفندق في شخص عربي مع إني أظن 😔 لو لاقدر الله ورفض الفندق طبعا استحاله أحجز الفنادق الثانيه لان التكلفه راح تكون 12000 ومافوق تخيلوا !!!!!! أو فيه فنادق قريبه من اوزنجول أقصد قرى وايش تنصحوني والله محتاره لاتخلون أخيتكم أبي الرد من الجميع ماعندي الا يوم فقط |
غلطانه وخاصة اذا كان الحجز فيه الغاء مجاني يعني عندك الى قبل الرحلة بيومين امكانية الالغاء عادي ليش ماتسكنون في طرابزون وقريب من ازونقول ويمديكم تروحون كل اليوم تتمشون هناك وبالليل ترجعون ع الفندق في طرابزون |
بسيطه ان شاء الله تلقون سكن هناك او اسكنوا في ايدر او طرابوزن وزيارة اوزنجول ايضا لاتعتمدوا هذاك الاعتماد على بوكينق ممكن اللجو الي الوكالة السياحيه وتحصلون عروض حلوه |
توصلون هناك واحجزا ان شاء الله فيه فنادق واحسن على نظركم فنادق كثيره تستوي كل سنه وشقق جديدة لاتشيلون هم السكن ان شاء الله متوفر اذا مش في اوزنجول في طربزون أرسلت من SM-G925F بإستخدام تاباتلك |
اهلين وسهلين فيك مافيه داعي للخوف الحجز المباشر في الشمال افضل من بوكنق الاسعار تحصل ارخص على سبيل المثال العام الماضي في اكتوبر كنت في اوزنجول دخلت بوكنق اشيك على سعر فندق رويال اوزنجول كان السعر 1100 للغرفه رحت سالتهم قال الغرفه 400 ليره فرق كبير بين المباشر والبوكنق |
أهلاً بك .. الموضوع بسيط .. لا يدعو للقلق .. كي لايؤثر على جمال الرحلة .. أترك لكِ ثلاثة خيارات ( وجهة نظري ) ١/ الذهاب إلى أوزنجول والبحث عن سكن بحجز مباشر مع التغاضي والتغافل عن بعض الإشتراطات ( موقع ، ارتفاع بسيط بالأجرة ، إطلالة .. ) وغيرها .. ٢/ قرية شيكرا ( راح تمرون عليها بالطريق إلى أوزنجول ) اجعلوها خياراً ثانياً تبعد ٢٥ دقيقة عن أوزنجول ( لا أعلم هل يوجد فيها فنادق أو لا ) ٣/ مدينة ( أوف ) وهي مفترق الطريق إلى أوزنجول من الطريق الساحلي تبعد ٥٠ دقيقة عن أوزنجول .. اجعلوها خياراً ثالثاً .. ومن خلال قرية ( شيكرا ) أو مدينة ( أوف ) تذهبون إلى أوزنجول .. أكرر وجهة نظر خاصة ورأيي يحتمل الصواب أو الخطأ .. دعواتي لكم بالتوفيق .. |
اختلف مع بعض الأراء (مع احترامي لأصحابها ) وهذا ما سبب إحراج وضياع لكثير من الوقت لكثير من العوائل بسبب التفكير في الحجز المباشر خاصة وقت العطل الرسمية الكبيرة مثل هذه العطلة فأغلب الناس مسافرة ومصيفة ولا تحسبون فقط أهل الرياض أو جدة أو السعودية حتى الخليج وجزء من العالم العربي غير الأجنبي مثلنا بهذا البلد ... عموما إجابةً على السؤال لا يوجد حاليا إلا حجز المباشر وحتصلون لكن أكيد ليس مثل ما تتوقعون والقيمة للغرفة ممكن 200 ليرة وحولها أنا جلست الاسبوع الماضي كم ليلة في اوزونجول وحجزي من بدري ولله الحمد .. وطبعا كان لدي وقت وقلت بأمر واشوف كيف الحجز المباشر .. وجدت أنه بعض الأسعار قد لا تحتلف عن بوكنق كثيرا كذلك لم أجد إلا فنادق على عدد اصابع اليد الواحدة التي يمكن أن احجز فيها وأغلبها فل لأن بعض الفنادق تأتي لها قروبات تحجز الفندق كامل وكذلك وجدت غرفة ب150 لكن ضيقة جدا يعني تقوم من السرير الرأس يصقع فالسقف :7: وهذه نصيحتي لكم ولغيركم وقت المواسم احجز بدري لا تحرج نفسك خاصة إذا مع العائلة ولو تكرمتي اعطيني الأيام وعندي كم فندق إن قدرت واتواصلت معهم ولقيت خبرتك وعذرا إن كان يوجد أخطاء املائية فمن الجوال اكتب |
فارس من خيال شكرا لك أدري الغلط غلطي لكن أنا متخوفه مثل العالم والوضع والسفر بعد الانقلاب مباشره حجزي لا مافيه إلغاء مجاني بأوزنجول للمعلوميه أنا حاجزه ب أوزنجول ٤ أيام وطرابزون ٤أيام واسطنبول ٤ أيام ووجهتي على طول إلى أوزنجول يعني طيران دولي وداخلي وتعب وإرهاق سفر وآخر شئ مافيه مكان يأوينا�� أنا فكرت بايدر أو ديمر كابا أوزي كذا اسمها بس هل فيها فنادق أو شقق كثيره الله يجزاكم خير يارب جميعا الله يسمع منكم وأحصل فنادق عند الوصول |
درجه سياحيه ايش الوكاله السياحيه أول مره اسمع فيها شمس يوم الوصول إن شاء الله الأحد ٢٨ أغسطس غرفتين ل خمس أشخاص أناحاجزه من بدري لكن قدر الله وماشاء فعل |
مساء النور الاخوان ما قصروا وبما إن وصولك على طول لاوزنجول الافضل تحجزين اليوم الاول من بوكنج عشان ترتاحون ومن بكرة تدورون على مكان ثاني |
انا مع رائي اخي كتكات بوضعكم الحالي اذهبوا للحجز المباشر باوزونجول اذا ما حصلتوا ارجعوا لشيكرا ربع ساعة طريق واذا ما حصلتوا طرابزون ومنها الانتقال لبقية الاماكن. |
زهرة نيسان مشكوره يابعدي هذا قراري الأخير بعد ماكلمت الفندق وطبعا أكد إلغاء الحجز وطلب مني الحجز مجددا ولاحصلت الاغرف محدوده ماهي مثل طلبي السابق قررت احجز يوم واحد وبقية الثلاث أيام ربي يسهلها رحلتي من السعوديه لاسطنبول وبنفس اليوم من اسطنبول لطرابزون وعلى طول اوزنجول يعني تعب ومشوار فاليوم الأول نرتاح بأي فندق :20: لكن ما استغني عن نصائحكم بقرى قريبه من اوزنجول فيها فنادق أو شقق احتياط والله يسعد كل شخص رد علي وريح بالي |
تسلم حازم راح أخذ بمشورة الأخوان وابحث مباشرة بأوزنجول وبالقرى القريبه منها والله يكتب لنا ولكم الخير دائمًا |
العنوان مبالغ فيه بصراحة ما يستاهل كل هالصيغة !!!!! وشكراً أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
:21::20: والله ماأبالغ ذي الحقيقه وعمومًا الرجل غير المرأه ..! لكن الحمد لله سارت الأمور على خير شكرًا أخي وجهة نظر احترمها |
وجهة نظري تحاولي تحجزي عن طريق بوكينق ليلة وحدة في اوزنجول ومن هناك تبداي تدوري فندق يناسبك بحيث تكوني مطلعه على الغرفة بشكل مباشر او تدوري على ارقام الفنادق وتتواصلي معاهم مباشرة وتعمل نفس الطريقة وربي يكتبلكم الي فيه الخير ورحلة موفقة باذن الله |
| الساعة الآن 04:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO