|
مساعدة في ترتيب رحله إلى تركيا من 4-11 إلى 16-11 السلام عليكم و رحمة الله و بركاتة أول شي الله يعطيكم العافيه على الجهد اللي تبذلونه في هذا الموقع الرائع اللي الواحد يعتبره مرجع دايم له :58::e030: ثاني شي أنا أطلعت على كذا موضوع من قبل بس أحس إني تلخبطت و مو عارفه كيف أرتب جدول لرحلتنا اللي بتكون بِ إذن الله من تاريخ 4 - 11 إلى تاريخ 16-11 مع العلم إن الرحله بتكون لشخصين كبار و طفلتين ( 5 سنوات و 3 سنوات ) حابه أستفسر منكم عن أفضل ترتيب لرحلتنا إلى تركيا اللي بتكون تقريباً 12 يوم من غير يوم العوده ، * تقسمون لي الأيام على المناطق يعني كل منطقه كم يوم لها و كذا مع العلم أن رحلة الوصول بتكون لِ مطار أتاتورك و العوده بتكون منه برضوا .. يعني مثلاً آول كم يوم تكون في إسطنبول و آخر يومين برضوا تكون في إسطنبول * الأماكن اللي تستحق الزياره في كل منطقه * أماكن للسكن في كل منطقه و في إسطنبول من غير ميدان تقسيم و يفضل تكون 4 نجوم و شامله الإفطار * أفضل وسائل تنقل بين كل مدينه و الثانيه و هل نعتمد على الترام أو الباص أفضل من التكاسي و لا كيف * الميزانية تقريباً اللي تكفي ل 12 يوم من غير السكن و التذاكر كم ..! و أكيد أكيد م نستغني عن نصايحكم بخصوص أي شي هناك .. و الله يعطيكم العافيه مقدماً :e306: |
اقتباس:
http://www.arabtrvl.com/vb/t19793.html |
شفت التقرير الله يعطيك العافيه ، أكثر شي عجبني الشلالات و المدينه المائيه و التلفريك ، بس كيف بسياره خاصه ، م فيه سواقين و كذا هناك يودون نفس هَ الرحلات :e419: و برضوا لو إختيار المناطق وقع على نفس اللي ذكرتهم مبدئياً ، كم يوم إسطنبول و كم يوم بورصة و كم يوم سبانجا و كم يوم أنطاليا ، لأن حجز السكن يعتمد على تقسيم الأيام حسب المناطق :dunno: |
سيارة الخاصة تستاجرونها وتسوقنها بنفسكم وتروحون اي مكان تبونه وايضا فيه سواقين يودون اي مكان تبونه بس راح يكون سعره غالي تختارون ٨ ايام اسطنبول ويومين بورصة ويوم سابنجا او ٥ ايام انطاليا و٧ اسطنبول شوفي شنو تختارون؟ |
اقتباس:
بس أتوقع ناقص يوم لأن الرحله من 4 - 11 إلى 16 - 11 يعني أتوقع 12 ليله و 13 يوم و لا حسبتي غلط :21: ، و برضوا أبي الأماكن اللي تستحق زياره في إسطنبول و بورصه و سبانجا ، و كيف نطلع من إسطنبول ل هِ المنطقتين بعباره أو طياره أو سياره مع العلم إن الوصول لتركيا يوم 4 - 11 ب إذن الله بيكون 14.35 يعني 2 الظهر بتوقيتهم ، يوم الوصول كيف نستغل باقي الوقت فيه بعد م نريح و كذا بِ إنتظاركم أكيد و لو تذكرت شي جيت سألت هنا ، تحملوني أول سفره لِ تركيا و التخطيط يعتمد إعتماد كلي علي :30: |
بالنسبة لبرنامج اسطنبول شوفي هذا الموضوع www.arabtrvl.com/vb/t19233-2.html وطريقة الوصول لبورصة وسبنجة في مكاتب سياحية يسون رحلات يومية تقدرون تتفقون معاهم وهم يتكفلون بكل شي بالنسبة لاول يوم حاولوا تكتشفون المنطقة وتطلعون جولة بالبوسفور |
طيب الله يعافيك أنا شفت الموضوع حسيت إني مشتته و مو عارفه تقسيم 12 ليله و 13 يوم بالضبط و حايسه حوسه عشان حجز السكن يعتمد على تقسيم الأيام بس أنا مو عارفه كيف :15: ، يعني اسطنبول نبيها في البداية كم يوم و النهايه كم يوم لان بتكون الرجعه للسعوديه ب إذن الله من مطار أتاتورك و نفس الشي بورصه من كم إلى كم و سبانجا من كم إلى كم .. تاريخ الرحله موضحته فوق الله يعافيك ذهاب و عودة من 4 - 11 إلى 16 - 11 :(49): |
السكن افضل منطقه سيركجي اول يوم استكشفي المكان وممكن تزوري المسجد الازرق والكافيهات والمطاعم الميزانيه المتوسطه 500ريال كل يوم بدون السكن لاتعتمدوا كثير ع التاكسي جربوا المترو والترام سهل استخدامها ا |
وعليكم السلام وحياك الله معنا وعشان ماتتلخبطين وتتشتتين لازم تعرفين وين حابة تروحين هل اسطنبول وما حولها او اسطنبول وانطاليا وسائل التنقل اسطنبول وماحولها بسيارة خاصة ومن اسطنبول لأنطاليا طيران داخلي وبداخل انطاليا ايضاً سيارة خاصة ومدة الرحلة قسميها بالنص مابين اسطنبول والخيار الثاني اسطنبول وما حولها اما يالوا وبورصا (مع ان بورصا بالشتاء احلى) او ازميت وسبانجا وابانت وممكن اذا حابه تضيفين لهم آفا ممكن تجلسين يومين في كل مدينة وبالنسبة للسكن في اسطنبول انا عني افضل منطقة السلطان احمد وممكن تسكنون في اول الرحلة في السلطان احمد او شيشلي او سيركجي والفترة الاخيرة في القسم الاسيوي او في منطقة فلوريا قريب من مطار اتاتورك الميزانية المتوسط لشخصين 500 ريال |
طيب الله يعافيكم ، شرايكم بهذا التقسيم للأيام و إن شاء الله يكون صح : من 4 إلى 7 إسطنبول ( 3 ليالي ) من 7 إلى 9 بورصه ( ليلتين ) من 9 إلى 11 سبانجا ( ليلتين ) من 11 إلى 13 يلوا ( ليلتين ) من 13 إلى 16 إسطنبول ( 3 ليالي ) إذا يحتاج ينلغي منه شي أو إضافه و تعديل نوروني الله يرضى عليكم :13: |
| الساعة الآن 07:49 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO