|
رحلتي العائلية أخواني وأخواتي أعضاء منتدى العرب المسافرون أنا اخطط ل رحلة عائليه ل أسطنبول والشمال التركي أفضل الأشهر لزيارة تركيا أرخص خطوط طيران السعوديه أم التركيه كم المدة التي تكفي لزيارة تركيا علما أنها الزياره الأولى لي هل الأفضل الحجز من بوكينق أو شركات سياحيه وأفضل منطقه لسكن فيها في أسطنبول يكون قريب منها خدمات مطاعم وبقالات وحبذا لو تذكرون لي أسماء فنادق أهم الجولات السياحيه في أسطنبول وأهم المطاعم والحدائق وأشهر محلات الحلويات والقهوة هل يوجد أسواق تكون الأسعار فيهارخيصه بالنسبه ل الشمال التركي أفضل المناطق والفنادق وأفضل المطاعم ولكم جزيل الشكر |
وين خبراء تركيا ماأحد بيساعدني :15: |
اهلين وسهلين فيك وحياك الله معانا اقتباس:
بالنسبة للسعر ادخل على السعوديه وشوف الأسعار وادخل على التركيه واحيانا تكون فيه عروض يبي لك تتابع واذا كنت من المدن الرئيسية في خطوط اقتصاديه مثل طيران بيجاسوس ينظم رحلات كذلك و فيه كذلك طيران ناس عندك اقتباس:
اقتباس:
من بوكنق وارخص من الشركات بالنسبة للسكن في اسطنبول فيه عندك بايزيد سيركجي السلطان احمد جولهانه اشوفها مميزه اقتباس:
لا تخاف من الناحيه هذي احجز طيران واقرأ كم تقرير وحط الأماكن اللي ناوي تزورها ونرتبها لك الوضع سهل جداً اقتباس:
الأفضل الأطلاع على التقارير حتى تستفيد وتكون عندك درايه بكل شي |
جزاك الله خير أخوي الفراهيدي |
اهلا بك اختي يبدو لي من خلال الموضوعين اللي طرحتيهم بالمنتدى إنك محتارة بين تركيا وشرق آسيا .. والحقيقية لا الومك فكلا الوجهتين رائعة وتستحق السفر ... قبل أن تتشعبي في التفاصيل وتحتاري أكثر أنصحك مبدئياً تقرأي تقارير ومزايا وعيوب كل دولة ثم بعد ذلك توكلي على الله وحددي وجهتك للمكان الأكثر راحة بالنسبة لكم بالنسبة لتركيا أو بالأخص اسطنبول يسعدني ويشرفني متابعتك لتقريري على الرابط التالي .. فتقريري يستهدف الراغبين للسفر لاسطنبول لأول مرة http://www.arabtrvl.com/vb/t22872.html |
الله يسعدك أخوي نواف سبق وزرت شرق أسيا زرت ماليزيا 3 مرات وكنت مخططه على اندنوسيا لكن التصويت العائلي صار بصالح تركيا مشكلتي أحب احجز كل شي بدري واتابع الفنادق إذا حصلت سعر أرخص أو عرض الغي واحجز من جديد جميع الحجوزات والتخطيط يكون علي عشان كذا محتاره موضوعك رائع ورحلتك ماشاء الله تبارك الرحمن مخطط لها وممتعه جزاك الله خير |
اختي انصحك اول شي تقرين كم تقرير وبعدين تحددي اهدافك بوضوح طبعا الشمال التركي من شهر مايو الى نهاية سبتمبر اسطنبول تكون حارة جدا من منتصف يونيو الى منتصف سبتمبر |
دئما قراءة التقارير تجعل لك الوجه المسافر لها مثل الكتاب المفتوح رحلة موفقة بأذن الله |
اقتباس:
ما قصروا الاخوان الافضل الحجز من بوكنج وحجز مسترد تحسباً لاي طارىء اسطنبول اغلب الاماكن فيها خدمات لكن انصحك بالسلطان احمد او سيركجي او شيشلي مناطق حيوية وكل شي حولينك واذا تنقلاتكم راح تكون بالمواصلات العامة احرصي يكون الفندق قريب من محطة مترو بالنسبة للفنادق ادخلي قسم الفنادق فيه مجموعة فنادق من تجارب الاعضاء وبالنسبة للأماكن السياحية في اسطنبول شوفي هالموضوع تقريباً شامل اغلب الاماكن http://www.arabtrvl.com/vb/t295.html اما محلات الحلويات (وهذا رأيي الشخصي) افضل بقلاوة عند محل (كاراكوي قولواغلو) لهم فرع واحد فقط في اسطنبول في منطقة كاراكوي افضل حلقوم عند محل (malatya pazari) له عدة فروع في اسطنبول وحتى كشكات في المولات لكن انا دايم اخذ من الفرع الي في السوق المصري افضل قهوة عند (محمد افندي) في السوق المصري مع اني انا ماحبيتها اما الشوكولاتات وحتى انواع من القهوة تلاقينا عند محل (Dunyasi kahve ) هذا بالذات لازم تروحين له له عدة فروع ولاتنسين تجربين منتجات شركة الحلويات (Eti) تلاقينها في السوبرماركت والبقالات والاسواق الرخيصة اذا اواني ومحلات هدايا عندك السوق المصري والسوق الملاصق له سوق محمود باشا وبعد السلطان احمد فيه مجموعة محلات متفرقة واسعارها حلوه |
الاخوان ما قصروا بس بالنسبة للطيران افضل شي تحمل برنامج wego على تلفونك .. ويحط لك اسعار حلوة جدا والحين التذكرة رخيصة ممكن تحصلها ب 50 دينار كويتي |
| الساعة الآن 11:40 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO